யுத்தக் குற்ற விசாரணையில் வெளிநாட்டு நீதிபதிகள் இல்லை! ஐ.நா.தீர்மானத்திற்கு சர்வஜன வாக்கெடுப்பு

யுத்தக் குற்­றச்­சாட்­டுகள் தொடர்பில் இலங்­கையில் நடை­பெ­ற­வுள்ள விசா­ர­ணை­யின்­போது வெளி­நாட்டு நீதி­ப­திகள் வழக்­கு­களை விசா­ரணை செய்து நீதி வழங்கும் செயற்­பாட்டில் ஒரு­போதும் ஈடு­ப­ட­மாட்­டார்கள் என மின்­வலு எரி­சக்தி பிர­தி­ய­மைச்சர் அஜித் பி. பெரேரா தெரி­வித்தார்.

ஐக்­கிய நாடுகள் மனித உரி­மைகள் பேர­வையின் 30 ஆவது கூட்டத் தொடரில் இலங்­கையின் அனு­ச­ர­ணை­யுடன் நிறை­வேற்­ற­பட்­டுள்ள பிரே­ர­ணையில் குறிப்­பி­டப்­பட்­டுள்ள விசா­ரணை பொறி­முறை பற்றி தெரிவிக்கும்போதே அவர் இதனைத் தெரி­வித்தார்.

பிரே­ர­ணையின் பிர­காரம் அது தொடர்­பி­லான எழுத்­து­மூல அறிக்கை 32 ஆவது கூட்­டத்­தொ­டரில் சமர்ப்­பிக்க வேண்டும். அதே­வேளை, 34 ஆவது கூட்டத் தொடரில் முழு அள­வி­லான அறிக்கை சமர்ப்­பிக்­கப்­பட வேண்­டி­யுள்­ளது.

கலப்பு விசா­ரணை பற்றி பிர­தி­ய­மைச்சர் தொடர்ந்து கருத்துத் தெரி­விக்­கையில், மனித உரி­மைகள் பேர­வையின் 30 ஆவது கூட்­டத்­தொ­டரில் நிறை­வேற்­றப்­பட்­டுள்ள தீர்­மா­னத்தின் பிர­காரம் எமது நாட்டின் சுயா­தி­பத்­தியம் ஏற்­றுக்­கொள்­ளப்­பட்­டுள்­ளது. எமது நாட்டின் சுயா­தி­பத்­தி­யத்தை ஏற்­றுக்­கொள்­வ­தாக இருந்தால் இலங்­கையின் அர­சி­ய­ல­மைப்­பையும் ஏற்­றுக்­கொண்­டாக வேண்டும்.

மேலும் பேர­வையின் தீர்­மா­னத்தில் இலங்கை பாரா­ளு­மன்றம் இயற்­று­கின்ற சட்­டத்­திற்­கி­ணங்­கவே விசா­ரணை நட­வ­டிக்­கைகள் மேற்­கொள்­ளப்­பட வேண்டும் என குறிப்­பி­டப்­பட்­டுள்­ளது. ஆகவே, வெளி நாட்டு நீதி­ப­திகள் வழக்­கு­களை விசா­ரணை செய்யும் வகை­யி­லான சட்ட ஏற்­பா­டுகள் இலங்கை சட்­டத்தில் இல்லை. அத்­துடன் எமது நாட்டு அர­சி­ய­ல­மைப்­பிற்­கி­ணங்க எமது நாட்டுப் பிர­ஜை­யொ­ரு­வ­ருக்கே நீதி­ப­தி­யாக பதவி வகிக்கும் தத்­துவம் உள்­ளது.

எனவே, வெளி­நாட்டு நீதி­ப­திகள் விசா­ரணை நட­வ­டிக்­கை­யின்­போது தொழி­நுட்ப ரீதி­யி­லான விட­யங்­க­ளி­லேயே பங்­க­ளிக்­க­வுள்­ளனர். வழக்­கு­களை விசா­ரணை செய்து நீதி வழங்கும் விட­யத்தில் அவர்­களால் ஒரு­போதும் பங்­க­ளிக்க முடி­யாது. அதற்கு கீழுள்ள விட­யங்­க­ளி­லேயே அவர்­களால் பங்­க­ளிக்க முடியும் எனவும் தெரி­வித்தார்.

இதே­வேளை, ஐ.நா. மனித உரி­மைகள் பேர­வையில் நிறை­வேற்­றப்­பட்­டுள்ள தீர்­மா­னத்தை நடை­மு­றைப்­ப­டுத்­து­வது தொடர்பில் பாரா­ளு­மன்றில் 2/3 பெரும்­பான்­மையும் சர்­வ­ஜன வாக்­கெ­டுப்பு மூலம் மக்­களின் அபிப்­பி­ரா­யத்­தையும் பெற வேண்டும் என அர­சியல் கட்­சிகள் சில வேண்­டுகோள் விடுத்­துள்­ளன. இது தொடர்­பி­லான எழுத்­து­மூல கோரிக்­கை­யினை ஜனா­தி­ப­தி­யிடம் குறித்த அரசில் கட்­சிகள் முன்­வைக்­க­வுள்­ள­தா­கவும் தெரி­ய­வ­ரு­கி­றது.

இது குறித்து அர­சியல் கட்­சி­களின் தலை­வர்கள் உள்­ளிட்ட பிர­தி­நி­திகள் பேச்­சு­வார்த்தை நடத்தி வரு­கின்­றனர். எதிர்­வரும் இரு வாரங்­களில் குறித்த கட்­சிகள் தமது நிலைப்­பாட்­டினை ஜனா­தி­ப­தி­யிடம் அறி­விக்­க­வுள்­ள­தா­கவும் தெரி­விக்­கப்­ப­டு­கி­றது.

ஜெனீவா தீர்­மா­னத்தை விரி­வாக ஆராய்­வ­தற்­கான சர்­வ­கட்சி மாநாடு கடந்த வியா­ழக்­கி­ழமை முதல் தட­வை­யாக ஜனா­தி­பதி மைத்­தி­ரி­பால சிறி­சேன தலை­மையில் கூடி­யது. மேலும் சர்­வ­கட்சி மாநாட்டின் இரண்டாம் அமர்வு மூன்று வாரங்­களின் பின்னர் மீண்டும் நடை­பெ­ற­வுள்­ளது.

எனவே, ஐக்கிய நாடுகள் மனித உரிமைகள் பேரவையின் தீர்மானத்தை இலங்கையில் நடைமுறைப்படுத்துவதற்கு முன்னர் பாராளுமன்றின் 2/3 பெரும்பான்மையையும் சர்வஜன வாக்கெடுப்பை நடத்தி மக்களின் அபிப்பிராயத்தை கண்டறியுமாறு அரசியல் கட்சிகள் சில, ஜனாதிபதியிடம் சர்வகட்சி மாநாட்டின் இரண்டாம் அமர்வின்போது வலியுறுத்தவுள்ளதாகவும் தெரிவிக்கப்படுகிறது.