கட்சியை பாதுகாக்க மக்கள் அணிதிரள வேண்டும் – சந்திரிகா

கட்சியின் கொள்கைகளை பாதுகாக்கும் தலைவரை பாதுகாக்க கட்சி அணித்திரள வேண்டும் என முன்னாள் ஜனாதிபதியும் ஸ்ரீலங்கா சுதந்திரக் கட்சியின் ஆலோசகருமான சந்திரிக்கா பண்டாரநாயக்க குமாரனதுங்க கோரிக்கை விடுத்துள்ளார்.

இந்த முக்கியமான சந்தர்ப்பத்தில் அனைவரும் கவனமாக இருக்க வேண்டும் எனவும் அவர் குறிப்பிட்டுள்ளார். மக்களே ஸ்ரீலங்கா சுதந்திரக் கட்சியின் அடிப்படை. கட்சியின் கொள்கையிலும் அதன் நோக்கத்திலுமே கட்சியின் ஜீவன் உள்ளது.

இதனால், தலைவர்கள் இன்று வரலாம் நாளை சென்று விடலாம். எனினும் கட்சி எப்போதும் நிலைத்திருக்கும். தலைவரை அடிப்படையாக கொண்டு கட்சியின் இருப்பு இருக்காது எனவும் அவர் சுட்டிக்காட்டியுள்ளார்.