வடக்கு அமைச்சுக்களின் செயலாளர் இடமாற்றம் ரத்து! (2ம் இணைப்பு)
வடமாகாண அமைச்சுக்களின் செயலாளர்களாக கடமையாற்றியோருக்கு இன்று ஏப்ரல் முதலாம் திகதி முதல் நடைமுறைக்கு வரும் வகையில் வழங்கப்பட்ட இடமாற்றம் வடமாகாண ஆளுநர் எச்.எம்.ஜி.எஸ்.பளிஹக்காரவின் உத்தரவுக்கமைய இடை நிறுத்தப் பட்டுள்ளது.
வட மாகாண சுகாதார அமைச்சின் செயலாளராக கடமையாற்றிய இ.ரவீந்திரன் கல்வி அமைச்சின் செயலாளராகவும், கல்வி அமைச்சின் செயலாளராக பணிபுரிந்த எஸ்.சத்தியசீலன் மீன்பிடி அமைச்சின் செயலாளராகவும், மீன்பிடி அமைச்சின் செயலாளராக கடமையாற்றிய இ.வரதீஸ்வரன் உள்ளூராட்சி அமைச்சின் செயலாளராகவும், உள்ளூராட்சி அமைச்சின் செயலாளராக கடமையாற்றிய சி.திருவாகரன் சுகாதார அமைச்சின் செயலாளராகவும் இன்று முதலாம் திகதி நடைமுறைக்கு வரும்வகையில் இடமாறம் செய்யப்படுகின்றனர் என்று அறிவிக்கப்பட்டிருந்தது.
இந்த நிலையில் ஆளுநரே மேற்படி இடமாற்றங்களை தற்போது ரத்துச்செய்துள்ளார் என்று தெரியவந்துள்ளது.
வடமாகாண அமைச்சுக்களின் செயலாளர்கள் மாற்றம்
வடமாகாண அமைச்சுக்களின் செயலாளர்களாக கடமையாற்றியோர், இன்று ஏப்ரல் முதலாம் திகதி முதல் அமுலுக்கு வரும் வகையில் வடமாகாண ஆளுநர் எச்.எம்.ஜி.எஸ்.பளிஹக்காரவினால் இடமாற்றம் செய்யப்பட்டுள்ளனர்.
இந்நிலையில், வட மாகாண சுகாதார அமைச்சின் செயலாளராக இதுவரைகாலமும் கடமையாற்றிய இ.ரவீந்திரன், கல்வி அமைச்சின் செயலாளராகவும் கல்வி அமைச்சின் செயலாளராக பணிபுரிந்த எஸ்.சத்தியசீலன், மீன்பிடி அமைச்சின் செயலாளராகவும் மீன்பிடி அமைச்சின் செயலாளராக கடமையாற்றிய இ.வரதீஸ்வரன், உள்ளூராட்சி அமைச்சின் செயலாளராகவும் உள்ளூராட்சி அமைச்சின் செயலாளராக கடமையாற்றிய சி.திருவாகரன் சுகாதார அமைச்சின் செயலாளராகவும் இடமாற்றம் செய்யப்பட்டுள்ளனர்.
இதேவேளை, மனிதவள அபிவிருத்தி பயிற்சி பிரதி பிரதம செயலாளராக அ.சிவபாதசுந்தரன் நியமிக்கப்படவுள்ளார். இவர் இதுவரை காலமும் வடமாகாண சபையின் சபைச் செயலாளராக கடமையாற்றி வந்தார். இதுவரைகாலமும் உள்ளூராட்சி உதவி ஆணையாளராக கடமையாற்றிய ம.ஜெகூ, புதிய சபைச் செயலாளராக நியமிக்கப்பட்டுள்ளார் என்பது குறிப்பிடத்தக்கது.
