ஐ.நா.அறிக்கை ஜனாதிபதிக்கு கிடைத்த பின்னரே விசாரணை குறித்து கூறமுடியும்! இராணுவ பேச்சாளர்

போர்க் குற்­றச்­சாட்­டுகள் தொடர்­பான ஐ.நா. அறிக்கை ஜனா­தி­ப­தியின் கரங்­க­ளுக்கு கிடைத்த பின்­னரே விசா­ர­ணைகள் குறித்த அடுத்­த­கட்ட நட­வ­டிக்­கை­களை முன்­னெ­டுக்க முடியும். அது­வ­ரையில் எவ்­வித தக­வல்களையும் வெளி­யிட முடி­யாது என இரா­ணுவ பேச்­சாளர் பிரி­கே­டியர் ஜயநாத் ஜய­வீர தெரி­வித் தார்.

போர்க் குற்­றச்­சாட்­டுக்­களில் அடங்­கி­யுள்ள இரா­ணுவ வீரர்­களின் எண்­ணிக்­கை­யினை உறு­தி­பட தெரி­விக்க முடி­யாது. எனினும் தமது விருப்­பத்­துக்கு அமைய ஒவ்­வொ­ரு­வரும் கருத்து தெரி­விப்­ப­தா­கவும் அவர் குறிப்­பிட்டார்.

ஐ.நா.விசா­ரணை அறிக்­கையில் இரண்டு சிவில் உறுப்­பினர்கள் உள்­ளிட்ட 43 இரா­ணுவ வீரர்­களின் பெயர்கள் குறிப்­பி­டப்­பட்­டுள்­ள­தாக எதிர்க்­கட்­சி­யினர் தொடர்ச்­சி­யாக குறிப்­பிட்டு வரு­கின்ற நிலையில் இரா­ணுவ வீரர்­களின் மீது சுமத்­தப்­பட்­டி­ருக்கும் போர்க் குற்­றச்­சாட்­டுகள் தொடர்பில் இரா­ணு­வத்தின் நட­வ­டிக்­கைகள் எவ்­வாறு அமையும் என வின­விய போதே இரா­ணுவ பேச்­சாளர் பிரி­கே­டியர் ஜயநாத் ஜய­வீர மேற்­கண்­ட­வாறு குறிப்­பிட்டார்.

இது தொடர்பில் அவர் மேலும் கூறு­கையில்,

இலங்­கையில் நடை­பெற்ற யுத்­தத்தின் போது இடம்­பெற்­ற­தாக கூறப்­படும் போர்க் குற்­றச்­சாட்­டுகள் தொடர்பில் சர்­வ­தேச மட்­டத்தில் தொடர்ச்­சி­யாக அழுத்­தங்கள் எழுந்­துள்­ளன. ஐ.நா ஆணைக்­குழு வெளி­யிடும் என எதிர்ப்­பார்க்­கப்­படும் விசா­ரணை அறிக்­கையில் இரா­ணு­வத்தின் சிலர் உள்­ள­டக்­கப்­பட்­டுள்­ள­தாக தெரி­விக்­கப்­ப­டு­கின்­றது. இந்த விட­யத்தில் ஒவ்­வொ­ரு­வரும் தாம் விரும்­பிய எண்­ணிக்­கையை கூறு­கின்­றனர்.

நாற்­பது பேர் உள்­ளனர் என்றும், முக்­கிய அர­சியல் தலை­வர்கள் உள்­ளனர் என்றும் கூறு­கின்­றனர். ஆனால் இந்த தக­வல்கள் அனைத்தும் எந்­த­ளவு உண்­மை­யா­னது என்­பது தெரி­ய­வில்லை. இவர்கள் கூறு­வதன் உண்­மைத்­தன்மை தொடர்பில் விசா­ரணை அறிக்கை வெளி­வந்த பின்­னரே தெரி­விக்க முடியும்.

எனினும் இந்த விசா­ரணை அறிக்கை ஐ.நா மனித உரி­மைகள் ஆணைக்­கு­ழு­வி­னரால் ஜனா­தி­ப­திக்கு மட்­டுமே வழங்­கப்­படும். அதன் பின்னர் அவர் இந்த அறிக்­கை­யினை அமைச்­ச­ர­வையில் சமர்ப்­பிப்­ப­துடன் பாது­காப்பு பிரி­வுக்கும் வழங்­குவார். அதன் பின்­னரே பாது­காப்பு தரப்பின் சார்பில் நாம் அடுத்த கட்ட நட­வ­டிக்­கை­களை முன்­னெ­டுக்க முடியும்.

அதேபோல் வெள்­ளைக்­கொடி விவ­கா­ரத்தில் உண்­மை­களும் ஐக்­கிய நாடுகள் மனித உரி­மைகள் அமைப்பின் விசாரணை அறிக்­கையின் ஒரு பகு­தி­யாக உள்ளடக்கப் பட்டுள்ளது. எனவே அவை தொடர்பில் அரசாங்கத்தின் கட்டளைக்கு அமையவே அடுத்தகட்ட நடவடிக்கைகளை மேற் கொள்வோம். எனினும் இப்போது இந்த அறிக்கை தொடர்பில் எந்தவிதத் தகவல் களையும் உத்தியோகபூர்வமாக தெரிவிக்க முடியாது என்றார்.