சர்வகட்சி குழுக் கூட்டத்திற்கு எங்களை ஏன் அழைக்கவில்லை! விக்கிரமபாகு கேள்வி

சர்­வ­கட்சி மாநாடு என்ற பேரில் ஜனா­தி­ப­தியின் தலை­மையில் நடை­பெற்ற மாநாட்­டுக்கு தேசிய நல்­லி­ணக்­கத்­துக்­காக பல வரு­டங்கள் குரல்­கொ­டுத்த கட்­சிகளுக்கு அழைப்பு விடுக்காமல் தேசிய நல்­லி­ணக்­கத்­துக்கு எதி­ராக இனங்­க­ளுக்கு எதி­ராக செயற்­பட்ட கட்­சி­க­ளுக்கு அழைப்பு விடுக்­கப்­பட்­டமை ஆபத்­தா­ன­தாகும் என நவ­ச­ம­ச­மாஜக் கட்­சியின் தலைவர் விக்­கி­ர­ம­பாகு கரு­ணா­ரத்ன தெரி­வித்தார்.

சர்­வ­கட்சி மாநாட்டில் கலந்து கொண்ட தேசிய நல்­லி­ணக்­கத்தை விரும்­பாத கட்­சி­களின் செயற்­பாட்­டினால் மீண்டும் சிறு­பான்­மை­யி­ன­ருக்கு அநீ­தியே ஏற்­படும் எனவும் அவர் குறிப்பிட்டார்.

அதி­கா­ரத்தை பகிர்ந்து ஐக்­கி­யப்­ப­டுத்தும் அமைப்பு நேற்றுக் காலை கொழும்பில் நடத்­திய ஊட­க­வி­ய­லாளர் மாநாட்டில் கலந்து கொண்டு உரை­யாற்­று­கை­யி­லேயே அவர் மேற்­கண்­ட­வாறு கூறினார். அவர் தொடர்ந்தும் உரை­யாற்­று­கையில்

‘இன நல்­லி­ணக்­கத்­துக்­காக பல வரு­டங்­க­ளாகக் குரல் கொடுத்த நவ­ச­ம­ச­மா­ஜக்­கட்சி மற்றும் தேசிய ஐக்­கிய முன்­னணி ஆகிய கட்­சி­க­ளுக்கு ஜனா­தி­பதி அழைப்பு விடுக்­க­வில்லை. மாறாக இன நல்­லி­ணக்­கத்­துக்கு எதி­ராக செயற்­பட்ட பல கட்­சி­க­ளுக்கு சர்­வ­கட்சி மாநாட்­டுக்கு அழைப்பு விடுக்­கப்­பட்­டி­ருந்­தது. அதனால் நாட்டில் இன நல்­லி­ணக்­கத்தை உரு­வாக்க இவர்­களால் முடி­யாது. அவ்­வா­றான கட்­சி­க­ளினால் மீண்டும் இன­வா­தமே வளர்க்­கப்­படும்.

இவர்கள் மீண்டும் சிறு­பான்மை மக்­க­ளுக்கு அநீதி ஏற்­படும் வகை­யிலே செயற்­ப­டு­வார்கள். இது நாட்டில் மீண்டும் ஆயுதப் போராட்டம் ஒன்று ஏற்­ப­டு­வ­தற்குக் கார­ண­மாக அமையும். சர்­வ­கட்சி மாநாடு என்று அழைக்கும் போது அனைத்துக் கட்­சி­களும் அம்­மா­நாட்டில் பங்­கு­பற்றும் வகையில் ஏற்­பா­டுகள் மேற்­கொள்­ளப்­பட்­டி­ருக்க வேண்டும்.

ஜெனிவா ஐ.நா. மனித உரிமை பேர­வையின் பிரே­ர­ணைக்கு எதி­ராக சில கட்­சிகள் குரல் கொடுத்­தன. ஆர்ப்­பாட்­டங்கள் செய்­தன. இந்த ஆர்ப்­பாட்­டங்­க­ளுக்கு எதி­ரா­கவும் ஜெனிவா பிரே­ர­ணைக்கு ஆத­ர­வா­கவும் நாம் ஆர்ப்­பாட்­ட­மொன்­றினை ஏற்­பாடு செய்­தி­ருந்தோம். ஆனால் சர்­வ­கட்சி மாநாடு ஒன்­றினை நடத்த ஏற்­பாடு செய்­யப்­பட்­டுள்­ள­தாக ஜனா­தி­பதி அறி­வித்­த­தை­ய­டுத்து நாம் ஏற்­பாடு செய்­தி­ருந்த ஆர்ப்­பாட்­டத்தைக் கூட நாம் ரத்துச் செய்­தி­ருந்தோம். இவ்­வாறு நாட்டின் தேசிய நல்­லி­ணக்­கத்­துக்­காக செயற்­பட்ட எமது கட்சி புறக்­க­ணிக்­கப்­பட்­டுள்­ளது.

தமிழ் அர­சியல் கைதிகள்

சிறையில் வைக்­கப்­பட்­டுள்ள தமிழ் அர­சியல் கைதி­களை பிணையில் விடு­தலை செய்யப் போவ­தாக பிர­தமர் ரணில் விக்­கி­ர­ம­சிங்க தெரி­வித்­துள்ளார். ரணிலின் தீர்­மா­னத்தை நாம் வர­வேற்­கிறோம். ஆனால் தமிழ் அர­சியல் கைதிகள் எந்த நிபந்­த­னை­க­ளு­மின்றி விடு­தலை செய்­யப்­பட வேண்­டு­மென்­பதே எமது நிலைப்­பா­டாகும்.

தமிழ் அர­சியல் கைதிகள் விடு­தலை செய்­யப்­பட வேண்­டு­மென்று ஏற்­க­னவே கடந்த நல்லாட்சியில் அரசாங்கத்தின் தேசிய நிறை­வேற்றுச் சபையில் தீர்­மானம் மேற்­கொள்­ளப்­பட்­டுள்­ளது. தேசிய நிறை­வேற்றுச் சபையில் மக்கள் விடு­தலை முன்­னணி, ஜாதிக ஹெல உறு­மய ஆகிய கட்­சி­களும் அங்கம் வகித்­தி­ருந்­தமை குறிப்­பி­டத்­தக்­க­தாகும்.

எமது நாட்டில் 1971 ஆம் ஆண்டு மற்றும் 1989 ஆம் ஆண்­டு­களில் இடம்­பெற்ற கல­வ­ரங்­களின் போது கைது செய்­யப்­பட்டு சிறையில் வைக்­கப்­பட்­டி­ருந்த அர­சியல் கைதிகள் பொது மன்­னிப்­ப­ளிக்­கப்­பட்டு விடு­தலை செய்­யப்­பட்­டனர். இவர்கள் பெரும்பான்மை இனத்தைச் சேர்ந்தவர்களாகும்.

ஆனால் தற்போது சிறையில் வைக்கப்பட்டுள்ள அரசியல் கைதிகள் தமிழர்களாகும். ஆனால் அவர்களை விடுதலை செய்வதில் பாரபட்சம் காட்டப்படுகிறது. நாட்டில் சிங்களவர்களுக்கு ஒரு சட்டம் தமிழர்களுக்கு ஒரு சட்டம் என்று இருக்கக்கூடாது. அனைவரும் சட்டத்தின் முன்பு சமமாக கருதப்பட வேண்டும் என்றார்.