பிரபல தெலுங்கு நடிகர் காலமானார்

பிரபல தெலுங்கு நடிகர் அஹுதி பிரசாத் (57) ஞாயிற்றுக்கிழமை காலமானார்.

புற்றுநோயால் பாதிக்கப்பட்டிருந்த அவர், ஹைதராபாதில் தனியார் மருத்துவமனையில் சிகிச்சை பெற்று வந்த நிலையில் ஞாயிற்றுக்கிழமை காலமானார்.

கிருஷ்ணா மாவட்டத்தைச் சேர்ந்த அவரது இயற்பெயர் ஜனார்த்தன பிரசாத் ஆகும். 1980களில் வெளியான "அஹுதி' படத்தில் வில்லன் கதாபாத்திரத்தில் திறம்பட நடித்ததால் அஹுதி பிரசாத் என அவர் அழைக்கப்பட்டார்.

வில்லனாக மட்டுமன்றி, நகைச்சுவை, குணச்சித்திரம் வேடங்களிலும் பிரசாத் நடித்துள்ளார்.ஆந்திர அரசின் நந்தி விருது உள்ளிட்ட பல்வேறு விருதுகளை பிரசாத் பெற்றுள்ளார். அவரது மறைவுக்கு, பழம்பெரும் தெலுங்கு நடிகரும், தெலுங்கு தேசம் கட்சியின் எம்.பி.யுமான முரளி மோகன், ஒய்எஸ்ஆர் காங்கிரஸ் தலைவர் ஜெகன் மோகன் ரெட்டி, ஆந்திரப் பிரதேச தகவல், கலாசாரத் துறை அமைச்சர் ரகுநாத ரெட்டி உள்ளிட்டோர் இரங்கல் தெரிவித்துள்ளனர்.