முறியடிக்கப்படுமா டிவில்லியர்ஸின் சாதனை ?

இந்தியா மற்றும் பங்களாதேஷ் அணிகளுக்கிடையிலான ஒரேயொரு டெஸ்ட் போட்டியானது இன்று ஆரம்பமாகவுள்ள நிலையில் பங்களாதேஷ் அணி வீரரான மொமினுல் ஹக், டிவில்லியர்ஸ் இன் சாதனை ஒன்றை முறியடிப்பார் என எதிர்பார்க்கப்படுகின்றது.

கடந்த 2012 ஆம் ஆண்டு பெப்ரவரி மாதம் முதல் 2014 ஆம் ஆண்டு பெப்ரவரி மாதம் வரையான காலப்பகுதியில் டிவில்லியர்ஸ் 12 டெஸ்ட் போட்டிகளில் தொடர்ந்து அரைசதம் அடித்து சாதனை படைத்திருந்தார். இந்த சாதனையையே பங்களாதேஷ் அணி வீரரான மொமினுல் ஹக்கினால் முறியடிக்ககூடிய வாய்ப்புகள் ஏற்பட்டுள்ளன.

இவர் இறுதியாக விளையாடிய 11 டெஸ்ட் போட்டிகளிலும் அரைச்சதம் கடந்துள்ள நிலையில் இன்று ஆரம்பமாகும் போட்டியில் அரைச்சதம் கடப்பாரானால் டிவில்லியர்ஸின் சாதனையை சமன் செய்வார்.

இதுவரை 14 டெஸ்ட் போட்டிகளில் ஆடியுள்ள மொமினுல், 1380 ஓட்டங்களை 60 ஓட்டங்கள் என்ற சராசரியில் எடுத்துள்ளார்.இதில் 4 சதங்கள் 9 அரைசதங்கள் உள்ளடங்கும்.