சம்பூர் - அம்மன் நகரில் ஆயுதங்கள் மீட்பு

திருகோணமலை - சம்பூர் காவல்துறைப் பிரிவிற்குட்பட்ட அம்மன் நகர் கிராமத்தில் நேற்று மாலை பெருமளவு ஆயுதங்கள் மீட்கப்பட்டுள்ளன.

புலனாய்வு பிரிவுக்கு கிடைத்த இரகசிய தகவலின் அடிப்படையில், இந்த ஆயுதங்களை மீட்டதாக சம்பூர் காவற்துறையினர் தெரிவித்துள்ளனர்.குறித்த ஆயுதங்கள் தனியாருக்குச் சொந்தமான காணியொன்றில் இருந்து மீட்கப்பட்டுள்ளன.

மீட்கப்பட்ட ஆயுதங்களில் 18 கன்னி வெடிகள், ரீ 56 ரக துப்பபாக்கிகள் 13, இரண்டு கிரனைட்கள், ஒரு கிளைமோர் குண்டு மற்றும் ரீ 56 ரக துப்பாக்கிக்கு பயன்படுத்தும் ரவைகள் ஆயிரத்து 69 உள்ளிட்ட மேலும் பல ஆயுதங்கள் மீட்கப்பட்டுள்ளன.

இதேவேளை, குறித்த ஆயுதங்களுடன் புலிக்கொடி ஒன்றும் மீட்கப்பட்டுள்ளதாக காவற்துறையினர் தெரிவித்துள்ளனர்.இந்த சம்பவம் தொடர்பிலான மேலதிக விசாரணைகளை சம்பூர் காவற்துறையினர் மேற்கொண்டு வருகின்றனர்.