த.தே.கூ ஒருங்கிணைப்பு குழு கூட்டம் இன்று

தமிழ் தேசிய கூட்டமைப்பின் ஒருங்கிணைப்பு குழு கூட்டம் இன்றைய தினம் கொழும்பில் நடைபெறவுள்ளது.

கட்சியின் தலைவர் இரா.சம்பந்தன் தலைமையில் இந்த கூட்டம் நடைபெறும் என்று கட்சித் தகவல்கள் தெரிவிக்கின்றன.இதன் போது எதிர்வரும் ஜனாதிபதி தேர்தலில் யாருக்கு ஆதரவளிப்பது என்பது குறித்து தீர்மானித்து அறிவிக்கப்படும் என்று கூறப்படுகிறது. 

இதேவேளை இன்றைய தினம் இது தொடர்பில் தீர்மானிக்கப்பட்டாலும், எதிர்வரும் 30ம் திகதியே கூட்டமைப்பு தமது தீர்மானத்தை அறிவிக்கும் என்றும் தகவல்கள் தெரிவிக்கின்றன.

இதேவேளை தமிழ்; மக்கள் யாருக்கு வாக்களிக்க வேண்டும் என்று தமிழ் தேசிய கூட்டமைப்பு வெளிப்படையாக அறிவிக்க கூடாது என்று, கூட்டமைப்பின் வடமாகாண சபை உறுப்பினர் எம்.கே.சிவாஜிலிங்கம் தெரிவித்துள்ளார்.இது தொடர்பில் தமிழ் மக்கள் சுயமாக தீர்மானம் மேற்கொள்ள இடமளிக்க வேண்டும் என்றும் அவர் கூறியுள்ளார்.