இனியபாரதியே கடத்தினான்! அம்பாறையில் காணாமல் போனவர்களின் உறவினர்கள் போராட்டம் (படங்கள் இணைப்பு)
கடந்த ஆட்சிக்காலங்களில் அம்பாறை மாவட்டங்களில் கடத்தப்பட்டு காணாமல் போனவர்களின் உறவினர்கள் இன்று போராட்டமொன்றை நடத்தியுள்ளனர்.
அரசுகளுடன் ஒத்துழைத்து செயற்பட்ட ஒட்டுக்குழுக்களினாலேயே கடத்தல்களும், காணாமல் போதல்களும் நடந்ததாக போராட்டத்தில் ஈடுபட்டவர்கள் குற்றம்சாட்டினார்கள்.
திருக்கோவில் மத்திய சந்தைக்கு அண்மையில் இந்த போராட்டம் நடந்தது. போராட்டத்தில் கலந்து கொண்டவர்கள், முன்னாள் ஜனாதிபதி மகிந்த ராஜபக்சவின் அம்பாறை இணைப்பாளர் இனியபாரதிக்கு எதிராக சுலோகஅட்டைகளை தாங்கியிருந்ததுடன், அவரிற்கு எதிராக கோசமுமிட்டனர்.
