பிரதமரை நியமிக்கும் அனைத்து அதிகாரங்களும் ஜனாதிபதியிடம் - அமைச்சர் விஜயதாஸ

அரசியலமைப்பில் நிறை­வேற்­றப்பட்­டுள்ள 19 ஆவது திருத்­தச் ­சட்­டத்தின்படி நாட்டில் பிர­தமர் ஒரு­வரை நிய­மிக்கும்அனைத்து அதி­கா­ரங்களும் ஜனா­தி­ப­திக்கே இருப்­ப­தாக அமைச்சர் விஜ­ய­தாஸ ராஜ­பக்ஷ தெரிவித்தார்.

நாட்டின் பிர­த­மரை நிய­மிக்கும் அதி­காரம் ஜனா­தி­ப­திக்கு கிடை­யாது என முன்னாள் பிர­தம நீதி­ய­ரசர் சரத் என். சில்வா தெரிவித்­தி­ருப்­பதில் எவ்­வித உண்­மையும் இல்லை எனவும் அவர் குறிப்பிட்டார். ஐக்­கிய தேசி­யக்­கட்­சியின் தலை­மை­யக­மான ஸ்ரீ கொத்­தாவில் நேற்று ஞாயிற்­றுக்­கி­ழமை இடம் பெற்ற ஊட­க­வி­ய­லாளர் சந்­திப்­பி­லேயே நீதி அமைச்­சரும் ஐக்­கிய தேசியக் கட்­சியின் முக்கியஸ்தருமான விஜ­ய­தாஸ ராஜ­பக் ஷ மேற்­கண்­ட­வாறு கூறினார்.

இதன் போது அவர் தொடர்ந்து குறிப்பிடுகையில்

நாட்டின் பிர­த­மரை நிய­மிக்கும் அதி­காரம் ஜனா­தி­ப­திக்கு கிடை­யாது எனவும் பெரும்­பான்மை பாரா­ளு­மன்ற உறுப்­பி­னர்­களின் ஆத­ரவே பிர­த­மரை தெரிவு செய்­வ­தற்கு அவசியம் எனவும் முன்னாள் பிர­தம நீதி­ய­ரசர் சரத் என். சில்வா தெரிவித்­துள்­ள­மை­யா­னது உண்­மைக்கு புறம்­பா­னதாகும்.

அன்­மையில் பாரா­ளு­மன்­றத்தில் நிறை­வேற்­றப்­பட்ட 19 ஆவது திருத்­தச்­சட்­டத்தின் படி நாட்டின் பிர­தமர் ஒரு­வரை நிய­மிக்கும் அனைத்து அதி­கா­ரங்­களும் ஜனா­தி­ப­திக்கே காணப்­ப­டு­கின்­றது.இவ்­வா­றான நிலையில் ஒரு நாட்டின் பிரதம நீதி­ய­ர­ச­ராக கட­மை­யாற்­றிய ஒருவர் இவ்­வாறு போலி­யான கருத்­துக்­களை முன்­வைப்­பது மிகவும் கண்­டிக்­க­தக்­கது. சரத் என்.சில்வா பணி­யாற்­றிய காலத்தில் வழங்­கிய உயர் நீதி­மன்ற தீர்ப்­புக்­களும் இவ்­வாறே அமைந்­தி­ருக்கும் என்­பதை மக்கள் புரிந்து கொள்ள வேண்டும்.

முன்னாள் நீதி­ய­ரசர் என்ற ரீதியில் இவ்­வா­றான போலி­யா­னதும் சட்­டத்­திற்கு முரணா­ன­து­மான கருத்­துக்­களை வெ ளியி­டு­வதை அவர் தவிர்த்து கொள்ள வேண்­டி­யது அவ­சி­ய­மா­னது.

வேட்­பு­மனு

எதிர்­வரும் பொதுதேர்தலில் ஜக்­கிய மக்கள் சுதந்­திரக் கூட்­ட­மைப்பின் சார்பில் கொழும்பு மாவட்­டத்தில் போட்­டி­யி­டு­வ­தற்கு சிலருக்கு வாய்ப்­புக்கள் வழங்­கப்­ப­ட­வில்லை. இதற்­கான காரணம் தோல்வி பயமே ஆகும்.

ஜக்­கிய மக்கள் சுதந்­தி­ரக்­கூட்­ட­மைப்பில் இன்று போட்­டி­யிடும் வேட்­பா­ளர்கள் பெரும்­பாலானோர் ஊழல் மற்றும் போதைப்­பொருள் வர்த்­தக செயற்­பா­டு­களில் தொடர்­பு­டை­ய­வர்கள் ஆவர். இவர்­கள் தொடர்பான விசா­ரா­ணைகளும் சட்­டப்­படி மேற்­கொள்­ளப்­பட்டு வரு­கின்­றன.அந்­த­வ­கையில் கடந்தக் காலங்­களில் ஒரு சிலர் கைது செய்­யப்­பட்­டுள்­ளனர்.இவ்­வா­றான நிலை­யி­லேயே இம்­முறை ஜக்­கிய மக்கள் சுதந்­திரக் கூட்­ட­மைப்பில் கொழும்பை பிர­தி­நி­த­து­வப்­ப­டுத்தி போட்­டி­யிடும் சில வேட்­பா­ளர்­க­ளுக்கு இம்­முறை வேட்­பு­மனு வழங்­கப்­பட வில்லை.

இத­ற்­கான காரணம் இம்­முறை கூட்­ட­மைப்பின் சில­ முக்­கி­யஸ்த்­த­வர்­க­ளுக்கு வாய்ப்­புக்கள் வழங்­கப்­பட்டால் தோற்­று­வி­டுவர் என்ற அச்­சமே ஆகும்.இன்று ஊழல் குற்­றச்­சாட்­டு­க­ளுக்­காக பல­ருக்கு ஐக்­கிய மக்கள் சுதந்­திர கூட்­ட­மைப்பில் வேட்பு மனு வழங்­கப்­ப­ட­வில்லை என்று கூறப்­பட்டு வந்­த­போ­திலும் ஐக்­கிய மக்கள் சுதந்­திர கூட்­ட­மைப்பின் வேட்­பாளர் பட்­டி­யலில் பெரும்­பா­லா­ன­வர்கள் ஊழல் குற்­றச்­சாட்­டு­களை கொண்­ட­வர்கள் ஆவர்.

இன்று முன்னாள் ஜனாதிபதியும் ஜக்கிய மக்கள் சுதந்திரக்கூட்டமைப்பின் சார்பில் குருணாகல் மாவட்டத்தில் போட்டியிடும் வேட்பாளருமான மஹிந்த ராஜபக்ஷ இனவாத பிரச்சரங்களை முன்னெடுத்து தேர்தலின் பின்னர் ஒரு சில கட்சிகளை ஒன்றினைத்து ஆட்சியமைக்கலாம் என கனவு காண்கின்றார் இவரின் கனவானது கனவாகவே அமையும் இதற்கு மக்கள் ஒரு போதும் அனுமதி வழங்கப்போவது இல்லை என்றார்.