‘காந்தி-மண்டேலா’ கிரிக்கெட் தொடர் விரைவில்

இந்தியா-தென்ஆபிரிக்கா அணிகள் இடையே ‘காந்தி-மண்டேலா’ பெயரில் கிரிக்கெட் தொடர் நடத்த முயற்சி மேற்கொள்ளப்பட்டு வருகிறது.

இது தொடர்பான பரிந்துரை இறுதி கட்டத்தை எட்டியிருப்பதுடன் அடுத்த 2 ஆண்டுக்குள் இந்த தொடர் நடைபெறும் எனவும் தெரிவிக்கப்பட்டுள்ளது. இது பற்றி தென்ஆபிரிக்க கிரிக்கெட் கட்டுப்பாட்டுச்சபை தலைமை அதிகாரி ஹரூன் லார்கட் கூறுகையில், ‘இந்த தொடருக்கு இந்திய கிரிக்கெட் கட்டுப்பாட்டுச்சபை மிகுந்த வரவேற்பு தெரிவித்துள்ளது.

இந்த புதிய திட்டத்தின் படி நாங்கள் இந்தியாவுக்கு சென்று 4 டெஸ்டில் விளையாடுவோம். அதன் பிறகு அவர்கள் தென்ஆபிரிக்காவுக்கு வந்து 4 டெஸ்டில் பங்கேற்பார்கள்’ என்றார்.