டுபாயின் அடுக்குமாடி குடியிருப்பில் பாரிய தீ விபத்து (படங்கள் ,காணொளி இணைப்பு)

டுபாயின் மெரினா மாவட்டத்திலுள்ள அடுக்குமாடி கட்டிடத்தில் பாரியளவிலான தீ விபத்து இடம்பெற்றுள்ளது.டோர்ச் டவரில் உள்ள 336 மீற்றர் உயரமான 79 அடுக்குமாடி கொண்ட குடியிருப்புக்கள் அதிகமாகவுள்ள இக்கட்டிடத்தின் 50 ஆவது தளத்தில் தீ விபத்து நேர்ந்துள்ளது.

இன்று சனிக்கிழமை அதிகாலை 3 மணியளவில் இந்த தீ விபத்து இடம்பெற்றுள்ளதாகத் தெரிவிக்கப்பட்டுள்ளது.

தீ பரவியதயை அடுத்து தீயணைப்பு படையினர் குடியிருப்பிலுள்ள அனைவரையும் வெளியேற்றியதுடன், தீவிர முயற்சியின் பின்னர் தீயைக் கட்டுப்பாட்டுக்குள் கொண்டு வந்துள்ளதாக அந்நாட்டுத் தகவல்கள் தெரிவிக்கின்றன.

இருப்பினும் தீ விபத்திற்கான காரணம் என்ன என்பது குறித்தும் சேத விபரங்கள் குறித்தும் முதற்கட்ட தகவலில் கண்டறியப்படவில்லை.தீயணைப்புக் குழுவினர் தீயைக் கட்டுப்பாட்டிற்குள் கொண்டு வரத் தாமதித்திருக்கும் பட்சத்தில் இந்த தீ விபத்து பாரிய அனர்த்தத்தை ஏற்படுத்தியிருக்கும் எனக் கூறப்பட்டுள்ளது