மரணமான ஐ.எஸ்.ஐ.எஸ். தீவிரவாதி தொடர்பான தகவல்கள் வெளியாகின!

சிரியாவில் கடந்த 12 ஆம் திகதி இடம்பெற்ற வான் வழித் தாக்குதலில் கொல்லப்பட்டவர் எனக் கூறப்பட்ட ஐ.எஸ்.ஐ.எஸ் தீவிரவாத அமைப்பைச் சேர்ந்தவர் தொடர்பான தகவல்கள் வெளியாகியுள்ளன. 

அபு சுரையா சைலானி என்ற கலிபாவின் பெயரால் அறியப்பட்ட அவரின் உண்மையான பெயர் ஷர்பாஸ் நிலாம் முஷின் ஆகும். இவரின் மரணம் தொடர்பில் முகப்புத்தகங்களில் தகவல்கள் வெளியாகின. இதன் பின்னரே ஐ.எஸ்.ஐ.எஸ். அமைப்பில் இலங்கையர் இருப்பது தெரிய வந்தது. 

இந்நிலையில் இவர் தொடர்பான தகவல்கள் சேகரிக்கப்பட்டன. கண்டியைச் சேர்ந்த இவர் கராத்தே வீரர் என்பதும் இவர் 2014 ஆம் ஆண்டு டிசம்பர் மாதம் துருக்கிக்கு சென்றார். அதன் பின்னரே ஐ.எஸ்.ஐ.எஸ். அமைப்பில் இணைந்தார் எனக் கூறப்படுகின்றது. இவரின் தந்தை ஒரு சட்டத்தரணி என்றும் தகவல்கள் தெரவிக்கின்றன.