சங்கக்காராவின் சாதனை!

டெஸ்ட் கிரிக்கெட் போட்டியில் அதிக ஓட்டங்களை குவித்து சங்கக்காரா சாதனை படைத்துள்ளார்.நியூசிலாந்துக்கு எதிரான 2-வது டெஸ்ட் போட்டியின் முதல் நாள் ஆட்டத்தில் சங்கக்காரா விளையாடி வருகிறார்.

அவர் 224 இன்னிங்ஸ்களில் 12,000 ஓட்டங்களை எட்டி சாதனை புரிந்துள்ளார்.

இலங்கை தன் முதல் இன்னிங்ஸில் 5 விக்கெட்டுகள் இழப்பிற்கு 78 ஓட்டங்களை எடுத்து தடுமாறி வருகிறது. விக்கெட் கீப்பர் பிரசன்ன ஜெயவர்தனே கடைசி பந்தில் ஆட்டமிழக்க சங்கக்காரா 33 ஓட்டங்களுடன் விளையாடி வருகிறார்.

இவர் 5 ஓட்டங்கள் எடுத்தால் 12,000 ஓட்டங்கள் என்ற சாதனையை நிகழ்த்துவார் என்று எதிர்பார்க்கப்பட்டது. இந்நிலையில் டிரெண்ட் போல்ட் பந்தை லெக் திசையில் 2 ஓட்டங்களுக்கு தட்டி விட்டு 12,000 டெஸ்ட் ஓட்டங்களை பூர்த்தி செய்தார்.

இந்தியாவின் சச்சின் டெண்டுல்கர், அவுஸ்திரேலியாவின் ரிக்கி பாண்டிங் ஆகியோர் 247 இன்னிங்ஸ்களில் 12,000 ஓட்டங்களை கடந்தனர் என்பது குறிப்பிடத்தக்கது.