பாம்பின் தலையை நசுக்கிய நிலையே மஹிந்த விடயத்தில் ஏற்பட்டுள்ளது! என்கிறார் சம்பிக்க

எதிர்­வரும் பொதுத் தேர்தலுக்குப் பின்­னரும் அனைத்துக் கட்­சி­களும் இணைந்து நல்­லாட்­சியை ஏற்­ப­டுத்­த வேண்டும் என்று நல்­லாட்­சிக்­கான ஐக்­கிய தேசிய முன்­னணி அழைப்பு விடுத்துள்ளது.

பாம்பின் தலையை நசுக்­கு­வதால் அது இறந்­து­வி­டாது. அதன் உயிர் ஊச­லாடிக்கொண்­டி­ருக்கும். அதே­போன்று தான் இன்று மஹிந்­தவின் நிலைமை காணப்­ப­டு­கின்­றது. எனவே முழு­மை­யாக அர­சி­யலில் இருந்து மஹிந்த துடைத்­தெ­றி­யப்­பட வேண்டும் என்றும் அம் முன்­னணி தெரிவித்தது.

பத்­த­ர­முல்­லை­யி­லுள்ள வோட்டர்ஸ் வெரட்ஜ்" ஹோட்­டலில் நடை­பெற்ற நல்­லாட்ச்­சிக்­கான ஐக்­கிய தேசிய முன்­ன­ணியின் ஊட­க­வி­ய­லாளர் மாநாட்­டில் அதன் கொழும்பு மாவட்ட வேட்பாளர் சம்பிக்க ரணவக்க மேற்கண்டவிடையங்களை குறிப்பிட்டார்.

அவர் மேலும் குறிப்பிடுகையில்

எதிர்­வரும் பொதுத் தோ்தலில் நல்­லாட்­சிக்­கான ஐக்­கிய தேசிய முன்­னணி பெரும்­பான்­மையை பலத்தை வெற்றி பெற்று ஆட்­சி­ய­மைப்­பது நிச்­ச­ய­மாகும். ஆனால் தேர்தலுக்கு பின்னர் அனைத்து அர­சியல் கட்­சி­களும் இணைந்து கூட்­டணி ஆட்­சி­ய­மைப்­பது தொடர்­பிலும் ஆரா­யப்­படும். அதற்­காக அனைத்து கட்­சி­க­ளுக்கும் அழைப்பு விடுக்­கிறோம்.

கடந்த காலங்­களில் வறு­மையை அர­சி­ய­லாக்கி சமுர்த்தி கொடுப்­ப­னவு பொறுவோரை மனிதக் கேட­ய­கங்­க­ளாக்­கியே ஜனா­தி­பதித் தேர்தலில் பஷி­லினால் மஹிந்­த­வுக்கு 57 இலட்சம் வாக்­குகள் பெற்றுக்கொடுக்கப்பட்டன. இம் முறை பொதுத் தோ்தலில் இந்த விளை­யாட்­டு­க­ளுக்கு எல்லாம் இடமில்லை. நியா­ய­மான நீதி­யான தேர்தல் நடை­பெ­ற­வுள்­ளது எனவே மஹிந்­த­வுக்கும் அவர் ஆத­ரவு அணிக்கும் இந்த தேர்தலில் வெற்றி பெற்று காட்­டு­மாறு சவால் விடுக்­கின்றோம்.

ஜனா­தி­பதி 62 இலட்சம் மக்கள் வழங்­கிய ஆணை­க­ளுக்கு மதிப்­ப­ளித்து, மஹிந்­தவை நிரா­க­ரித்­துள்ளார். இதனை வர­வேற்­கின்றோம். எமது முன்­ன­ணியை எதிர்­கா­லத்தில் அர­சியல் கட்­சி­யாக பதிவு செய்வோம். அதன் பின்னர் பாரா­ளு­மன்­றத்தில் ஸ்திர­மான ஆட்­சியை நிலை நிறுத்திக் கொள்­வ­தோடு, ஜனா­தி­பதி மைத்­தி­ரி­பால சிறி­சே­னவை எமது முன்­ன­ணியின் தலை­வ­ராக்­குவோம். இப்­போதே இது தொடர்பாக எத­னையும் கூற முடி­யாது.

ஜனா­தி­ப­தியின் விசேட உரைக்குப் பின்னர் மஹிந்­தவின் புகைப்­ப­டத்தைக் காட்டி வாக்­கு­களை கொள்­ளை­ய­டித்து பாரா­ளு­மன்றம் வரக் கனவு காண்­ப­வர்கள் இன்று திசைத் தடு­மாறி போயுள்­ளனர். அன்று சமஷ்டி முறையை ஆத­ரித்த பிர­தமர் ரணில் விக்­கி­ர­ம­சிங்­கவை இன்று ஒற்­றை­யாட்சி முறையை ஏற்றுக் கொள்ள செய்­துள்ளோம். இது எமக்கு கிடைத்த வெற்­றி­யாகும் என்றார்.

செய்தியாளர் சந்திப்பில் கருத்து வெளியிட்ட நிஷாந்த ஸ்ரீ வர்ணசிங்க குறிப்பிடுகையில்,பாம்பின் தலையை நசுக்­கு­வதால் மட்டும் பாம்பு இறந்­து­வி­டாது. அதன் உயிர் ஊச­லாடிக் கொண்­டுதான் இருக்கும் வாலும் உடம்பும் உயிர்ப்­புடன் இருக்கும், அதே­போன்­றுதான் மஹிந்­தவின் நிலை. இன்று உயிர் ஊச­லாடிக் கொண்­டி­ருக்­கின்­றது. அதனை மீண்டும் தலை­தூக்க இட­ம­ளிக்க முடி­யாது.

மஹிந்த ராஜ­பக்ஷ ஜனாதிபதி மைத்திரிபால சிறிசேனவை பணயக்கைதியாக்க முயற்சித்தார். ஆனால் இன்று அது தோல்வி கண்டுள்ளது. ஜனவரி 8 ஆம் திகதி பெற்றுக் கொண்ட ஜனநாயக வெற்றியை மீள திருப்ப எந்தவொரு சக்திக்கும் இடமளிக்க மாட்டோம் என்றார்.