யாழ்.மாவட்டத்திற்கான கூட்டமைப்பின் வேட்பாளர்களின் விபரம்
யாழ் மாவட்டத்தில் போட்டியிடவுள்ள கூட்டமைப்பின் வேட்பாளர்களின் உறுதியாகியுள்ள வேட்பாளர்களின் விபரம் வெளிவந்துள்ளது.
இவர்களில் மாவை சேனாதிராஜா, எம்.ஏ.சுமந்திரன், ஈ.சரவணபவன், சிவஞானம் சிறீதரன், அச்சுவேலியினை சேர்ந்த இராசேந்திரா ஆகியோர் தமிழரசுக்கட்சி சார்பில் இறக்கப்படவுள்ளனர்.
சுரேஸ் பிரேமச்சந்திரன் (ஈபிஆர் எல் எப்) , சிறிகாந்தா (ரெலோ), தர்மலிங்கம் சித்தார்த்தன் (புளொட்) ஆகியோரின் இடங்கள் உறுதி செய்யப்பட்டுள்ளன. தென்மராட்சியில் அருந்தவபாலனா அல்லது ரவிராஜின் மனைவியா என கேள்வி வலுத்துள்ளது. இதே வேளை சுரேஸ்பிறேமச்சந்திரன் தனது பட்டியலில் வடமராட்சியினில் ஒருவரை களமிறக்க முற்பட்டுள்ளதாக கூறப்படுகின்றது.
இதனிடையே போனஸ் ஆசனங்களுக்காக தேசியப்பட்டியலில் பரிந்துரை செய்யப்படும் பெயர்களுக்கு மிகுந்த போட்டி நிலவுவதாக தெரிவிக்கப்படுகின்றது.
யாழ் பல்கலைக்கழகத்தில் இருந்து ஓய்வு நிலை பேராசிரியரும் பேரவை உறுப்பினரும் தமிழரசுகட்சியின் உபதலைவருமான பேரா.சிற்றம்பலம் அவர்களுக்கு தேசியப்பட்டிலில் இடமளிக்குமாறு மாவை சேனாதிராஜாவை கோரும் கையெழுத்து வேட்டை நடைபெறுவதாக தகவல்கள் தெரிவிக்கின்றன.
பேராசிரியர் சிற்றம்பலம் அவர்கள் பல தடவை பாராளுமன்ற தேர்தலில் களமிறங்க எண்ணிய போதும் அவருக்கு இடமளிக்கப்பட்டு இருக்கவில்லை. அவருடைய வெற்றி வாய்ப்பு குறைவாக இருந்தமையால் அவரை தமிழரசுக்கட்சி களமிறக்கி இருக்கவில்லை எனவும் தெரிவிக்கப்படுகின்ற நிலையில் அவர் இம்முறை தேசியப்பட்டியலில் உள்வருவதற்கான முயற்சியில் ஈடுபடுவதாக தெரிவிக்கப்படுகின்றது.
