தமிழ்த் தேசிய மக்கள் முன்னணியின் வவுனியா மாவட்ட அலுவலகம் திறப்பு (படங்கள் இணைப்பு)

தமிழ்த் தேசிய மக்கள் முன்னணி மற்றும் அகில இலங்கை தமிழ் காங்கிரஸ் ஆகிய கட்சிகளின் மாவட்ட அலுவலகம் வவுனியாவில் நேற்று சனிக்கிழமை திறந்து வைக்கப்பட்டது. 

வவுனியா, குருமன்காடு பகுதியில் குறித்த அலுவலகம் அமைந்துள்ளது. தமிழ் தேசிய மக்கள் முன்னணியின் தலைவர் கஜேந்திரகுமார் பொன்னம்பலம் புதிய அலுவலகத்தை திறந்து வைத்தார். இந் நிகழ்வில் தமிழ் தேசிய மக்கள் முன்னணியின் செயலாளர் செல்வராஜா கஜேந்திரன், தேசிய அமைப்பாளரும் சட்டத்தரணியுமான வி.மணிவண்ணன், கட்சியின் வடக்கு, கிழக்கு அமைப்பாளர்கள், ஆதரவாளர்கள், வர்த்தக சங்கத்தினர், சமூக செயற்பாட்டாளர்கள் எனப் பலரும் கலந்து கொண்டனர்.