பூனைக்குட்டியெனக் கூறி புலிக்குட்டியை வளர்ப்பதற்கு அரசாங்கம் முயற்சிக்கிறது

தமிழ் பேசும் மக்­களை சிறு­பான்மை இனத்­த­வ­ராக நாம் ஏற்­றுக்­கொள்ள விரும்­ப­வில்லை. இந்த நாட்டில் தமிழ், முஸ்லிம் மக்­களின் பிர­தி­நி­தித்­து­வத்­திற்கும் சம உரிமை வழங்­கப்­பட வேண்டும். ஆனால், 20ஆவது திருத்தச்சட்டம் தமிழ் பேசும் மக்­களின் பிர­தி­நி­தித்­து­வத்தை அழிக்கும் திட்டமாகும் என்று மக்கள் விடு­தலை முன்­னணி தெரி­வித்­துள்­ளது.

20ஆவது திருத்தம் தொடர்பில் கட்சிகளுடன் இணங்கிய விடயமொன்று அமைச்சரவையில் சமர்ப்பித்த விடயம் ஒன்று வர்த்தமானியில் வெளியிட்ட விடயம் ஒன்று எல்லாமே ஒன்றுக்கொன்று முரனானது. செல்லப் பிராணியாக பூனைக் குட்டியொன்றை வளர்க்க தீர்மானிக்கப்பட்டது. 

ஆனால், புலிக் குட்டியை வளர்க்க தற்போது தீர்மானிக்கப்பட்டுள்ளது போன்றே தெரிகின்றது. அந்தப் புலிக்குட்டி கடையில் எஜமானை விட்டு விட்டு சகலரையும் தின்று விடும் இது போன்றே அரசாங்கத்தின் செயற்பாடுகள் காணப்படுகின்றது என்றும் ஜே.வி.பி. சுட்டிக்காட்டியது.

இதனால் 20ஐ பாரா­ளு­மன்­றத்­திற்கு கொண்­டு­வந்தால் தோற்­க­டிக்க சகல நட­வ­டிக்­கை­க­ளையும் முன்­னெ­டுப்போம் எனவும் அக்கட்சி எச்­ச­ரித்­துள்­ளது, மக்கள் விடுதலை முன்­ன­ணியால் நேற்று பத்­த­ர­முல்­லையில் நடத்தப்பட்ட செய்­தி­யாளர் சந்­திப்பின் போதே கட்­சியின் பொதுச் செய­லாளர் ரில்வின் சில்வா மேற்­கண்­ட­வாறு குறிப்­பிட்டார். அவர் மேலும் கூறு­கையில்,

தேர்தல் முறை­மையில் மாற்றம் கொண்­டு­வ­ரு­வது தொடர்பில் கடந்த காலத்தில் இருந்து கட்சி தலை­வர்கள் கூட்­டத்­திலும், சிறிய கட்­சி­களின் கூட்­டங்­க­ளிலும் ஆழ­மாக ஆரா­யப்­பட்­டது. பிர­தான இரு கட்­சி­களின் கருத்­துக்­க­ளையும் கவ­னத்தில் கொண்டும் இந்த தேர்தல் திருத்தம் தொடர்பில் ஆரா­யப்­பட்­டது.

இந்த சந்­தர்ப்­பங்­களில் தேர்தல் திருத்தம் மிகவும் ஆரோக்­கி­ய­மா­ன­தா­கவும் சிறிய கட்­சி­களின் பிர­தி­நி­தித்­து­வத்தை பாது­காக்கும் வகை­யிலும் அமையும் என இரண்டு பிர­தான கட்­சி­களும் நம்­பிக்­கை­ய­ளித்­தன. ஆனால் தற்­போது கொண்­டு­வ­ரப்­பட்­டி­ருக்கும் 20வது திருத்தச் சட்­ட­மா­னது சிறிய கட்­சி­களின் பிர­தி­நி­தித்­து­வத்தை முழு­மை­யாக அழிக்கும் வகையில் அமைந்துள்ளது.

பூனைக் குட்­டியை கொண்­டு­வ­ரு­வ­தாக கூறி இறு­தியில் புலிக்­குட்­டி­யையே இந்த அர­சாங்கம் கொண்­டு­வந்­துள்­ளது. புலிக்­குட்டி வளர்த்தால் நாட்டில் பெரிய பிரச்­சி­னைகள் வரும் என்­பதை யாரும் மறந்­து­விடக் கூடாது.

அர­சாங்கம் தற்­போது கொண்­டு­வ­ர­வி­ருக்கும் 20ஆவது திருத்தச் சட்­ட­மா­னது மிகவும் மோச­மா­ன­தா­கவே அமைந்­துள்­ளது. குறிப்­பாக தமிழ் முஸ்லிம் மக்­களின் பிர­தி­நி­தித்­துவம் இந்த 20 ஆவது திருத்தச் சட்­டத்தின் மூல­மாக தடுக்­கப்­ப­டு­கின்­றது. இந்த நாட்டில் சிங்­கள மக்­களின் பிர­தி­நி­தித்­து­வத்­துக்கு எவ்­வ­ளவு முக்­கி­யத்­துவம் வழங்­கப்­ப­டு­கின்­றதோ அதே முக்­கி­யத்­துவம் தமிழ், முஸ்லிம் மக்­களின் பிர­தி­நி­தித்­து­வத்­துக்கும் வழங்­கப்­பட வேண்டும்.

இந்த நாட்டில் தமிழ் பேசும் மக்­களை சிறு­பான்மை மக்கள் என அழைப்­பதை நாம் ஒரு போதும் விரும்­ப­வில்லை, தமிழ் முஸ்லிம் மக்­களின் உரி­மை­க­ளுக்கும் சுதந்­தி­ரத்­துக்கும் குரல் கொடுக்கும் பிர­தி­நி­தி­களின் பிரதிநிதித்துவம் பாரா­ளு­மன்­றத்தில் அமை­ய­வேண்டும். ஆனால் இப்­போது கொண்­டு­வ­ரப்­ப­ட­வுள்ள 20 ஆவது திருத்தச் சட்­டத்தின் மூலம் தமிழ் பேசும் மக்­களின் பிர­தி­நி­தித்­துவம் முழு­மை­யாக புறக்­க­ணிக்­கப்­ப­டு­கின்­றது.

குறிப்­பாக முஸ்­லிம்கள் இந்த நாட்டில் அனைத்து பகு­தி­க­ளிலும் வாழ்­கின்­றனர். அவர்­களின் பிர­தி­நி­திகள் பல பகு­தி­களில் இருந்தும் தெரிவு செய்­யப்­ப­டு­கின்­றனர். அவ்­வா­றான நிலையில் இந்த முறை­யின்­படி தேர்தல் நடக்­கு­மாயின் கிழக்கு மாகாணம் தவிர்ந்து வேறு எந்தப் பகு­தியில் இருந்து அவர்­களின் பிர­தி­நி­திகள் எவரும் பாரா­ளு­மன்­றத்தை பிர­தி­நி­தித்­து­வப்­ப­டுத்த முடி­யாமல் போகும். அதே­போ­லவே தமிழ் மக்­களின் நிலை­மையும் சிக்­க­லா­ன­தாகவே அமையும்.

வடக்கை தவிர வேறு எந்தப் பகு­தியில் இருத்தும் தமிழ் தலை­வர்கள் பாரா­ளு­மன்­றத்தை பிரதி நிதித்­துவப்படுத்த முடி­யாமல் போய்­விடும். பிர­தா­ன­மான இரு கட்­சி­களின் பாரா­ளு­மன்ற உறுப்­பி­னர்கள் மட்­டுமே பாரா­ளு­மன்­றத்தில் இருப்­பார்கள். ஆகவே கள்­ளர்­க­ளையும், ஊழல் மோச­டிக்­க­ர­ர்க­ளையும் பாரா­ளு­மன்­றத்­துக்கு அனுப்பி நாட்டை முழு­மை­யாக சீர­ழிக்கும் நட­வ­டிக்­கை­க­ளையே இந்த அர­சாங்கம் முன்­னெ­டுத்து வரு­கின்­றது. எனவே இந்த 20 ஆவது திருத்தச் சட்டம் முழு­மை­யாக இன­வா­தத்­தையும், சர்­வா­தி­கா­ரத்­தையும் பலப்­ப­டுத்­தவே முயற்­சிக்­கின்­றது.

அதேபோல் பல கட்சி கலா­சாரம் எமது நாட்டில் பல கால­மாக இருந்து வருகின்றது. பல கட்சி கலா­சா­ரமே நாட்டில் அனைத்து மக்­க­ளி­னதும் பிர­தி­நி­தித்­து­வத்தை பல­ப­டுத்தும். ஆனால் இன்று சிறிய கட்­சி­களின் பிரதிநிதித்துவத்தை முழுமையாக அழித்து இரு கட்சி கலாசாரத்தை கொண்டுவரும் திட்டமே இதுவாகும். 

ஆகவே இந்த 20ஆவது திருடச் சட்டத்தை உடனடியாக வர்த்தமானி அறிவித்தலில் இருந்து வாபஸ் பெறவேண்டும். அப்படி இல்லாது பாராளுமன்றத்தில் இந்த திருத்தச் சட்டம் கொண்டுவரப்படுமையின் அதை பாராளுமன்றத்தில் தோற்கடிக்க அனைத்து நடவடிக்கைகளையும் முன்னெடுப்போம். எம்முடன் இணைந்து செயற்பட பலர் உள்ளனர் எனக் குறிப்பிட்டார்.