இனவழிப்பு பிரேரணையை திருப்பி பெற்றுக்கொள்ள வேண்டும்! மிரட்டுகிறார் நிமால்

இறுதிப்போரின் போது இடம்பெற்றதாக கூறப்படும் இனவழிப்பு குறித்த வடமாகாணசபையினால் நிறைவேற்றப்பட்ட பிரேரணையை உடன் வாபஸ் பெற்றுக்கொள்ள வேண்டுமென எதிர்க்கட்சித் தலைவர் நிமால் சிறிபால டி சில்வா தெரிவித்துள்ளார்.

தமிழ் மக்களுக்கு எதிராக மேற்கொள்ளப்பட்டதாக தெரிவிக்கப்படும் மனிதப் படுகொலைகள் குறித்து சர்வதேச விசாரணையொன்று ஆரம்பிக்கப்பட வேண்டும் என குறிப்பிட்டு, சில நாட்களுக்கு முன் வடக்கு மாகாண முதலமைச்சர் சி.வி. விக்னேஸ்வரன் கொண்டுவந்துள்ள பிரேரணையையே உடன் வாபஸ் பெற்றுக்கொள்ள வேண்டும் என அவர் தெரிவித்துள்ளார்.

அத்துடன், இவ்வாறான பிரேரணைகளைக் கொண்டு வருவதற்கு மாகாண சபைகளுக்கு அதிகாரமில்லையெனவும் எதிர்க்கட்சித் தலைவர் சுட்டிக்காட்டியுள்ளார்.

அதேவேளை, இவ்வாறான விதிமுறைகளுக்குப் புறம்பான செயற்பாட்டினை ஜனாதிபதி மைத்திரிபால சிறிசேன தலைமையில் கட்டியெழுப்பப்படவுள்ள தேசிய நல்லிணக்கத்தை நீர்த்துப் போகச் செய்யும் நடவடிக்கையாகவே தாம் கருதுவதாக எதிர்க்கட்சித் தலைவர நிமல் சிறிபால டி சில்வா தெரிவித்தார்.