ஜெ. மேன்முறையீட்டுக்கு அழுத்தம் கொடுத்த கருணாநிதிக்கு சீமான் கடும் எதிர்ப்பு
சொத்து குவிப்பு வழக்கில் ஜெயலலிதா விடுதலையை எதிர்த்து கர்நாடகா அரசு மேன்முறையீடு செய்ய வேண்டுமென தி.மு.க. தலைவர் கருணாநிதி தொடர்ந்து அழுத்தம் கொடுத்தமைக்கு நாம் தமிழர் கட்சியின் தலைமை ஒருங்கிணைப்பாளர் சீமான் கடும் எதிர்ப்பு தெரிவித்துள்ளார்.
அவர் இது தொடர்பில் மேலும், தெரிவித்துள்ளதாவது, தி.மு.க தலைவர் கருணாநிதி, முதல்வர் ஜெயலலிதாவின் சொத்து குவிப்பு வழக்கின் தீர்ப்பை எதிர்த்து மேன்முறையீடு செய்ய வேண்டும் என தொடர்ந்து வலியுறுத்தியமை தவறான செயலாகும். சிறப்பு நீதிமன்றம் தண்டனையை விதிக்கிறது. உயர்நீதிமன்றம் தண்டனையை நீக்கி விடுதலை செய்துள்ளது.
இதில் என்ன தவறு உள்ளது?தி.மு.க தலைவர் கருணாநிதி செய்யாத தவறு ஏதும் உண்டா? எத்தனையோ தவறுகள் செய்து ஊழலும் செய்துள்ளார். எனவே அவர் முதல்வர் ஜெயலலிதா வழக்கை மேன்முறையீடு செய்ய சொல்வது சரியல்ல. எனவே இந்த வழக்கை மேன்முறையீடு செய்யக்கூடாது என்றார்.
