அரசாங்கம் எம்மை ஏமாற்றுகிறது 20ஐ நிறைவேற்றியே தீரவேண்டும்

தேர்தல் திருத்­த­ யோ­சனை தொடர்பில் சபை ஒத்­தி­வைப்பு விவாதம் இன்றும் நாளையும் பாரா­ளு­மன்­றத்தில் நடை­பெ­ற­வி­ருக்கும் நிலையில் எதிர்க்­கட்சி தமது எதிர்ப்­பினை வெளிப்­ப­டுத்­தி­யுள்­ளது. 20ஆவது திருத்தச்சட்டம் எப்­ப­டி­யேனும் நிறை­வேற்­றப்­ப­ட­வேண்டும் என எதிர்க்­கட்சி தலைவர் நிமல் சிறி­பா­ல டி சில்வா தெரி­வித்தார்.

தேர்தல் முறை திருத்த யோசனைகளை உள்ளடக்கிய 20ஆவது திருத்த சட்ட மூலம் தொடர்பில் கட்சி தலை­வர்கள் கூட்டம் நேற்று பாரா­ளு­மன்ற கட்­டிடத் தொகு­தியில் நடை­பெற்­றது. இதில் தேர்தல் திருத்தச் சட்­ட­யோ­சனை முன்­னெ­டுப்­பதில் சிறு­பான்மை மற்றும் சிறிய கட்­சிகள் முரண்­ப­டு­வதன் கார­ணத்­தினால் சபை ஒத்­தி­வைப்பு விவாதம் இன்றும் நாளையும் நடத்த தீர்­மா­னித்­தி­ருப்­ப­தாக கட்­சிகள் முடி­வி­டுத்­துள்ள நிலையில் எதிர்க்­கட்சி தலைவர் தமது எதிர்ப்­பினை வெளிப்­ப­டுத்­தி­யுள்ளார்.

இது தொடர்பில் நேற்று எதிர்க்­கட்சி தலைவர் காரி­யா­லயத்தில் இடம்­பெற்ற செய்­தி­யாளர் சந்­திப்பில் எதி­ர்க்­கட்சி தலைவர் நிமல் சிறி­பா­லடி சில்வா தெரி­விக்­கையில்,

தேர்தல் திருத்­தத்தை முன்­னெ­டுக்கும் 20ஆவது திருத்தச் சட்டம் அர­சாங்­கத்தின் இணக்­கப்­பாட்டின் அடிப்­ப­டையில் தான் வர்த்­த­மானி அறி­வித்­தலில் வெளி­யி­டப்­பட்­டுள்­ளது. அதேபோல் இந்த திருத்தச் சட்டம் தொடர்பில் கடந்த காலத்தில் அர­சாங்கம் எதிர்க்­கட்­சி­யு­டனும் சிறு­பான்மை மற்றும் சிறிய கட்­சி­க­ளுடன் பல தட­வைகள் கலந்­தா­லோ­சித்­துள்­ளது.

அதேபோல் அமைச்­ச­ர­வையில் கலந்­தா­லோ­சித்து தான் வர்த்­த­மா­னியில் வெளி­யிட்­டுள்­ளனர். இவ்­வாறு அர­சாங்­கத்தின் முழு­மை­யான தலை­யீட்­டுடன் தான் 20ஆவது திருத்தச் சாட்டம் கொண்­டு­வர தீர்மானிக்கப்பட்டது. ஆனால் இப்­போது இந்தத் திருத்தச் சட்டம் கொண்­டு­வ­ரு­வதை அர­சாங்­கமும் ஏனைய கட்­சி­களும் எதிர்க்­கின்­றன.

20ஆவது திருத்தச் சட்டம் கொண்­டு­வ­ரு­வதில் எதிர்க்­கட்சி எந்த விதத்­திலும் தொடர்­பு­ப­ட­வில்லை. அர­சாங்­கமே அனைத்து செயற்­பா­டு­க­ளையும் முன்­னே­டுத்­து­விட்டு இப்­போது இந்தத் தேர்தல் திருத்தச் சட்டம் ஐக்­கிய தேசியக் கட்­சிக்கு சாத­க­மான வகையில் அமை­ய­வில்லை என்­ற­வுடன் குழப்­பி­ய­டிக்க பாக்­கின்­றனர். இதற்கு மக்கள் விடு­தலை முன்­னணி, ஸ்ரீலங்கா முஸ்லிம் காங்­கிரஸ் ஆகிய கட்­சி­களும் துணை போகின்­றன. இன்று ஐக்­கிய தேசியக் கட்­சியின் கூட்­ட­ணியில் மக்கள் விடு­தலை முன்­னணி மற்றும் ஏனைய கட்­சிகள் கைகோத்து அர­சியல் செய்ய முயற்­சிக்­கின்­றன.

அவர்­களின் அர­சியல் பாதை கேள்­விக்­கு­றி­யா­கி­விட்­டது. அதனால் தான் 20ஆவது திருத்தச் சட்­டத்தை நிறை­வேற்ற விடாது இழுத்­த­டிப்­பு­களை மேற்­கொள்­கின்­றனர். கடந்த ஜனா­தி­பதித் தேர்­தலின் போது ஜனா­தி­பதி மைத்­தி­ரி­பால சிறே­செ­னவின் பிர­தான இரண்டு கோரிக்­கை­களை ஏற்­றுக்­கொண்டே அனைத்துக் கட்­சி­களும் அவ­ருடன் கைகோர்த்­தன.

குறிப்­பாக 19ஆவது திருத்தச் சட்­டத்தை நிறை­வேற்­று­வது மற்றை­யது 20ஆவது திருத்தச் சட்­டத்தை நிறை­வேற்­று­வது என்ற பிர­தான இரண்டு உடன்­ப­டிக்­கை­க­ளாகும். இதில் 19ஆவது திருத்தச் சட்­டத்தை நிறை­வேற்ற முன்­வந்த அனை­வரும் இன்று 20 ஐ நிறை­வேற்றுவதற்கு பின்­வாங்­கு­கின்­றனர்.

தமக்கு தேவை­யான காரியம் முடி­வ­டைந்­த­வுடன் ஆட்­சியை தொடர்ந்து தக்­க­வைக்க பிர­தமர் முயற்­சிக்­கின்றார். ஆகவே இதை நாம் முழு­மை­யாக எதிர்க்­கின்றோம். இந்த விட­யத்தை நாளை பாரா­ளு­மன்­றத்தில் சபா­நா­ய­க­ரிடம் நாம் முன்­வைப்போம் ஆனால் நாம் விவா­தத்தை தடுக்க மாட்டோம். விவா­தத்தின் போது அரசாங்கத்திடம் நாம் இந்தக் காரணங்களை வினவுவோம்.

அரசாங்கம் தனது சுயநலத்துக்காக மக்களையும் எங்களையும் ஏமாற்றுகின்றது. இந்த செயற்பாடுகளை மக்கள் மத்தியில் வெளிப்படுத்த வேண்டும். ஆகவே ஐக்கிய தேசியக் கட்சியின் ஏமாற்று வேலைகளை நாம் மக்கள் மத்தியில் கொண்டு செல்வோம் எனக் குறிப்பிட்டார்.