சர்வதேசம் சாராத விசாரணை என்பதை அரசு நிரூபிக்கவேண்டும் - விமல்வீரவன்ச கடும் விசனம்

இலங்­கையில் இடம்பெறப்­போ­வது சர்­வ­தேசம் சாராத உள்­ளக விசா­ரணை என்­பதை அர­சாங்கம் தகுந்த சாட்­சி­யங்­க­ளுடன் மக்கள் முன்­னி­லையில் பகி­ரங்­க­மாக வெளிப்­ப­டுத்த வேண்டும். 

அவ்­வாறு இல்­லாத பட்­சத்தில் உண்­மைக்கு புறம்­பாக கருத்து வெளியிட்ட­மைக்காக மக்களிடம் தற்­போ­தைய ஆட்­சி­யா­ளர்கள் மன்­னிப்பு கோர வேண்டும் என்று தேசிய சுதந்­திர முன்­ன­ணியின் தலை­வரும் பாரா­ளு­மன்ற உறுப்­பி­ன­ரு­மான விமல் வீர­வன்ச தெரி­வித்தார்.

பிர­தமர் ரணில் விக்­கி­ர­ம­சிங்க ஐ.நா. மனித உரி­மைகள் பேர­வையின் யுத்த குற்றம் தொடர்­பி­லான அறிக்­கைக்கு எவ்­வாறு முகம் கொடுப்­பது என்­பது தொடர்பில் முன்னாள் ஜனா­தி­பதி ஜே.ஆர் ஜய­வர்த்­த­ன­வி­ட­மி­ருந்து கற்­றுக்­கொள்ள வேண்டும் எனவும் அவர் சுட்­டிக்­காட்­டினார்.

தமிழ் தேசிய கூட்­ட­மைப்பு தற்­போது தமது சமஷ்டி இலக்கை நெருங்­கி­யுள்­ளது.அதனால் தான் ஜனா­தி­பதி மைத்­தி­ரி­பால சிறி­சேன நாட்டை காத்த இரா­ணு­வத்­தி­னரை காட்­டிக்­கொ­டுத்து விட்டு நாடு திரும்­பு­கின்­ற­மைக்கு கூட்­ட­மைப்பின் தலைவர் மகிழ்ச்சி தெரி­வித்­துள்ளார் எனவும் அவர் குறிப்­பிட்டார்.

பத்­த­ர­முல்லை ஜயந்­தி­பு­ரவில் அமைந்­துள்ள தேசிய சுதந்­திர முன்­ன­ணியின் கட்சி அலு­வ­ல­கத்தில் நேற்று வெள்ளிக்­கி­ழமை இடம் பெற்ற ஊட­க­வி­ய­லாளர் சந்­திப்­பில் கலந்துகொண்டு கருத்து வெ ளியிடுகையிலேயே அவர் மேற்­கண்­ட­வாறு தெரி­வித்தார்.

அவர் மேலும தெரி­விக்­கையில்,

இலங்­கையில் யுத்த குற்றம் இடம் பெற்­றது என குறிப்­பிடும் ஐ.நா.மனித உரி­மைப்­பே­ர­வையின் அறிக்­கையின் பிர­காரம் இலங்­கை­யுடன் கைகோர்த்து சர்­வ­தேசம் விசா­ர­ணை­களை முன்­னெ­டுக்­க­வுள்­ளது. இந்­நி­லையில் பேரவையில் எவ்­வித திருத்­தங்­களும் மேற்­கொள்­ளப்­ப­டாமல் நிறைவேற்றப்பட்ட பிரேரணைக்கு இலங்கை அர­சாங்கம் பச்­சைக்­கொடி காட்டி­விட்­டது.தற்­போது அரச ஊட­கங்­க­ளிலும் ஜெனீவா மாநாடு பற்றி பேசு­வது தடை செய்­யப்­பட்­டுள்­ளது.

இந்த அறிக்­கையின் பிர­காரம் உள்ளக விசா­ரணை இடம்­பெறும் என்று கூறு­ப­வர்கள் முட்­டாள்­க­ளா­கவே இருப்பர்.குறித்த அறிக்­கையில் இங்கு அமைக்­கப்­படும் நீதி­மன்­றத்­திற்கும் ஆலோ­சனைக் குழு­வுக்கும் பொது­ந­ல­வாய நாடுகள் மற்றும் அது தவிர்ந்த ஏனைய நாடு­க­ளின் நீதி­ப­தி­களை வர­வ­ழைப்­ப­தற்கே தற்­போது தீர்­மா­னிக்­கப்­பட்­டுள்­ளது.ஆனால் அர­சாங்கம் அதனை மறைக்க தற்­போது ஆலோ­சனை குழுவில் மட்­டுமே சர்­வ­தேச நீதி­ப­திகள் இருப்­ப­தாக தெரி­விக்­கின்­றது. இது உண்­மைக்கு புறம்­பான கருத்தாகும்.

இது எந்த வகை­யிலும் உள்­ளக விசா­ர­ணை­யாக இடம் பெறாது என்­பதை அல் ஹுசைனின் அறிக்கை வெளிப்­ப­டுத்­து­கின்­றது. ஆனால் அர­சாங்கம் இதனை ஏன் மக்கள் மத்­தியில் மறைக்­கின்­றது என்­பது கேள்­வி­கு­றி­யா­கவே உள்­ளது.அர­சாங்­கத்தின் இந்த செயற்­பாட்­டினால் எமது நாட்டு நீதி­ப­தி­க­ளுக்கு இருக்­கின்ற தனித்­து­வமும் இல்­லாது போய்­விடும் அபாயம் உள்­ளது.

இந்­நி­லையில் 22 இரா­ணுவ உயர் அதி­கா­ரி­களை பெயர் குறிப்­பிட்டு ஜெனிவா மாநாட்டில் காட்­டிக்­கொ­டுத்­து­விட்ட பின்னர் தற்­போது பிர­தமர் ரணிலும் அமைச்சர் சம்­பிக்­கவும் மேற்­கு­றித்த 22 இரா­ணுவ உயர் அதி­கா­ரி­க­ளையும் அழைத்து அவர்­களை காப்­பாற்­று­வ­தாக ஆறுதல் கூறிக்­கொண்­டி­ருக்­கின்­றனர். மக்கள் விடு­தலை முன்­ன­ணியும் தற்­போது இவர்­க­ளுடன் கைகோர்த்­துள்­ளது.

இவ்­வாறு காட்டி கொடுத்த பின்னர் நாட்­டிற்கு வரும் ஜனா­தி­ப­திக்கே நாட்டை காப்­பாற்றி விட்டார் என்ற பெயரில் புக­ழாரம் சூட்­டப்­ப­டு­க­றது. மஹிந்­தவை காட்டிக் கொடுத்து ஐ.நா.விடம் தலை­கு­னிந்து நின்று அமெ­ரிக்­காவின் பிரே­ர­னைக்கு முகம் கொடுத்தமை குறித்து தற்­போ­தைய ஆட்­சி­யா­ளர்கள் வெட்­கப்­பட வேண்டும். ஐ.நா. அறிக்கை 1983 ஆம் வெளியி­டப்­பட்ட போது அதற்கு எமது நாட்டின் சுயா­தீன தன்மை பாதிக்­காத வண்­ணம முன்னாள் ஜனா­தி­பதி ஜே.ஆர்.ஜய­வர்தன் முகம்­கொ­டுத்தார் அவ்­வா­ற­ன­வர்­க­ளி­ட­மி­ருந்து பிர­தமர் ரணில் விக்­கி­ர­ம­சிங்க பாடம் கற்­றுக்­கொள்ள வேண்டும்.

ஜே.ஆர்.ஜய­வர்­த­ன­வி­ட­மி­ருந்து அவர் தவ­றான பாடங்களைக் கற்­றுக்­கொண்டால் போதாது. அவ­ரிடம் உள்ள நல்ல குணங்­க­ளையும் கற்­றுக்­கொள்ள வேண்டும். 1983 ஆம் ஆண்டே முதல் முறை­யாக இலங்கை தொடர்பில் ஐ.நா.வில் பேச்­சு­வார்த்தை இடம் பெற்­றது. அதில் இலங்­கையில் சிறு­பான்­மைக்கு எதி­ரான அட்­டூ­ழி­யங்கள் அதி­க­ரித்துக் காணப்­ப­டு­தாக தெரி­விக்­கப்­பட்து. அதுவே இலங்கை மீது உள்ள வலு­வான குற்­றச்­சாட்­டாக இருந்­தது. இன்றும் அதுவே உள்­ளது. ஆனால் அந்த நெருக்­க­டி­யான சூழ­ழிலும் ஜே.ஆர் .அர­சாங்கம் வட­ம­ராட்­சியை கைப்­பற்­றுவதை நோக்­காக வைத்­துக்­கொண்டு போராட்­டத்தை தொடர்ந்­தது.

அது மட்டுமன்றி ஜே.ஆர்.ஜய­வர்­தன இலங்கை மீது மட்டும் குற்றம் சாட்­டாமல் மக்­களை வதைக்கும் புலிகள் மீதும் விசா­ரணை நடத்­துங்கள் என்று குறிப்­பிட்­டி­ருந்தார். ஆனால் தற்­போ­தைய அர­சாங்கம் அதற்கு முற்­றிலும் மாறாக அமெ­ரிக்­காவின் தேவைக்கு ஏற்ப செயற்­ப­டு­கின்­றது. இதற்­காக தான் தற்­போது எதிர்­கட்சி தலைவர் சம்­பந்­தனும் ஜனா­தி­பதி நாட்டை சர்­வ­தே­சத்­திடம் இருந்து காப்­பாற்­றி­விட்மை குறித்து மகிழ்ச்சி தெரி­வித்­துள்ளார்.

ஆனால் தமிழ் தேசிய கூட்­மைப்பு போன்ற பிரி­வி­னை­வாத கட்­சிகள் தமது ச­மஷ்டி இலக்கை அண்­மித்­துள்­ளன .அதற்­கா­கவே அவர்கள் மகிழ்ச்சி வெளியிட்­டுள்­ளனர் பிரேரணை எமது நாட்­டுக்கு வெற்றியளிப்பதாக அமையும் என்று பொய் நாடகம் காண்பித்துக் கொண்டிருக்கும் நல்லாட்சி அரசாங்கம் மக்கள் மத்தியில் பகிரங்கமாக நாட்டை காட்டி கொடுத்தமைக்கு மன்னிப்பு கோர வேண்டும்.

சிறுபான்மையை பாதுகாப்பதாக கோரி தமக்கு அடிபணியாத முன்னாள் ஜனாதிபதி மஹிந்த ராஜபக்ஷவை பழிவாங்கவே ஐ.நா. மனித உரிமைகள் பேரவை முயற்சிக்கின்றது என்றார்.