செந்தில் தொண்டமானை கைது செய்யுமாறு நீதிமன்றம் உத்தரவு

ஊவா மாகாண அமைச்சர் செந்தில் தொண்டமானை கைது செய்யுமாறு பண்டாரவளை நீதவான் நீதிமன்றம் உத்தரவிட்டுள்ளது.

வாக்காளர் அட்டையை விநியோகித்து வந்த எல்ல தபால் நிலைய ஊழியரான பெரியசாமி ஞானசேகரை தாக்கி அவரிடம் இருந்த 35 வாக்காளர் அட்டைகள், தங்கச்சங்கிலி மற்றும் செல்போனை பறித்து சென்றதாக செந்தில் தொண்டமான் மீது குற்றம் சுமத்தப்பட்டுள்ளது.

அமைச்சர் செந்தில் தொண்டமானை எதிர்வரும் 23 ஆம் திகதிக்கு முன்னர் கைது செய்து நீதிமன்றத்தில் ஆஜர்ப்படுத்துமாறு பண்டாரவளை நீதவான் ஜெயராம் ட்ரொக்ஸ்கி இன்று பொலிஸாருக்கு உத்தரவிட்டுள்ளார்.