கிழக்கு மக்கள் வழங்கப்போகும் தீர்ப்பு என்ன?
கிழக்கு தேர்தல் களத்தில் இம்முறை என்றுமில்லாதவாறு, முன்னாள், இந்நாள் பாராளுமன்ற உறுப்பினர்களும், மாகாண சபை உறுப்பினர்களும் பொதுத் தேர்தல் எனும் போரில் இறங்கியிருப்பது
கிழக்கு மாகாண தேர்தலை சூடுபிடிக்க வைத்திருப்பதுடன் வாக்காளர்களாகி பொது மக்களுக்கு அதிர்ச்சியூட்டும் தேர்தலாக 15 ஆவது பாராளுமன்ற தேர்தல் ஆகியிருக்கிறது.
எந்த கட்சியைச் சேர்ந்த எந்த வேட்பாளருக்கு வாக்களிப்பது, எக்கட்சிக்கு தமது ஆதரவை நல்குவது யார் ஆற்றல் உள்ளவர்கள் யாருக்கு வாக்களித்தால் தமது பிரதேசமும் தாமும் நன்மை பெற முடியும், அனுகூலமாக இருக்குமென்ற தீர்மானங்களை எடுப்பதிலும் முடிவை அணுகுவதிலும் கிழக்கு மாகாண மக்கள் ஒரு தர்ம சங்கடமான சூழ்நிலைக்கு தள்ளப்பட்டிருக்கின்றார்கள் என்பதே உண்மை. கடந்த 14 தேர்தல்களிலும் அனுபவிக்காத புதிய அனுபவத்தை நடைபெறவுள்ள தேர்தலில் கண்டு கொண்டிருக்கிறார்கள் என்பது அவர்கள் வாயிலாகவே சொல்லப்படுகின்ற விடயமாகும்.
முன்னாள் பாராளுமன்ற உறுப்பினர்களாக இருந்தவர்கள் அமைச்சர் பதவியை வகித்தவர்கள், மாகாண சபை அனுபவங்களைக் கொண்டவர்கள், தற்பொழுது மாகாண சபையை மக்கள் பிரதிநிதிகளாக அலங்கரித்துக் கொண்டிருப்பவர்கள், உள்ளூராட்சியாளர்கள் என்ற வகையிலும் பட்டியல்படுத்தப்பட முடியாத அளவுக்கு இம்முறை தேர்தலில் போட்டித் தன்மைகள் விரிந்து நிற்கின்றன. கிழக்கு மாகாணம், திருகோணமலை, மட்டக்களப்பு, அம்பாறை யென்ற மூன்று மாவட்டங்களைக் கொண்டது.
இம்மூன்று மாவட்டங்களிலும் ஒட்டுமொத்தமாக 16, பாராளுமன்ற உறுப்பினர்கள் தெரிவு செய்யப்பட வேண்டும். மாவட்ட ரீதியாக நோக்கின் மட்டக்களப்பு 5, திருகோணமலை 4, அம்பாறை 7 மொத்தமாக 16 உறுப்பினர்கள் பாராளுமன்றுக்கு கிழக்கு மக்களால் தேர்ந்தெடுக்கப்பட வேண்டும். இங்கு மாவட்டந் தோறும் கட்சிகள் மற்றும் சுயேட்சைக்குழுக்களின் எண்ணிக்கைகளைப் பார்ப்போம். திருகோணமலை மாவட்டம் மூன்று தேர்தல் தொகுதிகளைக் கொண்டது. போனஸ் ஆசனம் உட்பட, 4 பாராளுமன்ற உறுப்பினர்கள் தெரிவு செய்யப்பட வேண்டும். 256,852 வாக்காளர்களைக் கொண்ட இம்மாவட்டத்தில் 15 அங்கீகரிக்கப்பட்ட கட்சிகளும் 6 சுயேட்சைக் குழுக்களும் போட்டியிடுகின்றன. 147 வேட்பாளர்கள் களமிறங்கியுள்ளனர்,
இதில் ஆச்சரியப்படக்கூடிய விடயம் என்னவென்றால் இம்முறை தேர்தலில் திருகோணமலை மாவட்டத்தில் முன்னாள் பாராளுமன்ற உறுப்பினர்கள் என்ற அந்தஸ்துடன் ஏழு பேரும் மாகாண சபை உறுப்பினர்கள் என்ற வகையில் மூன்று பேரும் போட்டியிடும் உச்ச நிலையொன்று காணப்படுகிறது.
சிறிது விரிவாகப் பார்ப்போமானால், த.தே. கூட்டமைப்பின் முன்னாள் பாராளுமன்ற உறுப்பினர் இரா. சம்பந்தன், இதே கட்சியைச் சேர்ந்த முன்னாள் பாராளுமன்ற உறுப்பினர் க. துரைரட்ணசிங்கம், பொதுசன ஐக்கிய முன்னணியின் வேட்பாளர்களாக, முன்னாள் பிரதி அமைச்சரும் கிழக்கு மாகாண சபை முதலமைச்சருமான நஜீப் ஏ மஜீத், அதே கட்சியில் முன்னாள் பிரதி அமைச்சர் சுசந்த புஞ்சிநிலமே, ஐக்கிய தேசியக் கட்சியின் பட்டியலில் பிரதி அமைச்சர் மற்றும் முஸ்லிம் காங்கிரஸின் பிரதிநிதியுமான எம்.எஸ். தௌபீக், முன்னாள் திருமலை மாவட்ட பாராளுமன்ற உறுப்பினரும் மாகாண சபை உறுப்பினருமாகிய முஹம்மட் மஃறூப், இதே கட்சியில் முன்னாள் பாராளுமன்ற உறுப்பினர் சுனில் சாந்த மற்றும் மாகாண சபையின் தற்போதைய உறுப்பினரான இம்ரான் மஃறூப்பும் போட்டியிடுகின்றார்கள்.
தொகுப்பிட்டுக் காட்டப் போனால் திருகோணமலை மாவட்டத்தில் த.தே.கூட்டமைப்பு ஐ.தே. கட்சி மற்றும் ஐ.ம. சுதந்திரக் கூட்டமைப்பு ஆகியவற்றிலிருந்து முன்னாள் உறுப்பினர்களே இத் தேர்தலில் களமிறங்கியிருப்பதைக் காணலாம். வாசகர்களின் தெளிவுக்காக கூறுவதானால் திருமலை தேர்தல் தொகுதி தமிழ் மக்களை பெரும்பான்மையாகக் கொண்ட தொகுதி. மூதூர் முஸ்லிம் மக்களையும் சேருவில சிங்கள மக்களையும் பெரும்பான்மையாகக் கொண்ட அத்தொகுதிகளின் வாக்காளர் தொகை பின்வருமாறு அமைந்து காணப்படுகிறது.
திருகோணமலை 86,978 மூதூர் 95,804, சேருவில 74,070 வாக்காளர்களைக் கொண்டது. 5 பாராளுமன்ற உறுப்பினர்களைக் கொண்ட மாவட்டம் மட்டக்களப்பு மாவட்டம். 3,65,167 வாக்காளர் தொகையை கொண்ட இம்மாவட்டத்தில் பட்டிருப்பு தேர்தல் தொகுதி 87,611 வாக்காளர்களையும், கல்குடா 1,05,055, மட்டக்களப்பு 1,72,497 வாக்காளர்களைக் கொண்ட தேர்தல் தொகுதிகள். இம்மாவட்டத்தில் தமிழர்கள் 74 வீதமாகவும் முஸ்லிம் மக்கள் 25.05 வீதமாகவும் சிங்கள மக்கள் 0.5 வீதமாகவும் வாழ்ந்து வருகின்றனர்.
இம்மாவட்டத்தில் இம்முறை 16 பிரதான அரசியல் கட்சிகளும் 30 சுயேட்சைக்குழுக்களும் வேட்பு மனு தாக்கல் செய்துள்ளன. தொகுத்துப் பார்த்தால் 5 உறுப்பினர்களைக் கொண்ட மட்டக்களப்பு மாவட்டத்தில் 388 பேர் போட்டியிடுவதைக் காண முடிகிறது. இம்மாவட்டத்தில் முன்னாள் பாராளுமன்ற உறுப்பினர்கள், மாகாண சபை உறுப்பினர்கள் என்ற வகையில் கணிசமானோர் போட்டியிடுவதை அவதானிக்க முடிகிறது. இப்போட்டியானது பாராளுமன்ற தேர்தலை கடுந்தன்மை ஆக்கியுள்ளதென்றே கூற வேண்டும்.
இம்மாவட்டத்தில் கலைக்கப்பட்ட (2015) பாராளுமன்ற உறுப்பினர்கள் என்ற வகையில் தமிழ்த் தேசியக் கூட்டமைப்பின் பட்டியலில் பொன். செல்வராஜா, சீ. யோகேஸ்வரன், ப. அரியநேத்திரன், ஐ.ம.சு. கூட்டமைப்பின் சார்பில் முன்னாள் பிரதி அமைச்சர் எம்.எல்.ஏ.எம். ஹிஸ்புல்லாஹ், ஐ.தே. கட்சியின் சார்பில் முன்னாள் பிரதி அமைச்சரான எம்.எஸ்.எஸ். அமீர் அலி ஆகியோர் போட்டியிடுகின்றார்கள்.
இதேவேளை 2010 ஆம் ஆண்டுக்கு முன் பாராளுமன்ற உறுப்பினர்களாக இருந்தவர்கள் என்ற வகையில் தமிழ்த் தேசியக் கூட்டமைப்பின் வேட்பாளர் பட்டியலில் ஜி. கருணாகரன் (ரெலோ), ஜி. சௌந்தரராஜன் (ஈரோஸ்), பொதுசன ஐக்கிய முன்னணி பட்டியலில் முன்னாள் பிரதி அமைச்சர் சோ. கணேச மூர்த்தி, ஈ.பி.டி.பி. கட்சி சார்பில் முன்னாள் பாராளுமன்ற உறுப்பினர் அழகையா இராசமாணிக்கம், ஐ.தே. கட்சியின் முன்னாள் பாராளுமன்ற உறுப்பினர் அலி சாஹிர் மௌலானா ஆகியோர் போட்டியிடுகின்றனர்.
இதேபோன்று மாகாண சபை உறுப்பினர் பலரும் போட்டியிடுவது மாகாண சபையிலிருந்து இன்னுமொரு தளத்துக்கு பாயும் முயற்சியாகக் காணப்படுகிறது. தற்போது மாகாண சபையில் பிரதிநிதித்துவப்படுத்திக் கொண்டிருப்போரில் ஐ.ம.சு. கூட்டமைப்பின் சார்பில் கிழக்கு மாகாண முன்னாள் முதலமைச்சரும் தற்போதைய உறுப்பினருமாகிய சிவனேசதுரை சந்திரகாந்தன், எம்.எஸ். சுபைர் ஆகியோரும் முஸ்லிம் காங்கிரஸ் வேட்பாளராக ஷிப்லி பாறூக்கும் போட்டியிடுகின்றார்கள். மாகாண சபையின் முன்னாள் உறுப்பினர் என்ற வகையில் எஸ். ஜவாகிர் சாலி (ஐ.ம.சு. கூ.) போட்டியிடுகின்றார்.
இதேபோன்றதொரு நிலையே அம்பாறை மாவட்டத்திலும் காணப்படுகின்றது. 4,65,757, வாக்காளர் தொகையைக் கொண்ட இம்மாவட்டத்தில் 7 பாராளுமன்ற உறுப்பினர்களைத் தெரிவு செய்வதற்காக 11 பிரதான கட்சிகளையும் 24 சுயேட்சைக் குழுக்களையும் சேர்ந்த 350 வேட்பாளர்கள் போட்டியிடும் நிலை காணப்படுகிறது. நாம் முன்பு குறிப்பிட்டதைப் போல் அம்பாறை மாவட்டத்தின் வேட்பாளர்களாக கலைக்கப்பட்ட பாராளுமன்றத்தில் 7 பேர் போட்டியிடுவதைக் காணலாம்.
முன்னாள் அமைச்சரும் தேசிய காங்கிரஸின் தலைவருமாகிய ஏ.எல்.எம். அதாவுல்லாஹ் ஐ.ம. சுதந்திரக் கூட்டமைப்பிலும், பைசல் ஹாசிம் முஸ்லிம் காங்கிரஸ் சார்பில் ஐ.தே. கட்சியிலும், இதேபோன்று எச்.எம்.எம். ஹரீஸ் ஐ.தே. கட்சியிலும் போட்டியிடுகின்றார்கள். முன்பு ஐ.ம.சு.மு. வில் கேட்டு வெற்றி பெற்ற ரி. தயாரட்ண இம்முறை ஐ.தே. கட்சி பட்டியலிலும் த.தே.கூட்டமைப்பில் போட்டியிட்டு வென்ற பி.எச். பியசேன இம்முறை ஐ.ம.சு. கூட்டமைப்பின் வேட்பாளராகவும் இதே பட்டியலில் சரத் வீரசேகர, சிறியாணி விஜேவிக்கிரம ஆகியோர் கலைக்கப்பட்ட பாராளுமன்றில் உறுப்பினர்களாக இருந்துள்ளனர்.
2010 முன்னுள்ள பாராளுமன்றில் அங்கம் வகித்த விமலவீர திசாநாயக்க, ஐ.ம.சு.கூட்ட மைப்பின் வேட்பாளராகவும் மற்றும் சந்திரதாச ஹலபதி ஐ.தே. கட்சியிலும் போட்டியிடும் அதேவேளை, சந்திரநேரு சந்திரகாந்தன் த.தே.கூட்டமைப்பின் வேட்பாளர் பட்டியலில் இடம்பெற்றுள்ளார். அகில இலங்கை மக்கள் காங்கிரஸ் இம்முறை அம்பாறை மாவட்டத்தில் தனித்து போட்டியிடுகிறது. முன்னாள் பாராளுமன்ற உறுப்பினரும் சிரேஷ்ட பொலிஸ் அத்தியட்சகருமான அப்துல் மஜீத் தலைமை வேட்பாளராக வேட்பு மனுவில் கையொப்பம் இட்டுள்ளார்.
தற்போதுள்ள கிழக்கு மாகாண சபையில் அங்கத்தவர்களாக இருந்து கொண்டிருக்கின்ற சுமார் 5 உறுப்பினர்களும் முன்னாள் உறுப்பினர் ஒருவரும் போட்டியிடும் அளவுக்கு அம்பாறை மாவட்டத்தின் போட்டிகளில் கடும் தன்மைகள் காணப்படுகின்றன. கிழக்கு மாகாண சபையின் சுகாதார அமைச்சராக 2008 ஆம் ஆண்டு முதல் பதவி வகித்து வந்த முஹம்மட் மன்சூர் முஸ்லிம் காங்கிரஸ் சார்பில் ஐ.தே. பட்டியலில் இடம்பெற்றுள்ளார்.
மாகாண கல்வி அமைச்சராக இருந்த விமலவீர திசாநாயக்க ஐ.ம.சு. கூட்டமைப்பிலும் ரி. கலையரசன் த.தே. கூட்டமைப்பின் சார்பிலும் சந்திரதாஸ ஹலபதி மற்றும் தயா ஹமகே ஐக்கிய தேசியக் கட்சி வேட்பாளர்களாகவும் களமிறங்கியுள்ளனர். இதேவேளை கிழக்கு மாகாண விவசாய அமைச்சராக (2008– 2012) து. நவரட்ணராஜா ஐ.ம.சு. கூட்டமைப்பின் பட்டியலில் இடம்பெற்றுள்ளார். இவையொருபுறமிருக்க தேசியப் பட்டியலில் இடம்பெற்றிருப்போரும் கிழக்கு மாகாணத்தில் அதிகமாகவுள்ளனர் என்பதற்கு அ.இ. மக்கள் காங்கிரஸை சேர்ந்த மாகாண சபை உறுப்பினர் ஓ.எம். ஜெமீல் ஐ.தே. கட்சியின் தேசியப் பட்டியலிலும் முன்னாள், வீதிப் போக்குவரத்து அமைச்சராக இருந்த (2008– 2012) தேசிய காங்கிரஸைச் சேர்நத எம்.எஸ். உதுமா லெப்பை ஐ.ம.சு. கூட்டமைப்பின் தேசியப் பட்டியலிலும் முன்மொழியப்பட்டுள்ளன.
கடந்த பாராளுமன்றத்தில் தேசியப் பட்டியல் மூலம் ஐ.ம.சு. கூட்டமைப்பின் பிரதி அமைச்சராக நியமிக்கப்பட்டிருந்த விநாயகமூர்த்தி முரளிதரன் (கருணா அம்மான்) வேட்பாளர் பட்டியலிலும் இடம்பெறவில்லை. தேசிய பட்டியலிலும் சேர்க்கப்படவில்லை. இது பெரும் ஏமாற்றமாகவே பேசப்படுகிறது. இதேபோன்றதொரு நிலைதான் மட்டக்களப்பு மாவட்டத்தில் ஐ.தே.க. பட்டியலில் மு. காங்கிரஸ் சார்பில் தெரிவாகியிருந்த சேகுதாவூத் அவர்களுக்கு மு.கா.பட்டியலிலும் இடம் அளிக்கப்படவில்லை.
கடந்த ஜனாதிபதி தேர்தலில் முன்னாள் ஜனாதிபதி மஹிந்தவை ஆதரித்தவர் என்பது குறிப்பிடத்தக்கது. ஸ்ரீலங்கா முஸ்லிம் காங்கிரஸின் பொதுச் செயலாளர் எம்.ரி. ஹசன் அலி வழமைபோல் இம்முறையும் ஐ.தே.க. வின் தேசியப் பட்டியலில் இடம்பிடித்துள்ளார் இவையெல்லாவற்றையும் நுணுகி அணுகி ஆராய்ந்து பார்க்கின்றபோது வேறு எந்த மாகாணத்திலும் இல்லாத அளவுக்கு கிழக்கு மாகாணத்தில் முன்னாள் இந்நாள் பாராளுமன்ற உறுப்பினர்களும் மாகாண சபை உறுப்பினர்களும் தேர்தல் பட்டியலில் இடம்பெற்றிருப்பதைப் பார்க்கின்றபோது, பாராளுமன்றமென்பது தனது கனதியைக் குறைத்துக் கொண்டு விட்டதா இல்லையாயின் அது தனது சலுகைகளைக் கூட்டிக் கொண்டுவிட்டதா? என்று சந்தேகம் கொள்ள வைக்கிறது.
இந்நிலைமை கிழக்கு மாகாணத்துக்கு மாத்திரமல்ல, ஏனைய மாகாணங்களிலும் இவ்வாதிக்கம் வலுத்துக் கொண்டு போகின்றது என்பதே உண்மை. கிழக்கு மாகாணத்திலுள்ள 16 பாராளுமன்ற உறுப்பினர்களுக்காக 835 வேட்பாளர்கள் பல்வேறு கட்சிகள் சார்பிலும் சுயேட்சைக் குழுக்கள் சார்பிலும் போட்டியிடுவது 15 ஆவது பொதுத் தேர்தலில் ஆச்சரியமான ஒரு விடயம் தான். கிழக்கு மாகாணம் ஏனைய மாகாணங்களை விட மிக வளப்பெருக்கம் கொண்ட மாகாணமாகும். நீர் வளம் நில வளம், கடல் வளம், கட்டு வளம் மற்றும் மூல வளம் ஆகியவற்றில் ஏனைய மாகாணங்ளை விட உயர்ந்த நிலையில் உள்ளதொரு மாகாணமாகும்.
ஒப்பீட்டு ரீதியில் இதன் வளர்ச்சி பின்னிலை கொண்டதாகவே காணப்படுகிறது. கடல் வளத்தை மிகப் பெரியளவில் கொண்டிருக்கும் இம் மாகாணத்தின் கடல் வளங்களோ, கனி வளங்களோ இந்த மாகாணத்தின் பிரதேச அபிவிருத்திக்கு உதவும் வீதம் ஒப்பீட்டு அளவில் குறைவுத் தன்மை கொண்டதே. நெல் விளையும் பொற்பூமியென்று வர்ணிக்கப்படுகின்றபோதும், ஒரு காகித ஆலைக்குப் பின்னோ, கந்தளாய் சீனி ஆலைக்குப் பின்னோ, கனரகமான கைத்தொழில் சாலைகள் நிறுவப்படவுமில்லை.
மாவட்ட சபை முறை வந்து அதன் பின்னே மாகாண சபை உருவாக்கப்பட்டபோதும் மக்களின் வருமானத்தில் எவ்வித எழுச்சியுமில்லை. வாழ்க்கைத் தரத்தில் உயர்ச்சியுமில்லை. இலட்சக்கணக்கான இளைஞர்களும் யுவதிகளும் வேலை வாய்ப்பற்று பயன்பட முடியாத மனித மூலதனங்களாக உதிரிகளாக திரியும் அவலங்களைக் காணுகின்றோம். ஆனால் முடிந்துபோன 14 தேர்தல்களிலும் எத்தனையோ பாராளுமன்ற உறுப்பினர்களும் அமைச்சர்களும் பாராளுமன்றத்தை அலங்கரித்து சென்று விட்டார்கள்.
மாகாணமோ, பிரதேசமோ அடைந்த பெறுமானம் என்ன என ஆராய்ந்து பார்ப்பின் அடைபெறுமானம் பூஜ்ஜியமாகவே இருக்கிறது. நகர சபைகளிலிருந்து மாநகர சபைகளிலிருந்தும் பதவி உயர்வு பெற்று மாகாண சபைக்கும் மாகாண சபையிலிருந்து பாராளுமன்றுக்கும் இலக்கு வைக்கும் அரசியல் ஆர்வலர்கள் அந்த அரசியலை மக்களின் அபிலாசைகளை நிறைவேற்றும் அரங்கமாக பாவிக்கும் உயர்ந்த நுட்பத்தை மறந்துபோய் குடும்ப வட்டத்துக்குள் அடைப்பட்டுப் போகும் நிலை மாற வேண்டும்.
இலங்கையின் சனத் தொகையிலும் வேட்பாளர் தொகையிலும் பெண்கள் அதிகமாக இருக்கின்றபோதும் வேட்பாளர் பட்டியலில் பெண்களின் பங்களிப்பு குறைவாக காணப்படுவதுபோல், கிழக்கிலும் இந்நிலை பலவீனமாகவே காணப்படுகிறது.
இவ்வளவு பெருந்தொகையான கட்சிகள் வேட்பாளர்கள் சுயேட்சையாளர்கள் ஏன் போட்டியிடுகின்றார்கள் என்பது, புரியாத புதிராகவே இருக்கின்றது. மேலை நாடுகள் என்று அழைக்கப்படும் அமெரிக்கா பிரித்தானியா, கனடா எனும் வளர்ச்சி அடைந்த ஜனநாயக முறை நாடுகளைப் போல் போட்டியிடும் கட்சிகள் சுயேட்சையாளர்களின் எண்ணிக்கை குறைக்கும் முறையொன்றை வகுத்து காத்திரமான தேர்தல் முறையொன்றுக்கு எம்மைப் போன்ற சிறு நாடுகள் கொண்டு செல்லப்படுவதன் மூலமே மக்களுக்கும் கட்சிக்கும் பாராளுமன்ற உறுப்பினர்களுக்கும் மக்களுக்கும் இடையேயுள்ள நெருக்க நிலை அதிகரிக்க முடியும்.
எல்லோரும் இந்நாட்டு மன்னர் என்பது போல் எல்லோரும் வேட்பாளர்கள் என்ற முறை தேவைதானா என்பதை மக்களே முடிவு எடுக்க வேண்டிவரும்.
கிழக்கு மாகாண தேர்தலை சூடுபிடிக்க வைத்திருப்பதுடன் வாக்காளர்களாகி பொது மக்களுக்கு அதிர்ச்சியூட்டும் தேர்தலாக 15 ஆவது பாராளுமன்ற தேர்தல் ஆகியிருக்கிறது.
எந்த கட்சியைச் சேர்ந்த எந்த வேட்பாளருக்கு வாக்களிப்பது, எக்கட்சிக்கு தமது ஆதரவை நல்குவது யார் ஆற்றல் உள்ளவர்கள் யாருக்கு வாக்களித்தால் தமது பிரதேசமும் தாமும் நன்மை பெற முடியும், அனுகூலமாக இருக்குமென்ற தீர்மானங்களை எடுப்பதிலும் முடிவை அணுகுவதிலும் கிழக்கு மாகாண மக்கள் ஒரு தர்ம சங்கடமான சூழ்நிலைக்கு தள்ளப்பட்டிருக்கின்றார்கள் என்பதே உண்மை. கடந்த 14 தேர்தல்களிலும் அனுபவிக்காத புதிய அனுபவத்தை நடைபெறவுள்ள தேர்தலில் கண்டு கொண்டிருக்கிறார்கள் என்பது அவர்கள் வாயிலாகவே சொல்லப்படுகின்ற விடயமாகும்.
முன்னாள் பாராளுமன்ற உறுப்பினர்களாக இருந்தவர்கள் அமைச்சர் பதவியை வகித்தவர்கள், மாகாண சபை அனுபவங்களைக் கொண்டவர்கள், தற்பொழுது மாகாண சபையை மக்கள் பிரதிநிதிகளாக அலங்கரித்துக் கொண்டிருப்பவர்கள், உள்ளூராட்சியாளர்கள் என்ற வகையிலும் பட்டியல்படுத்தப்பட முடியாத அளவுக்கு இம்முறை தேர்தலில் போட்டித் தன்மைகள் விரிந்து நிற்கின்றன. கிழக்கு மாகாணம், திருகோணமலை, மட்டக்களப்பு, அம்பாறை யென்ற மூன்று மாவட்டங்களைக் கொண்டது.
இம்மூன்று மாவட்டங்களிலும் ஒட்டுமொத்தமாக 16, பாராளுமன்ற உறுப்பினர்கள் தெரிவு செய்யப்பட வேண்டும். மாவட்ட ரீதியாக நோக்கின் மட்டக்களப்பு 5, திருகோணமலை 4, அம்பாறை 7 மொத்தமாக 16 உறுப்பினர்கள் பாராளுமன்றுக்கு கிழக்கு மக்களால் தேர்ந்தெடுக்கப்பட வேண்டும். இங்கு மாவட்டந் தோறும் கட்சிகள் மற்றும் சுயேட்சைக்குழுக்களின் எண்ணிக்கைகளைப் பார்ப்போம். திருகோணமலை மாவட்டம் மூன்று தேர்தல் தொகுதிகளைக் கொண்டது. போனஸ் ஆசனம் உட்பட, 4 பாராளுமன்ற உறுப்பினர்கள் தெரிவு செய்யப்பட வேண்டும். 256,852 வாக்காளர்களைக் கொண்ட இம்மாவட்டத்தில் 15 அங்கீகரிக்கப்பட்ட கட்சிகளும் 6 சுயேட்சைக் குழுக்களும் போட்டியிடுகின்றன. 147 வேட்பாளர்கள் களமிறங்கியுள்ளனர்,
இதில் ஆச்சரியப்படக்கூடிய விடயம் என்னவென்றால் இம்முறை தேர்தலில் திருகோணமலை மாவட்டத்தில் முன்னாள் பாராளுமன்ற உறுப்பினர்கள் என்ற அந்தஸ்துடன் ஏழு பேரும் மாகாண சபை உறுப்பினர்கள் என்ற வகையில் மூன்று பேரும் போட்டியிடும் உச்ச நிலையொன்று காணப்படுகிறது.
சிறிது விரிவாகப் பார்ப்போமானால், த.தே. கூட்டமைப்பின் முன்னாள் பாராளுமன்ற உறுப்பினர் இரா. சம்பந்தன், இதே கட்சியைச் சேர்ந்த முன்னாள் பாராளுமன்ற உறுப்பினர் க. துரைரட்ணசிங்கம், பொதுசன ஐக்கிய முன்னணியின் வேட்பாளர்களாக, முன்னாள் பிரதி அமைச்சரும் கிழக்கு மாகாண சபை முதலமைச்சருமான நஜீப் ஏ மஜீத், அதே கட்சியில் முன்னாள் பிரதி அமைச்சர் சுசந்த புஞ்சிநிலமே, ஐக்கிய தேசியக் கட்சியின் பட்டியலில் பிரதி அமைச்சர் மற்றும் முஸ்லிம் காங்கிரஸின் பிரதிநிதியுமான எம்.எஸ். தௌபீக், முன்னாள் திருமலை மாவட்ட பாராளுமன்ற உறுப்பினரும் மாகாண சபை உறுப்பினருமாகிய முஹம்மட் மஃறூப், இதே கட்சியில் முன்னாள் பாராளுமன்ற உறுப்பினர் சுனில் சாந்த மற்றும் மாகாண சபையின் தற்போதைய உறுப்பினரான இம்ரான் மஃறூப்பும் போட்டியிடுகின்றார்கள்.
தொகுப்பிட்டுக் காட்டப் போனால் திருகோணமலை மாவட்டத்தில் த.தே.கூட்டமைப்பு ஐ.தே. கட்சி மற்றும் ஐ.ம. சுதந்திரக் கூட்டமைப்பு ஆகியவற்றிலிருந்து முன்னாள் உறுப்பினர்களே இத் தேர்தலில் களமிறங்கியிருப்பதைக் காணலாம். வாசகர்களின் தெளிவுக்காக கூறுவதானால் திருமலை தேர்தல் தொகுதி தமிழ் மக்களை பெரும்பான்மையாகக் கொண்ட தொகுதி. மூதூர் முஸ்லிம் மக்களையும் சேருவில சிங்கள மக்களையும் பெரும்பான்மையாகக் கொண்ட அத்தொகுதிகளின் வாக்காளர் தொகை பின்வருமாறு அமைந்து காணப்படுகிறது.
திருகோணமலை 86,978 மூதூர் 95,804, சேருவில 74,070 வாக்காளர்களைக் கொண்டது. 5 பாராளுமன்ற உறுப்பினர்களைக் கொண்ட மாவட்டம் மட்டக்களப்பு மாவட்டம். 3,65,167 வாக்காளர் தொகையை கொண்ட இம்மாவட்டத்தில் பட்டிருப்பு தேர்தல் தொகுதி 87,611 வாக்காளர்களையும், கல்குடா 1,05,055, மட்டக்களப்பு 1,72,497 வாக்காளர்களைக் கொண்ட தேர்தல் தொகுதிகள். இம்மாவட்டத்தில் தமிழர்கள் 74 வீதமாகவும் முஸ்லிம் மக்கள் 25.05 வீதமாகவும் சிங்கள மக்கள் 0.5 வீதமாகவும் வாழ்ந்து வருகின்றனர்.
இம்மாவட்டத்தில் இம்முறை 16 பிரதான அரசியல் கட்சிகளும் 30 சுயேட்சைக்குழுக்களும் வேட்பு மனு தாக்கல் செய்துள்ளன. தொகுத்துப் பார்த்தால் 5 உறுப்பினர்களைக் கொண்ட மட்டக்களப்பு மாவட்டத்தில் 388 பேர் போட்டியிடுவதைக் காண முடிகிறது. இம்மாவட்டத்தில் முன்னாள் பாராளுமன்ற உறுப்பினர்கள், மாகாண சபை உறுப்பினர்கள் என்ற வகையில் கணிசமானோர் போட்டியிடுவதை அவதானிக்க முடிகிறது. இப்போட்டியானது பாராளுமன்ற தேர்தலை கடுந்தன்மை ஆக்கியுள்ளதென்றே கூற வேண்டும்.
இம்மாவட்டத்தில் கலைக்கப்பட்ட (2015) பாராளுமன்ற உறுப்பினர்கள் என்ற வகையில் தமிழ்த் தேசியக் கூட்டமைப்பின் பட்டியலில் பொன். செல்வராஜா, சீ. யோகேஸ்வரன், ப. அரியநேத்திரன், ஐ.ம.சு. கூட்டமைப்பின் சார்பில் முன்னாள் பிரதி அமைச்சர் எம்.எல்.ஏ.எம். ஹிஸ்புல்லாஹ், ஐ.தே. கட்சியின் சார்பில் முன்னாள் பிரதி அமைச்சரான எம்.எஸ்.எஸ். அமீர் அலி ஆகியோர் போட்டியிடுகின்றார்கள்.
இதேவேளை 2010 ஆம் ஆண்டுக்கு முன் பாராளுமன்ற உறுப்பினர்களாக இருந்தவர்கள் என்ற வகையில் தமிழ்த் தேசியக் கூட்டமைப்பின் வேட்பாளர் பட்டியலில் ஜி. கருணாகரன் (ரெலோ), ஜி. சௌந்தரராஜன் (ஈரோஸ்), பொதுசன ஐக்கிய முன்னணி பட்டியலில் முன்னாள் பிரதி அமைச்சர் சோ. கணேச மூர்த்தி, ஈ.பி.டி.பி. கட்சி சார்பில் முன்னாள் பாராளுமன்ற உறுப்பினர் அழகையா இராசமாணிக்கம், ஐ.தே. கட்சியின் முன்னாள் பாராளுமன்ற உறுப்பினர் அலி சாஹிர் மௌலானா ஆகியோர் போட்டியிடுகின்றனர்.
இதேபோன்று மாகாண சபை உறுப்பினர் பலரும் போட்டியிடுவது மாகாண சபையிலிருந்து இன்னுமொரு தளத்துக்கு பாயும் முயற்சியாகக் காணப்படுகிறது. தற்போது மாகாண சபையில் பிரதிநிதித்துவப்படுத்திக் கொண்டிருப்போரில் ஐ.ம.சு. கூட்டமைப்பின் சார்பில் கிழக்கு மாகாண முன்னாள் முதலமைச்சரும் தற்போதைய உறுப்பினருமாகிய சிவனேசதுரை சந்திரகாந்தன், எம்.எஸ். சுபைர் ஆகியோரும் முஸ்லிம் காங்கிரஸ் வேட்பாளராக ஷிப்லி பாறூக்கும் போட்டியிடுகின்றார்கள். மாகாண சபையின் முன்னாள் உறுப்பினர் என்ற வகையில் எஸ். ஜவாகிர் சாலி (ஐ.ம.சு. கூ.) போட்டியிடுகின்றார்.
இதேபோன்றதொரு நிலையே அம்பாறை மாவட்டத்திலும் காணப்படுகின்றது. 4,65,757, வாக்காளர் தொகையைக் கொண்ட இம்மாவட்டத்தில் 7 பாராளுமன்ற உறுப்பினர்களைத் தெரிவு செய்வதற்காக 11 பிரதான கட்சிகளையும் 24 சுயேட்சைக் குழுக்களையும் சேர்ந்த 350 வேட்பாளர்கள் போட்டியிடும் நிலை காணப்படுகிறது. நாம் முன்பு குறிப்பிட்டதைப் போல் அம்பாறை மாவட்டத்தின் வேட்பாளர்களாக கலைக்கப்பட்ட பாராளுமன்றத்தில் 7 பேர் போட்டியிடுவதைக் காணலாம்.
முன்னாள் அமைச்சரும் தேசிய காங்கிரஸின் தலைவருமாகிய ஏ.எல்.எம். அதாவுல்லாஹ் ஐ.ம. சுதந்திரக் கூட்டமைப்பிலும், பைசல் ஹாசிம் முஸ்லிம் காங்கிரஸ் சார்பில் ஐ.தே. கட்சியிலும், இதேபோன்று எச்.எம்.எம். ஹரீஸ் ஐ.தே. கட்சியிலும் போட்டியிடுகின்றார்கள். முன்பு ஐ.ம.சு.மு. வில் கேட்டு வெற்றி பெற்ற ரி. தயாரட்ண இம்முறை ஐ.தே. கட்சி பட்டியலிலும் த.தே.கூட்டமைப்பில் போட்டியிட்டு வென்ற பி.எச். பியசேன இம்முறை ஐ.ம.சு. கூட்டமைப்பின் வேட்பாளராகவும் இதே பட்டியலில் சரத் வீரசேகர, சிறியாணி விஜேவிக்கிரம ஆகியோர் கலைக்கப்பட்ட பாராளுமன்றில் உறுப்பினர்களாக இருந்துள்ளனர்.
2010 முன்னுள்ள பாராளுமன்றில் அங்கம் வகித்த விமலவீர திசாநாயக்க, ஐ.ம.சு.கூட்ட மைப்பின் வேட்பாளராகவும் மற்றும் சந்திரதாச ஹலபதி ஐ.தே. கட்சியிலும் போட்டியிடும் அதேவேளை, சந்திரநேரு சந்திரகாந்தன் த.தே.கூட்டமைப்பின் வேட்பாளர் பட்டியலில் இடம்பெற்றுள்ளார். அகில இலங்கை மக்கள் காங்கிரஸ் இம்முறை அம்பாறை மாவட்டத்தில் தனித்து போட்டியிடுகிறது. முன்னாள் பாராளுமன்ற உறுப்பினரும் சிரேஷ்ட பொலிஸ் அத்தியட்சகருமான அப்துல் மஜீத் தலைமை வேட்பாளராக வேட்பு மனுவில் கையொப்பம் இட்டுள்ளார்.
தற்போதுள்ள கிழக்கு மாகாண சபையில் அங்கத்தவர்களாக இருந்து கொண்டிருக்கின்ற சுமார் 5 உறுப்பினர்களும் முன்னாள் உறுப்பினர் ஒருவரும் போட்டியிடும் அளவுக்கு அம்பாறை மாவட்டத்தின் போட்டிகளில் கடும் தன்மைகள் காணப்படுகின்றன. கிழக்கு மாகாண சபையின் சுகாதார அமைச்சராக 2008 ஆம் ஆண்டு முதல் பதவி வகித்து வந்த முஹம்மட் மன்சூர் முஸ்லிம் காங்கிரஸ் சார்பில் ஐ.தே. பட்டியலில் இடம்பெற்றுள்ளார்.
மாகாண கல்வி அமைச்சராக இருந்த விமலவீர திசாநாயக்க ஐ.ம.சு. கூட்டமைப்பிலும் ரி. கலையரசன் த.தே. கூட்டமைப்பின் சார்பிலும் சந்திரதாஸ ஹலபதி மற்றும் தயா ஹமகே ஐக்கிய தேசியக் கட்சி வேட்பாளர்களாகவும் களமிறங்கியுள்ளனர். இதேவேளை கிழக்கு மாகாண விவசாய அமைச்சராக (2008– 2012) து. நவரட்ணராஜா ஐ.ம.சு. கூட்டமைப்பின் பட்டியலில் இடம்பெற்றுள்ளார். இவையொருபுறமிருக்க தேசியப் பட்டியலில் இடம்பெற்றிருப்போரும் கிழக்கு மாகாணத்தில் அதிகமாகவுள்ளனர் என்பதற்கு அ.இ. மக்கள் காங்கிரஸை சேர்ந்த மாகாண சபை உறுப்பினர் ஓ.எம். ஜெமீல் ஐ.தே. கட்சியின் தேசியப் பட்டியலிலும் முன்னாள், வீதிப் போக்குவரத்து அமைச்சராக இருந்த (2008– 2012) தேசிய காங்கிரஸைச் சேர்நத எம்.எஸ். உதுமா லெப்பை ஐ.ம.சு. கூட்டமைப்பின் தேசியப் பட்டியலிலும் முன்மொழியப்பட்டுள்ளன.
கடந்த பாராளுமன்றத்தில் தேசியப் பட்டியல் மூலம் ஐ.ம.சு. கூட்டமைப்பின் பிரதி அமைச்சராக நியமிக்கப்பட்டிருந்த விநாயகமூர்த்தி முரளிதரன் (கருணா அம்மான்) வேட்பாளர் பட்டியலிலும் இடம்பெறவில்லை. தேசிய பட்டியலிலும் சேர்க்கப்படவில்லை. இது பெரும் ஏமாற்றமாகவே பேசப்படுகிறது. இதேபோன்றதொரு நிலைதான் மட்டக்களப்பு மாவட்டத்தில் ஐ.தே.க. பட்டியலில் மு. காங்கிரஸ் சார்பில் தெரிவாகியிருந்த சேகுதாவூத் அவர்களுக்கு மு.கா.பட்டியலிலும் இடம் அளிக்கப்படவில்லை.
கடந்த ஜனாதிபதி தேர்தலில் முன்னாள் ஜனாதிபதி மஹிந்தவை ஆதரித்தவர் என்பது குறிப்பிடத்தக்கது. ஸ்ரீலங்கா முஸ்லிம் காங்கிரஸின் பொதுச் செயலாளர் எம்.ரி. ஹசன் அலி வழமைபோல் இம்முறையும் ஐ.தே.க. வின் தேசியப் பட்டியலில் இடம்பிடித்துள்ளார் இவையெல்லாவற்றையும் நுணுகி அணுகி ஆராய்ந்து பார்க்கின்றபோது வேறு எந்த மாகாணத்திலும் இல்லாத அளவுக்கு கிழக்கு மாகாணத்தில் முன்னாள் இந்நாள் பாராளுமன்ற உறுப்பினர்களும் மாகாண சபை உறுப்பினர்களும் தேர்தல் பட்டியலில் இடம்பெற்றிருப்பதைப் பார்க்கின்றபோது, பாராளுமன்றமென்பது தனது கனதியைக் குறைத்துக் கொண்டு விட்டதா இல்லையாயின் அது தனது சலுகைகளைக் கூட்டிக் கொண்டுவிட்டதா? என்று சந்தேகம் கொள்ள வைக்கிறது.
இந்நிலைமை கிழக்கு மாகாணத்துக்கு மாத்திரமல்ல, ஏனைய மாகாணங்களிலும் இவ்வாதிக்கம் வலுத்துக் கொண்டு போகின்றது என்பதே உண்மை. கிழக்கு மாகாணத்திலுள்ள 16 பாராளுமன்ற உறுப்பினர்களுக்காக 835 வேட்பாளர்கள் பல்வேறு கட்சிகள் சார்பிலும் சுயேட்சைக் குழுக்கள் சார்பிலும் போட்டியிடுவது 15 ஆவது பொதுத் தேர்தலில் ஆச்சரியமான ஒரு விடயம் தான். கிழக்கு மாகாணம் ஏனைய மாகாணங்களை விட மிக வளப்பெருக்கம் கொண்ட மாகாணமாகும். நீர் வளம் நில வளம், கடல் வளம், கட்டு வளம் மற்றும் மூல வளம் ஆகியவற்றில் ஏனைய மாகாணங்ளை விட உயர்ந்த நிலையில் உள்ளதொரு மாகாணமாகும்.
ஒப்பீட்டு ரீதியில் இதன் வளர்ச்சி பின்னிலை கொண்டதாகவே காணப்படுகிறது. கடல் வளத்தை மிகப் பெரியளவில் கொண்டிருக்கும் இம் மாகாணத்தின் கடல் வளங்களோ, கனி வளங்களோ இந்த மாகாணத்தின் பிரதேச அபிவிருத்திக்கு உதவும் வீதம் ஒப்பீட்டு அளவில் குறைவுத் தன்மை கொண்டதே. நெல் விளையும் பொற்பூமியென்று வர்ணிக்கப்படுகின்றபோதும், ஒரு காகித ஆலைக்குப் பின்னோ, கந்தளாய் சீனி ஆலைக்குப் பின்னோ, கனரகமான கைத்தொழில் சாலைகள் நிறுவப்படவுமில்லை.
மாவட்ட சபை முறை வந்து அதன் பின்னே மாகாண சபை உருவாக்கப்பட்டபோதும் மக்களின் வருமானத்தில் எவ்வித எழுச்சியுமில்லை. வாழ்க்கைத் தரத்தில் உயர்ச்சியுமில்லை. இலட்சக்கணக்கான இளைஞர்களும் யுவதிகளும் வேலை வாய்ப்பற்று பயன்பட முடியாத மனித மூலதனங்களாக உதிரிகளாக திரியும் அவலங்களைக் காணுகின்றோம். ஆனால் முடிந்துபோன 14 தேர்தல்களிலும் எத்தனையோ பாராளுமன்ற உறுப்பினர்களும் அமைச்சர்களும் பாராளுமன்றத்தை அலங்கரித்து சென்று விட்டார்கள்.
மாகாணமோ, பிரதேசமோ அடைந்த பெறுமானம் என்ன என ஆராய்ந்து பார்ப்பின் அடைபெறுமானம் பூஜ்ஜியமாகவே இருக்கிறது. நகர சபைகளிலிருந்து மாநகர சபைகளிலிருந்தும் பதவி உயர்வு பெற்று மாகாண சபைக்கும் மாகாண சபையிலிருந்து பாராளுமன்றுக்கும் இலக்கு வைக்கும் அரசியல் ஆர்வலர்கள் அந்த அரசியலை மக்களின் அபிலாசைகளை நிறைவேற்றும் அரங்கமாக பாவிக்கும் உயர்ந்த நுட்பத்தை மறந்துபோய் குடும்ப வட்டத்துக்குள் அடைப்பட்டுப் போகும் நிலை மாற வேண்டும்.
இலங்கையின் சனத் தொகையிலும் வேட்பாளர் தொகையிலும் பெண்கள் அதிகமாக இருக்கின்றபோதும் வேட்பாளர் பட்டியலில் பெண்களின் பங்களிப்பு குறைவாக காணப்படுவதுபோல், கிழக்கிலும் இந்நிலை பலவீனமாகவே காணப்படுகிறது.
இவ்வளவு பெருந்தொகையான கட்சிகள் வேட்பாளர்கள் சுயேட்சையாளர்கள் ஏன் போட்டியிடுகின்றார்கள் என்பது, புரியாத புதிராகவே இருக்கின்றது. மேலை நாடுகள் என்று அழைக்கப்படும் அமெரிக்கா பிரித்தானியா, கனடா எனும் வளர்ச்சி அடைந்த ஜனநாயக முறை நாடுகளைப் போல் போட்டியிடும் கட்சிகள் சுயேட்சையாளர்களின் எண்ணிக்கை குறைக்கும் முறையொன்றை வகுத்து காத்திரமான தேர்தல் முறையொன்றுக்கு எம்மைப் போன்ற சிறு நாடுகள் கொண்டு செல்லப்படுவதன் மூலமே மக்களுக்கும் கட்சிக்கும் பாராளுமன்ற உறுப்பினர்களுக்கும் மக்களுக்கும் இடையேயுள்ள நெருக்க நிலை அதிகரிக்க முடியும்.
எல்லோரும் இந்நாட்டு மன்னர் என்பது போல் எல்லோரும் வேட்பாளர்கள் என்ற முறை தேவைதானா என்பதை மக்களே முடிவு எடுக்க வேண்டிவரும்.
