மஹிந்த மகாராஜாவும் குடும்பத்தினரும் நீதிமன்றத்தில் நிறுத்தப்படுவார்கள்! என்கிறார் ராஜித

மஹிந்த ராஜபக்ஷ என்ற மகாராஜாவும் அவ­ரது குடும்­பத்­தி­னரும் மேற்­கொண்ட ஊழல் மோச­டிகள், கொலைகள் தொடர்­பாக நீதி­மன்­றத்தில் நிறுத்­தப்­ப­டு­வார்கள். அவர்­க­ளுக்கு நிச்­சயம் தண்­டனை பெற்றுக் கொடுக்­கப்­படும் எனத் தெரி­வித்த அமைச்சர் டாக்டர் ராஜித சேனா­ரத்ன.

ஜனா­தி­பதி மைத்­தி­ரியும் பிர­தமர் ரணிலும் இணைந்து நாட்டை கட்­டி­யெ­ழுப்­பு­வார்கள் அதற்கு மக்கள் எமக்கு வெற்­றியை பெற்றுக் கொடுப்­பது நிச்­ச­ய­மாகும் என்றும் கூறினார்.

கொழும்பில் நேற்று முன்தினம் வியா­ழக்­கி­ழமை இடம்­பெற்ற ஐ.தே.முன்­ன­ணியின் கொள்கை பிர­க­டன வெளி­யீட்டு நிகழ்வில் கலந்து கொண்டு உரை­யாற்றும் போதே அமைச்சர் டாக்டர் ராஜித சேனா­ரத்ன இவ்­வாறு தெரி­வித்தார்.

அமைச்சர் இங்கு மேலும் உரை­யாற்­று­கையில், மகாராஜா­வினால் அவ­ரது பிள்­ளைகள் சகோ­த­ரர்கள் மற்றும் சுற்­றி­யி­ருக்கும் மோசடிக் கும்­பலின் ஊழல் மோச­டிகள் கொலைகள் தொடர்­பாக விசா­ர­ணை­களை நடத்த ஆரம்­பித்­த­வுடன் அக் கூட்­டத்­தினர் தூக்­கத்­தி­லி­ருந்து விழித்­தெ­ழுந்து குழப்­ப­ம­டைந்­துள்­ளனர்.

இதனால் ஜனா­தி­பதி மைத்­தி­ரி­பால சிறி­சே­னவை சுற்றி வளைத்து கையி­லெ­டுத்து எமது நல்­லாட்­சிக்­கான பய­ணத்­திற்கு தடை­போட ஆரம்­பித்­துள்­ளனர். இக் கூட்­டத்­தோடு எதனோல் போதைப்­பொருள் விற்­ப­னை­யா­ளர்கள் குதிரை பந்­த­யக்­கா­ரர்கள் கசினோ சூதாட்­டக்­கா­ரர்­களும் இணைந்து கொண்டு எமது பய­ணத்­திற்கு தடை­போட அனைத்து முயற்­சி­க­ளையும் மேற்­கொண்டு வரு­கின்­றனர்.

இன­வா­திகள் மத­வா­தி­களும் தலை­தூக்­கி­யுள்­ளனர். மகாராஜா இன்று அப்­பாவி பொது மக்­களை தாக்கும் அள­விற்கு குழம்பிப் போயுள்ளார். அன்று சரத் பொன்­சே­காவை சிறையில் அடைத்­தது போன்று சட்­டத்­தையும் ஒழுங்­கையும் மீறி நாங்கள் செயற்­பட மாட்டோம்.ஜனா­தி­பதி மைத்­தி­ரியும் பிர­தமர் ரணிலும் சட்­டத்தை மதிப்­ப­வர்கள். எனவே அனைத்தும் சட்­ட­ரீ­தி­யாக விசா­ரணை செய்­யப்­பட்டு நீதி­மன்­றத்தில் வழக்கு தாக்கல் செய்­யப்­படும்.

தாஜுடீன் கொலை, பெண்கள் பாலியல் வல்­லு­றவுக்குட்படுத்தப்பட்­டமை போன்ற விட­யங்கள் தொடர்­பான தக­வல்கள் கிடைத்த வண்ணம் உள்­ளன. விரைவில் இதன் பின்­ன­ணியில் உள்ளோர் கைது செய்­யப்­ப­டு­வார்கள். மகா­ரா­ஜா­வையும் அவ­ரது குடும்­பத்­தையும் நீதியின் முன்பு மண்­டி­யிடச் செய்வோம். தேர்­த­லுக்கு பின்னர் நல்­லாட்­சியை அர்த்­த­முள்­ள­தாக்­குவோம் என்றும் அமைச்சர் தெரி­வித்தார்.

அமைச்சர் சம்­பிக்க ரண­வக்க

ஜனா­தி­பதி மைத்­தி­ரி­பால சிறி­சேன ஒரு போதும் மஹிந்த ராஜபக் ஷவை பிர­த­ம­ராக்க மாட்­டா­ரென கூறி­விட்டார். எனவே மஹிந்­தவின் கனவு பலிக்கப் போவ­தில்லை என இங்கு உரை­யாற்­றிய அமைச்சர் சம்­பிக்க ரண­வக்க தெரி­வித்தார்.

அமைச்சர் சம்­பிக்க இங்கு தொடர்ந்தும் உரை­யாற்­று­கையில், ஜனா­தி­பதி மைத்­தி­ரியும் மஹிந்­தவும் ஒரு­போதும் இணை­ய­மாட்­டார்கள். 19 ஆவது திருத்தம் நிறை­வேற்­றப்­பட்ட பின்னர் பாரா­ளு­மன்­றத்தின் பெரும்­பான்மை ஆத­ரவு மற்றும் ஜனா­தி­ப­தியின் ஆத­ர­வு­ட­னேயே பிர­தமர் நிய­மிக்­கப்­பட வேண்டும்.

ஆனால் மஹிந்­தவை பிர­த­ம­ராக்க ஜனா­தி­பதி விரும்­ப­வில்லை. எனவே இது நிறை­வேறப் போவ­தில்லை. மஹிந்­தவின் தேசப்­பற்று மக்­களை ஏமாற்றும் வேஷ­மாகும். புலி­க­ளுக்கு 8000 இலட்சம் வழங்­கினார். பிர­பா­கரன் இத் தொகையை பெற்றுக் கொண்­ட­தற்கு சாட்­சி­யங்கள் உள்­ளன.

கைது செய்­யப்­பட்டு சிறையில் உள்ள புலி உறுப்­பினர் பூவண்­ண­னுடன் மேலும் இருவர் சிறையில் சாட்­சி­க­ளாக உள்­ளனர். மஹிந்­த­வுக்கு எதி­ராக 7000 முறைப்­பா­டுகள் கிடைக்­கப்­பெற்­றுள்­ளன. அதில் 52 மட்­டுமே விசா­ரணை செய்­ய­ப்பட்­டுள்­ளன. ஏனை­யவை விசா­ரிக்­கப்­படும் போது பல உண்­மைகள் வெளி­வரும்.

எதிர்வரும் தேர்தலில் முடிந்தால் மஹிந்த 100க்கு 50 வீதம் வாக்குகளை எடுத்துக்காட்ட வேண்டுமென நான் சவால் விடுக்கின்றேன்.எம்மிடையே பல கருத்து வேற்றுமைகள் இருந்தாலும் நாட்டுக்காகவும் நல்லாட்சிக்காகவும் ஒன்றிணைந்துள்ளோம். எனவே ஐ.தே.முன்னணியின் வெற்றி நிச்சயம் என்றும் அமைச்சர் சம்பிக்க தெரிவித் தார்.