இந்த வார எலிமினேஷன் இவர் தான்? பிக் பாஸ் 4 பற்றிய பரபரப்பான தகவல்!
இந்த வாரம் வழங்கப்பட்ட கோழி பண்ணை டாஸ்கில் ஆரி, அர்ச்சனா உள்ளிட்ட பலர் இடையே மோதல் வெடித்ததையும் பார்த்தோம். அதனால் வாரம் முழுவதும் பரபரப்பாகவே இருந்து வந்தது.
நாமினேஷன் லிஸ்டில் தற்போது மொத்தம் 7 பேர் இருக்கின்றனர். ஆரி, அனிதா, அர்ச்சனா, ரியோ, ஷிவானி, சோம் சேகர் மற்றும் ஆஜித் ஆகிய ஏழு பேர் நாமினேஷன் லிஸ்டில் இருக்கும் நிலையில் அதிலிருந்து வெளியே போகப்போவது யார் என தெரிய ரசிகர்கள் ஆவலுடன் காத்திருக்கிறார்கள்.
இந்நிலையில் இந்த வாரம் முழுவதும் பதிவான வாக்குகளில் அஜித்துக்கு தான் குறைவாக ஓட்டுகள் கிடைத்துள்ளது என்றும், அதனால் அவர் தான் வெளியேற வாய்ப்பு உள்ளது என்றும் தகவல் பரவி வருகிறது. இருப்பினும் இது உண்மையா என்பது அதிகாரபூர்வ அறிவிப்பு வந்தால் தான் உறுதியாகும்.
ஆஜித் அல்லது ஷிவானி ஆகியோரில் யாராவது ஒருவர் தான் இந்த வாரம் எலிமினேட் ஆக வாய்ப்பு உள்ளது என முன்பிருந்தே கூறப்பட்டு வருவது குறிப்பிடத்தக்கது.
இந்த வாரம் ஆஜித்தை நெட்டிசன்கள் மீம் போட்டு அதிகம் கலாய்த்து இருந்தனர் என்பது குறிப்பிடத்தக்கது. ஆரியை பற்றி குறை சொன்ன ஆஜித், ‘70 நாட்களுக்கு பிறகும் நான் கேமில் involvement உடன் இல்லை என ஆரி சொல்கிறார். Involvement இல்லாமல் தான் மக்கள் என்னை வீட்டில் இரு என வைத்திருக்கிறார்களா?’ என கேட்டிருந்தார்.
இவர் என்ன முதல் சீசன் ஓவியா ரேஞ்சுக்கு ரசிகர்கள் இருப்பது போல பில்டப் கொடுக்கிறார் என நெட்டிசன்கள் கிண்டல் செய்தனர். மூன்றாவது வாரத்தில் எலிமினேட் ஆகி அதன்பின் எலிமினேஷன் ஃப்ரீ கார்டு மூலமாக தப்பித்ததையும் சுட்டிக்காட்டி கலாய்த்து வருகின்றனர்.
இதனாலும் ஆஜித்திற்கு ஓட்டு குறைந்திருக்குமோ என்னமோ?
