ஜெ.க்கு எதிராக ஜுலை முதல் வாரத்தில் மேன்முறையீடு
முதல்வர் ஜெயலலிதா விடுதலையை எதிர்த்து உச்சநீதிமன்றத்தில் ஜுலை முதல் வாரத்தில் மேன்முறையீடு செய்ய உள்ளதாக, அம்மாநில அரசதரப்பு சட்டத்தரணி ஆச்சார்யா தெரிவித்துள்ளார்.
ஆச்சார்யா இது தொடர்பில் மேலும் தெரிவித்துள்ளதாவது, மேன்முறையீட்டு மனுவை தயாரிக்கும் பணியில் ஈடுபட்டுள்ளேன். இதற்கு ஒருவாரத்திற்கு மேலாகும். ஜெயலலிதா விடுதலை செய்யப்பட்ட தீர்ப்பில் பல்வேறு தவறுகள் உள்ளன. அவற்றை சுட்டிக்காட்டி உள்ளேன்.
தற்போது உச்சநீதிமன்றத்திற்கு விடுமுறை என்பதால், விடுமுறை கால நீதிபதிகளிடம் மேன்முறையீட்டு மனுவை தாக்கல் செய்வதில் சிக்கல் உள்ளது. எனவே, ஜுலையில் நீதிமன்ற விடுமுறை முடிவுற்ற முதல் வாரத்தில் மேன்முறையீட்டு மனு தாக்கல் செய்யப்படும் என்றார்.
