நடிகை அனுஷ்காவுடன் சீனாவிற்கு பறக்கும் பிரபாஸ்!!!

இயக்குனர் SS ராஜமவுலி இயக்கத்தில் பிரபாஸ், அனுஷ்கா, ராணா உள்ளிட்டோர் நடித்த பாகுபலி 2 படம் உலக அளவில் மிக பெரிய வெற்றி பெற்று, ரூ.1,700 கோடிக்கும் மேல் வசூல் செய்து சாதனை படைத்துள்ளது.

இதற்கிடையே இப்படத்தில் ஜோடியாக நடித்த அனுஷ்கா, பிரபாஸ் இருவரின் இணை அனைத்து ரசிகர்களையும் கவர்ந்துள்ளது, மேலும் இவர்கள் நிஜ வாழ்க்கையிலும் இணையவேண்டும் என்பது ரசிகர்களின் விருப்பமாக உள்ளது.

இந்நிலையில் பாகுபலி 2 படத்தை சீனாவில் ஜூலை மாதம் வெளியிட படக்குழு முடிவு செய்துள்ளது. அதற்கான விளம்பர வேலைகளுக்காக பிரபாஸும், அனுஷ்காவும் சீனா செல்கின்றனர்.

கடந்த 2015ம் ஆண்டு பாகுபலி படம் சீனாவில் 6 ஆயிரம் ஸ்கிரீன்களில் வெளியிடப்பட்டது. தற்போது பாகுபலி 2 படத்தை அதை விட பிரமாண்டமாக வெளியிட திட்டமிட்டுள்ளார்கள்.

இதற்கிடையே, ஆமீர் கானின் தங்கல் படம் சீனாவில் கடந்த மாதம் ரிலீஸாகி ரூ. 1000 கோடி வசூல் செய்துள்ளது. தங்கலின் இந்த வசூல் சாதனையை பாகுபலி 2 முறியடிக்கும் என்று எதிர்பார்க்கப்படுகிறது.

பிரபாஸும், அனுஷ்காவும் காதலிப்பதாக வதந்தி பரவி வரும் நிலையில், பிரபாஸ் சினிமா துறையில் இல்லாத பெண்ணை மணக்கப் போவதாக கூறப்படுவது குறிப்பிடத்தக்கது.