வாக்குறுதிகளை நிறைவேற்றுங்கள் தவறினால் களத்தில் இறங்குவோம்! என்கிறது கூட்டமைப்பு

தமிழ் அர­சியல் கைதி­களை விடு­விப்­பதில் எதிர்ப்புத் தெரி­விக்கும் இன­வா­தி­களின் கருத்­து­க்க­ளுக்கும், அமைச்­ச­ர­வையின் குழப்­பங்­க­ளுக்கும் நாம் பொறுப்­பல்ல. எதிர்­வரும் 7ஆம் திக­திக்குள் தமிழ் அர­சியல் கைதி­களை விடு­விப்­ப­தாக ஜனா­தி­ப­தியும் அர­சாங்­கமும் எமக்குக் கொடுத்த வாக்­கு­று­தி­களை உட­ன­டி­யாக நிறை­வேற்ற வேண்டும் என தமிழ்த் தேசியக் கூட்­ட­மைப்பு தெரி­வித்­துள்­ளது.

எமக்கும் தமிழ் அர­சியல் கைதி­க­ளுக்கும் கொடுத்த வாக்­கு­று­தி­களைஅர­சாங்கம் மீறினால் எமது அடுத்­த­கட்ட நட­வ­டிக்கைள் தொடரும் எனவும் கூட்டமைப்பு குறிப்­பிட்­டது.

தடுப்புக் காவலில் உள்ள தமிழ் அர­சியல் கைதி­களின் விடு­தலை தொடர்பில் அர­சாங்­கத்­துக்குள் திடீர் குழப்­பங்கள் ஏற்­பட்­டுள்ள நிலையில் இந்த விவ­காரம் தொடர்பில் கொழும்பு தமிழ் பத்திரிகை ஒன்று எழுப்பி கேள்விக்கே தமிழ்த் தேசியக் கூட்­ட­மைப்பின்  ஊடகப் பேச்சாளரும் பாரா­ளு­மன்ற உறுப்­பி­ன­ரு­மான எம்.ஏ.சுமந்­திரன் மேற்­கண்­ட­வாறு குறி­பிட்டார்.

அவர் மேலும் கூறு­கையில்

யுத்த கால­கட்­டத்தில் சந்­தே­கத்தின் பேரில் கைது செய்­யப்­பட்டு தொடர்ந்தும் தடுப்­புக்­கா­வலில் உள்ள அர­சியல் கைதி­களை விடு­விக்க நாம் பல கால­மாக போராடி வரு­கின்றோம். கடந்த காலத்தில் இருந்து நாம் இதற்­கான முயற்­சி­களை மேற்­கொண்ட நிலையிலும் எமக்கு சாத­க­மான முடிவு கிட்டவில்லை. முன்­னைய அர­சாங்­கத்­திடம் பல சந்­தர்ப்­பங்­களில் அர­சியல் கைதி­களின் விடு­த­லையை வலி­யு­றுத்­தியபோதும் எமக்­கான தீர்வு கிடைக்­க­வில்லை. சந்­தே­கத்தின் பேரில் தடுப்­புக்­கா­வலில் வைக்கப்பட்டுள்ள அர­சியல் கைதி­களை விடு­விப்­ப­தா­கவும் குற்றம் சுமத்­தப்­பட்­டுள்ள ஏனைய சில­ரை பொது மன்­னிப்பின் அடிப்­ப­டையில் விடுவிப்பதாகவும் முன்னாள் பாது­காப்பு செய­லாளர் மற்றும் முன்னாள் ஜனா­தி­பதி ஆகியோர் அப்­போது எமக்கு வாக்­கு­று­தி­களை வழங்­கினர்.எனினும் அவை வெறும் ஏமாற்று வார்த்­தை­க­ளா­கவே அமைந்­தன.

எனினும் ஆட்சி மாற்­றத்தின் பின்னர் ஜன­நா­யக ரீதியில் சில மாற்­றங்கள் ஏற்­பட்­டுள்­ளன. குறிப்­பாக அமை­யப்­பெற்­றுள்ள தேசிய அர­சாங்­கத்தில் எமது பிர­தான பிரச்­சி­னைகள் தொடர்­பிலும் கவ­னத்தில் கொள்­ளப்­பட்­டுள்­ளன. இந்த சந்­த­ர்ப்­பத்தை பயன்­ப­டுத்தி நீண்ட கால­மாக சந்­தே­கத்தின் பேரில் தடுத்து வைக்­கப்­பட்­டுள்ள தமிழ் அர­சியல் கைதிகளை விடு­விக்கும் நோக்­கத்தில் பல முயற்­சி­களை எடுத்து வந்­துள்ளோம். அதேபோல் சிறைச்­சா­லையில் தடுத்து வைக்­கப்­பட்­டுள்ள அர­சியல் கைதி­களும் தமது விடு­த­லையை கோரி உண்­ணா­வி­ரத போராட்­டங்­களை முன்­னெ­டுத்­தனர்.

அவ்­வா­றான நிலையில் தமிழ் அர­சியல் கைதிகள் தாம் முன்­னெ­டுத்த உண்­ணா­வி­ரத போராட்­டத்தை ஜனா­தி­ப­தியின் வாக்­கு­று­திக்கு அமை­யவே கைவிட்­டனர். அடுத்த மாதம் 7ஆம் திக­திக்கு முன்னர் தடுப்­புக்­கா­வலில் உள்ள அர­சியல் கைதி­களை விடு­விக்க அர­சாங்கம் இணக்கம் தெரி­வித்த கார­ணத்­தி­னா­லேயே அவர்கள் தமது உண்­ணா­வி­ரத போராட்­டத்தை கைவிட்­டனர். அதேபோல் ஜனா­தி­பதி மைத்­தி­ரி­பால சிறி­சேன எதிர்க்­கட்சி தலைவர் சம்­பந்­த­னுக்கு வாக்­கு­று­தி­ய­ளித்­துள்ளார். அத்துடன் ஜனா­தி­பதி, நீதி­ய­மைச்சர் மற்றும் சிறைச்­சா­லைகள் ஆணை­யாளர் ஆகியோர் எழுத்­து­மூல வாக்­கு­று­தி­யையும் வழங்­கி­யுள்­ளனர்.

ஆகவே அதன் அடிப்­ப­டையில் எமக்கும் தமிழ் அர­சியல் கைதி­க­ளுக்கும் கொடுத்த வாக்­கு­று­தி­களை ஜனா­தி­ப­தியும், அர­சாங்கம் உட­ன­டி­யாக நிறை­வேற்ற வேண்டும். அமைச்­ச­ர­வையில் உள்ள சிக்­கல்கள், இன­வா­தி­களின் கருத்­துக்­க­ளுக்கு நாம் பொறுப்­பாக முடி­யாது. எவ்­வா­றா­யினும் எதிர்­வரும் 7ஆம் திக­திக்கு முன்னர் கொடுத்த வாக்­கு­று­தி­க­ளுக்கு அமைய அர­சியல் கைதி­களை விடு­விக்க வேண்டும். அர­சாங்கம் கொடுத்த வாக்­கு­று­தி­களை நிறை­வேற்­று­வார்கள் என்று நம்­பு­கின்றோம்.

ஆனால் இந்த விட­யத்தில் கொடுத்த வாக்­கு­று­தி­களை மீறும் வகையில் அர­சாங்கம் எங்­களை எமாற்­று­மாயின் நாம் எமது அடுத்தகட்ட நடவடிக்கைகளை மேற்கொள்ளவேண்டி வரும். தடுத்து வைக்கப்பட்டுள்ள அரசியல் கைதிகளின் விடுதலை தொடர்பில் தமிழ்த் தேசியக் கூட்டமைப்பு போராட்டங்களை முன்னெடுக்கும். எந்தவொரு சூழ்நிலையிலும் தடுத்து வைக்கப்பட்டுள்ள தமிழ் அரசியல் கைதிகளின் நியாயமான போராட்டத்துக்கு தடையாகவோ அல்லது அவர்களை புறக்கணிக்கும் வகையிலோ செயற்படமாட்டோம் என்றார்.