கடவுச்சீட்டு விவகாரம்! விமல் வீரவங்சவின் மனைவி கைது

இலங்கையின் முன்னாள் அமைச்சரும் தேசிய சுதந்திர முன்னணியின் தலைவருமான விமல் வீரவங்சவின் மனைவியான ஷசி வீரவங்ச கைது செய்யப்பட்டுள்ளார்.

இந்த தகவலை காவற்துறை ஊடகப்பிரிவு உறுதிப்படுத்தியுள்ளது.ஷசி வீரவங்ச 2010ஆம் ஆண்டு பொய்யான தகவல்களை வழங்கி இராஜதந்திர  கடவுச்சீட்டை பெற்றுக்கொண்ட குற்றச்சாட்டின் அடிப்படையில் அவர் கைது செய்யபட்டுள்ளார்.

2009ஆம் ஆண்டு மே மாதம் 24ஆம் திகதி காலாவதியான அவரது சாதாரண கடவுச்சீட்டுடன் ஒப்பிட்டு பார்க்கையில் அவர் பெற்றுக்கொண்ட புதிய கடவுச்சீட்டில் அடங்கியுள்ள தகவல்கள் வித்தியாசமானதாக காணப்பட்டமை கண்டறியப்பட்டமை குறிப்பிடத்தக்கது.