நடிகர் மோகன்லாலுக்கு நடிகை திரிஷா கண்டனம்!

ஜெயம் ரவி, திரிஷா, அஞ்சலி ஆகியோர் நடித்துள்ள ‘சகலகலா வல்லவன்’ படத்தை சுராஜ் டைரக்டு செய்திருக்கிறார்.

லட்சுமி மூவி மேக்கர்ஸ் தயாரித்துள்ள இந்த படத்தின், அறிமுக நிகழ்ச்சி சென்னையில் நேற்றிரவு நடந்தது. அதில் ஜெயம் ரவி, திரிஷா, அஞ்சலி ஆகியோர் கலந்துகொண்டனர். முன்னதாக, நடிகை திரிஷா நிருபர்களுக்கு பேட்டி அளித்தார்.

அப்போது அவரிடம் ‘தெருநாய்களை கொல்ல வேண்டும்’ என்று நடிகர் மோகன்லால் கூறியிருப்பது பற்றி கருத்து கேட்கப்பட்டது.அதற்கு பதிலளித்து திரிஷா தெரு நாய்களை கொல்ல சொல்வது ஈவு-இரக்கமற்ற செயல். அவைகளை பாதுகாப்பான இடத்தில் கொண்டு போய் விட்டுவிடலாம். கொல்ல வேண்டிய அவசியம் இல்லை.

சென்னை செனடாப் சாலையில் உள்ள என் வீட்டு அருகில் கூட 10 தெரு நாய்கள் அலைகின்றன. அவைகளை பாதுகாப்பாக இடத்தில் கொண்டு போய் விடுவதற்கு ஏற்பாடு செய்திருக்கிறேன். பாவம், தெருநாய்கள் பிழைத்து போகட்டும்.