டெஸ்ட் தரப்படுத்தலில் முதலிடத்தைத் தக்க வைத்த தென் ஆப்பிரிக்கா

மேற்கிந்தியத் தீவுகள் அணிக்கு எதிராக கேப் டவுணில் நடைபெற்ற மூன்றாவது டெஸ்ட் போட்டியில் தென் ஆப்பிரிக்கா அணி 8 விக்கெட்டுக்களால் வெற்றியீட்டியுள்ளது.

இந்தப் போட்டியின் இறுதிநாளான நேற்று 124 ஓட்டங்கள் என்ற வெற்றி இலக்கை நோக்கி துடுப்பெடுத்தாடிய தென் ஆப்பிரிக்கா வீரர்கள், இரண்டு விக்கெட்டுகளை மாத்திரம் இழந்து இலக்கை அடைந்தார்கள்.

இந்த வெற்றியின் மூலம் சிறந்த டெஸ்ட் அணிகளை வரிசைப்படுத்தும் தர வரிசை பட்டியலில் தென் ஆப்பிரிக்கா அணி தொடர்ந்தும் முதலாவது இடத்தை தக்க வைத்துள்ளது.அத்துடன் மேற்கிந்தியத் தீவுகள் அணிக்கு எதிரான சுற்றுத்தொடரிலும் இரண்டுக்கு பூச்சியம் என்ற அடிப்படையில் வெற்றி பெற்றுள்ளது.