ஐ.நா.வின் விசாரணை அறிக்கை தடம் புரளும் அபாயம்! பேராசிரியர் பிரான்சிஸ் பொய்ல் தெரிவிப்பு
ஐ.நா. மனித உரிமைப் பேரவையில் எதிர்வரும் செம்டெம்பர் மாதம் சமர்ப் பிக்கப்படவுள்ள இலங்கை விசாரணை அறிக்கை தடம் புரளுகின்ற அபாயம் ஏற்பட்டுள்ளதாக அமெரிக்க பல்கலைக்கழக பேராசிரியர் பிரான்சி ஸ் பொய்ல் தெரிவித்துள்ளார்.
கடந்த காலங்களில் போலியான உள்ளக விசாரணைகளும், அனைத்துலகமும்-சம்பந்தப்பட்ட நாடும் இணைந்ததான அரசியல் சாயம் பூசப்பட்ட கலப்பு (hybride) விசாரணைகளும் பல்வேறு இடங்களில் நடந்துள்ளன எனத் தெரிவித்துள்ள பேராசிரியர் பிரான்சிஸ் பொய்ல், இதுவே இலங்கை விவகாரத்திலும் நடக்கின்ற அபாயம் ஏற்பட்டுள்ளதெனவும் குறிப்பிட்டுள்ளார்.
இந்நிலையில் இலங்கை விவகாரத்தில் இனப்படுகொலையாளிகளின் பொறுப்புகூறலுக்கு, அனைத்துலக குற்றவியல் நீதிமன்றத்தில் இலங்கையினை பாரப்படுத்த வேண்டிய தேவை உள்ளதென பேராசிரியர் பிரான்சிஸ் பொய்ல் மேலும் தெரிவித்துள்ளார்.
இலங்கையை அனைத்துலக குற்றவியல் நீதிமன்றத்தில் பாரப்படுத்துமாறு கோரி நாடுகடந்த தமிழீழ அரசாங்கத்தினால் முன்னெடுக்கப்பட்டு வரும் பத்து இலட்சம் கையெழுத்துப் போராட்டத்தில் தன்னையும் ஒரு பங்காளராக இணைத்துக் கொண்டு கருத்து ரைக்கும் போதே பேராசிரியர் பிரான்சிஸ் பொய்ல் மேற்குறித்த கூற்றினைத் தெரிவித்துள்ளார்.
அமெரிக்க பல்கலைக்கழக பேராசிரியர் பிரான்சிஸ் பொய்ல் 1995 ஆம் ஆண்டு முதல் தமிழர்களின் உரிமைப் போராட்டத்துக்காக குரல் கொடுத்து வருபவர் என்பதோடு, 2009ஆம் தமி ழி னப்படுகொலையினை முன்னிறுத்தி எனும் புத்தகம் ஒன்றினையும் எழுதி யிருந்தவர் என்பது குறிப்பிடத்தக்கது.
