கியூபா மீதான அமெரிக்க பொருளாதார தடைக்கு கண்டனம் விதிக்கும் தீர்மானம்! ஐ. நா. சபையில் நிறைவேற்றம்
ஐக்கிய நாடுகள் பொது சபையானது கியூபா மீதான அமெரிக்க பொருளாதார தடைக்கு கண்டனம் தெரிவித்து வாக்களித்துள்ளது.
அமெரிக்க – கியூப உறவுகள் இந்த வரு டம் மீள புதுப்பிக்கப்பட்ட பின்னர் ஐக்கிய நாடுகள் சபையில் இத்தகைய தீர்மானமொன்று எடுக்கப்படுவது இதுவே முதல் தடவையாகும்.
இந்தக் கண்டனத் தீர்மானத்திற்கு ஆதரவாக ஐக்கிய நாடுகள் பொதுச் சபையின் 193 உறுப்பினர்களில் 191 உறுப்பினர்கள் வாக்களித்துள்ளனர்.மேற்படி தீர்மானத்துக்கு அமெரிக்காவும் இஸ்ரேலும் மட்டுமே எதிர்ப்புத் தெரிவித்திருந்தன.
ஐக்கிய நாடுகள் சபையானது 1992 ஆம் ஆண்டிலிருந்து ஒவ்வொரு வருடமும் கியூபாவுக்கு எதிராக அமெரிக்காவால் விதிக்கப்பட்டுள்ள பொருளாதார தடைக்கு எதிராக வாக்களித்து வருகிறது. கடந்த வருடம் ஐக்கிய நாடுகள் சபையில் முன்வைக்கப்பட்டிருந்த இந்த தீர்மானத்துக்கு அமெரிக்காவும் இஸ்ரேலும் எதிராக வாக்களித்திருந்த அதேசமயம் 3 நாடுகள் அந்த வாக்களிப் பில் கலந்துகொள்ளவில்லை.
