உண்மைகளை கண்டறியும் முயற்சிக்கு எவரும் முட்டுக்கட்டை போடக்கூடாது - என்கிறார் ரணில்

வெளி­வி­வ­கார அமைச்­ச­ராக இருந்த அமரர் லக் ஷ்மன் கதிர்­காமர் படு­கொலை செய்­யப்­பட்­ட­மைக்கும் 2005 ஆம் ஆண்டில் இடம்­பெற்ற ஜனா­தி­பதித் தேர்­தலின் போது புலி­க­ளுக்கு பணம் கொடுக்­கப்­பட்­ட­மைக்கும் தொடர்­புகள் இருக்­கின்­றன. 

இதனை எவ­ராலும் மறுத்துக் கூற முடி­யுமா? இவ்­விவ­காரம் உண்­மை­களைக் கண்­ட­றியும் ஆணைக்­கு­ழுவின் விசா­ர­ணை­களின் மூலம் வெளி­யா­கி­விடும் என்று சிலர் அச்­ச­ம­டை­கின்­ற­னரா? என்று பிர­தமர் ரணில்­விக்­கி­ரம சிங்க நேற்று சபையில் கேள்வி எழுப்­பினார்.

பாரா­ளு­மன்­றத்தில் நேற்று வெள்­ளிக்­கி­ழமை இடம்­பெற்ற ஜெனிவா தீர்­மானம் தொடர்­பி­லான இரண்டாம் நாள் சபை ஒத்­தி­வைப்பு வேளைப் பிரே­ரணை மீதான விவா­தத்தில் உரை­யாற்­று­கை­யி­லேயே அவர் மேற்­கண்­ட­வாறு தெரி­வித்தார்.

பிர­தமர் இங்கு மேலும் உரை­யாற்­று­கையில்

2005 ஆம் ஆண்டு ஆகஸ்ட் மாத காலப் பகு­தியில் முன்னாள் வெளி­வி­வ­கார அமைச்சர் லக் ஷ்மன் கதிர்­காமர் படு­கொலை செய்­யப்­பட்­டி­ருந்தார். அவர் புலி­க­ளா­லேயே படு­கொலை செய்­யப்­பட்­டமை தெரிந்த விட­ய­மாகும். கதிர்­காமர் படு­கொலை செய்­யப்­பட்ட நான்கு மாதங்­க­ளுக்கு முன்­னரே புலி­க­ளுக்கு பணம் கொடுக்­கப்­பட்­டது. அத்­துடன் வடக்கு மக்கள் 2005 ஜனா­தி­பதி தேர்­தலில் வாக்­க­ளிக்க விடாது தடுத்து வெற்­றியும் பெற்­றனர். எனவே கதிர்­கா­மரின் மர­ணத்­துக்கும் புலி­க­ளுக்குப் பணம் கொடுத்­த­தற்கும் சம்­பந்தம் இருக்­கி­றதா? இதனை இல்லை என்று கூறி விட முடி­யாது. கதிர்­கா­மரைக் கொன்­றது புலிகள் தான் என்­பதை நாம் அறிந்­துள்ளோம்.

அத்­துடன் அதே காலப்­ப­கு­தியில் பிர­த­மரின் தலை­மையில் அலரி மாளி­கையில் இடம்­பெற்ற முக்­கிய சந்­திப்­பொன்றில் முக்­கி­யஸ்­தர்கள் பலர் பங்­கேற்­றி­ருந்­தனர்.இந்த விட­யங்கள் உண்­மையைக் கண்­ட­றியும் ஆணைக்­குழு விசா­ர­ணை­களின் போது வெளி­வந்து விடும் என்றே சிலர் அஞ்­சு­கின்­றனர். இல்­லை­யெனில் இதனைத் தெளி­வு­ப­டுத்­துங்கள் என்று கேட்டுக் கொள்­கிறேன்.

மாவி­லாறு பிர­தே­சத்­தி­லேயே யுத்தம் ஆரம்­பிக்­கப்­பட்­ட­தாக முன்­னைய அர­சாங்கம் கூறி­யது. எனினும் அத்­து­ர­லியே ரத்ன தேர­ரினால் அங்கு ஓர் ஆர்ப்­பாட்டம் இடம்­பெற்­றது. அந்த ஆர்ப்­பாட்­டத்தின் பின்­னரே யுத்தம் ஆரம்­பிக்­கப்­பட வேண்­டிய தேவை ஏற்­பட்­டது. இது எதேச்­சை­யாக ஆரம்­பிக்­கப்­பட்ட யுத்­தமே தவிர திட்­ட­மி­டப்­பட்­ட­வாறு ஆரம்­பிக்­கப்­பட்­டி­ருக்­க­வில்லை.

2009 காலப்­ப­கு­தியில் இந்­திய பாராளுமன்றத்துக்கான தேர்தல் இடம்­பெற்­றது. அன்­றைய தேர்­தலில் பார­திய ஜனதா கட்சி ஆட்­சி­ய­மைத்தால் அது பாத­க­மாக அமைந்­து­விடும் என்­பதால் 2009 ஆம் ஆண்டின் குறித்த காலப்­ப­கு­திக்குள் யுத்­தத்தை முடி­வுக்கு கொண்­டு­வ­ரு­மாறு உயர் மட்­டத்­தி­லி­ருந்து உத்­த­ரவு பிறப்­பிக்­கப்­பட்­டி­ருந்­தது. இதன் பின்­னரே இறுதிக் கட்ட யுத்தம் என்ற பெயரில் உக்­கிர யுத்தம் ஒன்று இடம்­பெற்­றது.

வெள்ளைக் கொடி விவ­காரம் தொடர்பில் இங்கு பேசப்­ப­டு­கி­றது. வெள்ளைக் கொடி விவ­காரம் தொடர்பில் கூறப்­ப­டு­கின்ற கதை­களை நம்­பு­வ­தற்கு தயா­ரில்லை.

புலித்தேவனை காப்பாற்றுவதற்கு முயற்சி

அன்று அந்த சந்­தர்ப்­பத்தில் புலித் தேவனைக் காப்­பாற்­று­வ­தற்கே முயற்­சிக்­கப்­பட்­டி­ருந்­தது. அங்கு அப்­பாவித் தமிழ் மக்­களை பாது­காப்­ப­தற்குப் பதி­லாக புலித் தேவனை பாது­காக்­கவே முயற்­சிக்­கப்­பட்­டது. அப்­பாவித் தமிழ் மக்­களின் சாவுக்கு புலித் தேவனும் பொறுப்புக் கூற வேண்­டிய நப­ராக இருக்­கிறார்.

மேலும் இறு­திக்­கட்ட யுத்த நேரத்தில் சுட்டுக் கொல்­வ­தற்கு களத்தில் இருந்­த­வர்கள் தீர்­மா­னித்­தி­ருக்கவில்லை மாறாக கொழும்­பி­லி­ருந்தே உத்­த­ரவு பிறப்­பிக்­கப்­பட்­டுள்­ளது.

அன்­றைய அர­சாங்­கத்­திடம் இருந்து புலி­க­ளுக்கு பணத்தைப் பெற்றுக் கொண்ட தர­க­ராக புலித்­தே­வனே இருந்தார். அதனால் தான் அவரைக் காப்­பாற்­று­வ­தற்கு முயற்­சிக்­கப்­பட்­டி­ருக்­கி­றது. இவ்­வா­றான அநே­க­மான விட­யங்­களை நாம் அறிந்தே வைத்­துள்ளோம். இல்லை என்று மறுத்துக் கூற­மு­டி­யாது.

முதலைக்கண்ணீர் வடிக்கின்றனர்

இங்­குள்­ள­வர்கள் இரா­ணு­வத்­தி­னரைப் பற்றி முதலைக் கண்ணீர் வடித்துக் கொண்­டி­ருக்­கின்­றனர். ஆனால் யுத்­தத்தை வெற்றி கொண்ட சரத் பொன்­சே­காவை சிறையில் அடைத்­தனர். அவரை கைது செய்து எப்­படி இழுத்துச் சென்­றனர் என்­பது எமக்குத் தெரியும்.

சினமன் லேக் சைட் ஹோட்­டலில் சரத் பொன்­சேகா இருந்த போது அவ­ருக்கு இராணுவ பொலிஸ் பாது­காப்பு வழங்­கு­மாறு தேர்­தல்கள் ஆணை­யாளர் கூறி­யி­ருந்தார். அதற்­க­மைய சரத் பொன்­சே­கா­வுக்கு பாது­காப்­ப­ளித்த இராணுவ பொலி­ஸாரை முழங்­காலில் இருத்­தினர். இங்கு எல்­லாத்­த­ரப்­பிலும் தவ­றுகள் இழைக்­கப்­பட்­டுள்­ளன. தமிழ் மக்­க­ளுக்கும் அநீதி இழைக்­கப்­பட்­டுள்­ளது. ஆதலால் தான் அனைத்து தரப்­பி­ன­ருக்கும் நீதி கிடைக்க வேண்டும் என்றும் நீதி நிலை­நாட்­டப்­பட வேண்டும் என்று நாம் முயற்­சித்து வரு­கிறோம்.

அப்­ப­டி­யானால் உண்­மைகள் கண்­ட­றி­யப்­பட வேண்டும். அத­னையே இப்­போது நாம் செய்­தி­ருக்­கிறோம். சர்­வ­தே­சத்தின் மட்­டத்தில் எமது நாட்டின் நற்­பெ­யரை உயர்த்திக் காட்­டு­வ­தற்கு நாம் பாடு­பட்டுக் கொண்­டி­ருக்­கிறோம்.

யுத்த காலத்தில் இடம்­பெற்ற தவ­றுகள் கண்­ட­றி­யப்­பட வேண்டும். அவை சீர்திருத்­தப்­பட வேண்டும். அதற்­கான உள்­நாட்டுப் பொறி முறையை நாம் தற்­போது உரு­வாக்­கி­யி­ருக்­கிறோம்.

எனினும் புலம் பெயர்ந்து வாழும் சர்­வ­தேசக் குழுக்­களும் இந்­தி­யாவின் சில அடிப்­ப­டை­வா­தி­களும் அதே போன்று கொழும்­பி­லுள்ள அடிப்­படை வாதி­களும் தமது குறு­கிய கால சலு­கை­களை அடைந்து கொள்­வ­தற்­காக இன­வாத ரீதி­யிலும் அடிப்­ப­டை­வாத ரீதி­யிலும் செயற்­பட்டு வரு­கின்­றன.

ஜன­வரி மாதம் 8 ஆம் திகதி நாம் எமது பயணத்தை தொடங்கியுள்ளோம். எவருடைய தேவைக்காகவோ அல்லது எத்தகைய தடைகளுக்காகவோ நாம் எமது பயணத்தை இடைநிறுத்தி விட முடியாது. நாம் உள்நாட்டுப் பொறிமுறையையே ஏற்படுத்தியிருக்கிறோம். உண்மைகளைக் கண்டறிய முயற்சிக்கும் இத்திட்டத்திற்கு முட்டுக்கட்டையாக இருக்காது ஒத்துழைப்புக்களை வழங்குங்கள் என்று கேட்டுக் கொள்கிறேன். நான் இங்கு கூறிய விடயங்களில் தவறுகள் இருந்தால் மஹிந்த ராஜபக் ஷ அதனை தெளிவுபடுத்தலாம்.

ஜனநாயக சமூகத்தையும் நல்லிணக்கத்தையும் கட்டியெழுப்பும் இச் செயற்பாட்டை ஒன்றிணைத்து முன்னெடுப்போம் என்றார்.