கடலில் மூழ்கிய படகுகள்! 300 பேர் பலி (காணொளி,படங்கள் இணைப்பு)

மத்திய தரைக்கடலில் பயணித்து கொண்டிருந்த படகுகள் கடலில் மூழ்கியதைத் தொடர்ந்து 300 பேர் வரை உயிரிழந்துள்ளதாக ஐ.நா சபையின் அகதிகளுக்கான அமைப்பு அறிவித்துள்ளது.

ஆப்ரிக்காவின் வடபிராந்தியத்தில் இருந்து ஐரோப்பிய நாடுகளுக்கு புகலிடம் கோருவதற்காக சென்றவர்களுக்கே இந்தக் கதி நேர்ந்திருப்பதாக ஐ.நா உயர்ஸ்தானிகராலயத்தின் பிராந்திய பணிப்பாளர் தெரிவித்தார்.

இந்தச் சம்பவம் மிகவும் மோசமான மனிதப் பேரவலம் என அவர் குறிப்பிட்டார்.புகலிடக் கோரிக்கையாளர்கள் சனிக்கிழமை நான்கு படகுகள் மூலம் லிபியாவிலிருந்து பயணத்தை தொடங்கியதாக தெரிகிறது.இவர்களில் 9 பேர் உயிருடன் காப்பாற்றப்பட்டு இத்தாலியின் லம்பே-டுசா தீவிற்கு அழைத்து வரப்பட்டுள்ளதாக பணிப்பாளர் வின்சன் கொச்ரெல் தெரிவித்துள்ளார்.

       

முன்னதாக கடந்த ஞாயிற்றுக்கிழமை லிபியாவில் இருந்து புறப்பட்ட மற்றொரு தஞ்சப்படகு இத்தாலி கடலோர பாதுகாப்பு படையினரால் மீட்கப்பட்டிருந்தது. கடும் குளிர் காரணமாக படகில் இருந்த 29 பேர் கொல்லப்பட்டிருந்ததோடு 105 பேர் மீட்கப்பட்டனர்.