எந்திரன்-2 வில்லன் கேட்ட 100 கோடி சம்பளம்!

ரஜினிகாந்த் தற்போது மெட்ராஸ் இயக்குனர் ரஞ்சித் இயக்கத்தில் நடித்து கொண்டிருக்கிறார் என்பது ஏற்கனவே அறிந்ததே. இந்நிலையில் இந்த படத்தை முடித்துவிட்டு அவர் ஷங்கரின் ‘எந்திரன் 2’ படத்தில் நடிக்கவுள்ளார்.

முதல் பாகத்தில் ரஜினிக்கு வில்லனாக ரஜினியே நடித்தார். ஆனால் இரண்டாம் பாகத்தில் ரஜினிக்கு வில்லனாக பிரபல நடிகர் ஒருவரை நடிக்க வைக்க ஷங்கர் முடிவு செய்துள்ளதாகவும், தற்போது இந்த கேரக்டருக்கு அர்னால்டு ஒப்பந்தம் செய்யப்பட்டுள்ளதாகவும் கூறப்படுகிறது.

நடிகர் அர்னால்ட் இப்படத்தில் நடிக்க 100 கோடி சம்பளம் கேட்டுள்ளார் என்பது குறிப்பிடதக்கது. தயாரிப்பு நிறுவனம் அர்னால்ட் கேட்ட சம்பளமான ரூ 100 கோடியை கொடுக்க சம்மதித்து விட்டதாம். மேலும், இப்படம் ரஜினி மற்றும் டெக்னிஷியன் சம்பளம் எல்லாம் சேர்த்து படத்தின் பட்ஜெட் சுமார் ரூ 350 கோடியை தாண்டும் என கூறப்படுகின்றது.

தற்போது இப்படத்தின் இரண்டாம் பாகத்திற்கான வேலைகள் மும்மரமாக நடந்து வருகிறது.