காக்கா முட்டை படத்தில் நடித்த சிறுவர்களை பாராட்டிய தோனி!

தனுஷ் – வெற்றிமாறன் தயாரிப்பில் கடந்த வாரம் வெளிவந்து திரையரங்குகளில் வெற்றிகரமாக ஓடிக்கொண்டிருக்கும் படம் ‘காக்கா முட்டை’.

இரண்டு சிறுவர்களை மையப்படுத்தி வெளிவந்த இப்படம் தேசிய விருதுகளையும் வாங்கியுள்ளது. இப்படத்தில் நடித்திருந்த ரமேஷ், விக்னேஷ் இரண்டு சிறுவர்களும் இந்திய கிரிக்கெட் அணியின் கேப்டன் மகேந்திர சிங் தோனியின் தீவிர ரசிகர்கள்.

அவர்களுக்கு தோனியை ஒருமுறையாவது நேரில் சந்திக்க வேண்டும் என்ற ஆசை நீண்ட நாளாகவே இருந்து வந்தது.அவர்களின் ஆசையை பூர்த்தி செய்யும்விதமாக இப்படத்தை வெளியிட்ட பாக்ஸ் ஸ்டார் நிறுவனம், இரண்டு சிறுவர்களும் தோனியை சந்திக்க ஏற்பாடு செய்தது.

‘காக்கா முட்டை’ சிறுவர்கள் இரண்டு பேரும் நேரில் சந்தித்து அவரிடம் கைகுலுக்கினர். தோனியும், சிறுவர்களுக்கு தனது வாழ்த்துக்களை தெரிவித்தார்.