‘கார்த்திகை மாதம்’ தமிழர்களின் கண்ணீரால் நனையும் மாதம் : ஐங்கரநேசன்

தமிழர்களின் வாழ்வியலில் கார்த்திகை ஒரு புனிதமான மாதமாகக் கருதப்படுவதாகவும், வீடுகள்தோறும் விளக்கேற்றி வழிபடும் இம்மாதம் தமிழ்மக்களின் கண்ணீரால் நனையும் மாதமாகும் என்று வடக்கு மாகாண சுற்றாடல் அமைச்சர் பொ.ஐங்கரநேசன் தெரிவித்தார்.

அத்துடன், வடமாகாண மரநடுகை மாதமான கார்த்திகை மாதம் முதலாம் திகதி தொடங்கி முப்பதாம் திகதி வரையான காலப்பகுதியில் வடக்கில் ஐந்து இலட்சம் மரக்கன்றுகளை நடுவதற்குத் திட்டமிடப்பட்டுள்ளதாகவும் அவர் கூறினார்.

வடமாகாண விவசாய மற்றும் கால்நடை அபிவிருத்தி அமைச்சில் இன்று வியாழக்கிழமை நடைபெற்ற பத்திரிகையாளர் சந்திப்பின் போதே அவர் இவ்வாறு தெரிவித்தார்.