எவன்கார்ட் விசாரணையை பொறுப்பேற்றார் ஜனாதிபதி

எவன்கார்ட் மிதக்கும் ஆயுதக்கப்பல் தொடர்­பான அனைத்து விசா­ர­ணை­க­ளையும் தான் பொறுப்­பேற்று நடத்த தீர்­மா­னித்­தி­ருப்­ப­தாக ஜனா­தி­பதி மைத்­தி­ரி­பால சிறி­சேன நேற்று திங்­கட்­கி­ழமை இடம்­பெற்ற விசேட அமைச்­ச­ரவைக் கூட்­டத்தின் போது அறி­வித்­துள்ளார்.

அனைத்து விசா­ர­ணை­களும் தனது மேற்­பார்­வை­யி­லேயே இடம்­பெறும் என்றும் அறி­வித்­துள்ள ஜனா­தி­பதி, சட்டம் ஒழுங்கு மற்றும் சிறைச்­சா­லைகள் மறு­சீ­ர­மைப்பு அமைச்­ச­ரான திலக் மாரப்­ப­னவின் இரா­ஜி­னா­மாவை ஏற்­றுக்­கொள்­வ­தா­கவும் தெரி­வித்­துள்ளார்.

பர­ப­ரப்­பான சூழ்­நி­லையில் நேற்று திங்­கட்­கி­ழமை ஜனா­தி­பதி மைத்­தி­ரி­பால சிறி­சேன தலை­மையில் ஜனா­தி­பதி செய­ல­கத்தில் விசேட அமைச்­ச­ரவைக் கூட்டம் இடம்­பெற்­றது. இதில் பிர­தமர் ரணில் விக்­கி­ர­ம­சிங்க உட்­பட அமைச்­சர்கள் பலர் கலந்து கொண்­டனர்.

காலை 10.30 மணிக்கு ஆரம்­ப­மான அமைச்­ச­ரவைக் கூட்டம் நண்­பகல் 12.30 மணி­வரை இரண்டு மணித்­தி­யா­லங்கள் நடை­பெற்­றுள்­ளது.இதில் அமைச்­சர்­க­ளுக்­கி­டையே கார­சா­ர­மான விவா­தங்கள் கருத்துப் பரி­மாற்­றங்கள் இடம்­பெற்­றுள்­ளன. நேற்று ஜனா­தி­பதி மைத்­தி­ரி­பால சிறி­சேன தலை­மையில் இடம்­பெற்ற விசேட அமைச்­ச­ரவைக் கூட்டம் தொடர்­பாக கருத்து தெரி­வித்த சுகா­தார அமைச்­சரும் அமைச்­ச­ரவைப் பேச்­சா­ள­ரு­மான டாக்டர் ராஜித சேனா­ரத்ன,

நாட்டில் பெரும் பர­ப­ரப்பை ஏற்­ப­டுத்­திய எவன்கார்ட் மிதக்கும் ஆயுதக் கப்பல் தொடர்­பான விசா­ர­ணைகள் தொடர்பில் ஆரா­யவே நேற்­றைய விசேட அமைச்­ச­ரவை கூட்டம் இடம்­பெற்­றது. இவ் அமைச்­ச­ரவைக் கூட்டம் சுமார் 2 மணி நேரம் இடம்­பெற்­றது.

இதன்­போது எவன்கார்ட் மிதக்கும் ஆயுதக் கப்பல் தொடர்­பாக நீதி அமைச்சர் விஜ­யே­தாஸ ராஜ­பக்ஷ தெரி­வித்த கருத்­துக்­க­ளுக்கு அமைச்­ச­ரவைக் கூட்­டத்தில் கலந்து கொண்ட அனைத்து அமைச்­சர்­களும் தமது கடு­மை­யான எதிர்ப்பை வெளி­யிட்­டனர்.

இக் கூட்­டத்தில் பிர­தமர் ரணில் விக்­கி­ர­ம­சிங்­கவும் கலந்து கொண்டார்.அமைச்­சர்­கள் அனை­வ­ரி­னதும் கருத்­துக்­களை செவி­ம­டுத்த ஜனா­தி­பதி, எவன்கார்ட் மிதக்கும் ஆயுதக் கப்பல் தொடர்­பான அனைத்து விசா­ர­ணை­க­ளையும் தான் பொறுப்­பேற்று நடாத்த தீர்­மா­னித்­தி­ருப்­ப­தாக அறி­வித்­த­தோடு அனைத்து விசா­ர­ணை­களும் தனது மேற்­பார்­வை­யி­லேயே நடை­பெ­று­மென்றும் தெரி­வித்­தார்.

அதே­வேளை எவன்கார்ட் மிதக்கும் ஆயு­தக்­கப்பல் தொடர்பில் விரைவில் முப்­படைத் தள­ப­திகள், பொலிஸ்மா அதிபர் உட்­பட உயர் அதி­க­ரி­க­ளுடன் விசேட உயர்­மட்டக் கூட்­ட­மொன்றை நடாத்த தீர்­மா­னித்­தி­ருப்­ப­தா­கவும் தெரி­வித்த ஜனா­தி­பதி இக்­கூட்­டத்தில் பிர­தமர் ரணில் விக்­கி­ரம சிங்­கவும் கலந்து கொள்வார் என்றும் அறி­வித்தார்.

அதே­வேளை நேற்­றைய விசேட அமைச்­ச­ரவைக் கூட்­டத்தில் சட்டம் ஒழுங்கு மற்றும் சிறைச்­சா­லைகள் புனர்­வாழ்வு அமைச்சர் திலக் மாரப்­பன கலந்து கொள்­ள­வில்லை. பிர­தி­ய­மைச்­ச­ரான துனேஷ் கன்­கந்­தவே இக்­கூட்­டத்தில் கலந்­து­கொண்டார்.

அதே­வேளை திலக் மாரப்­பன தனது அமைச்சுப் பத­வியை இரா­ஜி­னாமா செய்­வதை ஏற்­றுக்­கொள்­வ­தா­கவும் ஜனா­தி­பதி அமைச்­ச­ரவைக் கூட்­டத்தில் அறி­வித்தார் என்றும் அமைச்சர் டாக்டர் ராஜித சேனா­ரத்ன தெரி­வித்தார்.

எவன்கார்ட் மிதக்கும் ஆயுதக் கப்பல் தொடர்­பாக கடந்த 4 ஆம் திகதி பாரா­ளு­மன்­றத்தில் நடை­பெற்ற விவாதத்தின் போது ஜே.வி.பி. எம்.பி.யும் எதிர்­கட்­சியின் பிர­தம கொற­டா­வு­மான அநு­ர­கு­மார திஸா­நா­யக்க கடு­மை­யான குற்றச் சாட்­டுக்­களை முன்­வைத்­த­தோடு நாட்டில் இடம்­பெற்ற (கடந்த ஆட்­சியில்) பல்­வேறு ஊழல் மோச­டிகள் உட்­பட பல்­வேறு விட­யங்கள் தொடர்­பாக கார­சா­ர­மான கருத்துக்களையும் தெரிவித்தார்.

இவ்விவாதத்தில் உரையாற்றிய அமைச்சர்களான திலக் மாரப்பன, விஜேதாச ராஜபக்ஷ ஆகியோர் எவன்கார்ட் ஆயுதக்கப்பல் சட்ட விரோதமானதல்ல என்றும், இதனை முன்வைத்து முன்னாள் பாதுகாப்பு செயலாளர் கோத்தாபய ராஜபக்ஷவை கைது செய்ய முடியாது எனவும் பாராளுமன்றத்தில் கருத்து தெரிவித்தமையும் இங்கு குறிப்பிடத்தக்கதாகும்.