கைதாவாரா கோத்தா?

கடந்த ஜன­வரி மாதம் இடம்­பெற்ற ஜனா­தி­பதி தேர்த­லு க்கு பின்னர் நாட்டில் இடம்­பெற்று வந்த பல்­வேறு ரக­சி­யங்கள் வெளிச்­சத்­துக்கு வர ஆரம்பித்து விட்­டன. அந்த வரி­சையில் முதன் முதலில் வெளி­யான ரக­சி­யங்­களின் பட்டிய லில்இரு ஆயுத களஞ்­சி­ய­சாலைகள் தொடர்­பி­லான விப­ரங்கள் பிரதான­மா­ன­வை­யாகும்.

ஒன்று காலி துறை முகத்தில் நங்­கூ­ர­மி­டப்­பட்­டி­ருந்த மஹ­நு­வர என்ற கப்பலில் இருந்த எவன் கார்ட் என்ற மிதக்கும் ஆயுத களஞ்­சி­ய­சாலை மற்றையது கொழும்பு பண்­டா­ர­நா­யக்க சர்­வ­தேச மாநாட்டு மண்­டப அறையொன் றில் இருந்த ரக்ன லங்கா தனியார் ஆயுத களஞ்­சி­ய­சாலை தொடர்­பான தக­வல்­க­ளாகும்.

இந்த இரு ஆயுத களஞ்­சி­யங்கள் தொடர்­பிலும் பல்­வேறு கதைகள் உலா­வரும் நிலையில் அது தொடர்பில் விசா­ர­ணைகள் இறு­திக்­கட்­டத்தை அடைந்துள்ளன.

கடந்த ஜன­வரி மாதம் காலி பிரதிப் பொலிஸ் மா அதிபர் எம்.எஸ்.கே. டி. குணவர்த்­த­னவை தொலை­பே­சியில் அழைத்த நபர் ஒருவர் மிதக்கும் ஆயுத களஞ்­சியம் தொடர்­பி­லான முதன்மைத் தக­வலை வழங்­கி­யி­ருந்தார். இதனை­ய­டுத்தே பிரதிப் பொலிஸ் மா அதிபர் குண­வர்த்­த­ன வின் கீழான விசேட குழு விசா­ர­ணை­களை ஆரம்­பித்­தது.

அந்த குழு­வா­னது குறித்த கப்­பலில் இருந்து 12 கொள்­க­லன்­களில் அடைக்­கப்­பட்­டி­ருந்த 3000 இற்கும் அதி­க­மான ஆயு­தங்­களை கண்­ட­றிந்த நிலையில் விசா­ர­ணை­களைத் தொடர்ந்­தது.

இந்­நி­லையில் தான் கொழும்பு பண்­டா­ர­நா­யக்க ஞாபகார்த்த சர்­வ­தேச மாநாட்டு மண்­ட­பத்தில் இயங்கி வந்த ரக்ன லங்கா பாது­காப்பு நிறு­வ­னத்தின் ஆயுத களஞ்­சி­ய­சா­லையும் சோத­னைக்கு உள்­ளா­னது.

கறு­வாத்­தோட்டம் பொலிஸ் நிலை­யத்தில் கோட்டே மாந­கர சபையின் ஜாதிக ஹெல உறு­மய உறுப்­பினர் லியன கமகே தயா­ரத்ன செய்த முறைப்­பாட்­டுக்கு அமை­வாக முன்­னெ­டுக்­கப்­பட்ட விசா­ர­ணை­க­ளி­லேயே இந்த ஆயுத களஞ்­சி­ய­சாலை நீதி­மன்ற அனு­ம­தியின் பிர­காரம் ஆரம்­பத் தில் சீல் வைக்­க ப்­பட்­ட­துடன் பின்னர் திறந்து சோத­னை­யி­டப்­பட்­டது.

கொழும்பு தெற்­குக்குப் பொறுப்­பான உதவி பொலிஸ் அத்­தி­யட்சர் ரொஷான் டயஸ் கறு­வாத்­தோட்ட பொலிஸ் நிலைய பொறுப்­ப­தி­காரி பிர­தான பொலிஸ் பரி­சோ­தகர் தெல்­க­ஹ­பிட்­டிய ஆகி­யோரின் கீழ் இந்த விசா­ர­ணைகள் ஆரம்­ப­மா­கின.

பண்­டா­ர­நா­யக்க மாநாட்டு மண்­ட­பத்தின் 2 ஆவது தொகுதி அறையின் இரண்­டா­வது மாடியில் உள்ள அறை­யொன்­றி­லேயே இந்த ஆயுத களஞ்­சி­ய­சாலை இருந்த நிலையில் கொழும்பு பிர­தான நீதிவான் சிஹான் பலப்பிட்டியவிடமும் அது தொடர்­பான அறிக்கை தாக்கல் செய்யப்பட்டிருந்தது.

பாது­காப்பு அமைச்சின் உதவி செய­லா­ளர்­களில் ஒரு­வ­ரான சமன் திஸா­நா­யக்­காவின் முன்­னி­லை­யி­லேயே சோத­னை க்கு உட்­ப­டுத்­தப்­பட்ட இந்த ரக்ன லங்கா ஆயுத களஞ்­சி­ய­சா­லையில் இருந்து விசா­ரணை குழு­வினால் 6 ரகங்­களை சேர்ந்த 151 ஆயு­தங்கள் கண்­டு­பி­டிக்க முடிந்­தது. இதில் ரீ 56 ரக துப்­பாக்­கிகள் 44, 84 எஸ் ரக துப்­பாக்­கிகள் 35, எல்.எம்.ஜீ. ரக துப்­பாக்­கி, எம்.பீ.எம்.ஜி. ரக துப்­பாக்­கிகள் 12 துளை ரிபீட்டர் துப்­பாக்­கி கள் 29, கைத்­துப்­பாக்­கிகள் 10 ஆகி­ய­னவே இவ்­வாறு கண்­டு­பி­டிக்­கப்­பட்­டன.

இந்­நி­லையில் அந்த களஞ்­சிய சாலையின் ஆவ­ணங்­களை பரி­சோ­தித்த பொலிஸார் அங்கு 8 ரகங்­களை சேர்ந்த 3473 ஆயு­தங்கள் இருக்க வேண்டும் என்­பதை கண்­ட­றிந்­தனர்.

இதில் ரீ 56 ரக துப்­பாக்­கிகள் 2300, 84 எஸ் ரக துப்­பாக்­கிகள் 670, எல்.எம்.ஜி. துப்­பாக்­கிகள் 385, எம்.பீ.எம்.ஜீ ரக துப்­பாக்­கிகள் 10, எஸ்.எல். ஆர். ரக துப்­பாக்­கிகள் 11, பிஸ்டல் ரக துப்­பாக்­கிகள் 8, 12 துளை ரிபீட்டர் ரக துப்­பாக்­கிகள் 79, ஷொட்­கன்கள் 10 ஆகி­ய­வற்றை அங்கு வைப்­ப­தற்­கான அனு­மதி பெறப்­பட்­டி­ருந்­தது. இந்­நி­லையில் வித்­தி­யா­சப்­படும் ஆயு­தங்கள் தொடர்­பி­லான விசா­ர­ணையை பொலிஸார் ஆரம்­பித்­தனர்.

இந்­நி­லையில் தான் ரக்ன லங்கா நிறு­வ­னத்­துக்கும் காலியில் சிக்­கிய எவன் கார்ட்­டுக்கும் இடையே தொடர்­புகள் இருப்­பது கண்­ட­றி­யப்­பட்­டது.

இதனை தொடர்ந்து வென்கார்ட் மிதக்கும் ஆயுத களஞ்­சி­ய­சாலை மற்றும் ரக்ன லங்கா களஞ்­சி­ய­சாலை ஆகி­யவை தொடர்பில் விசா­ரணை செய்யும் பொறுப்பு பொலிஸ் மா அதிபர் என்.கே. இலங்­க­கோனின் ஆலோ­ச­னைக்கு அமை­வாக குற்றப் புல­னாய்வுப் பிரி­வுக்கு பொறுப்­பான பிரதிப் பொலிஸ் மா அதிபர் ரவி சென­வி­ரட்­னவின் மேற்­பார்­வையின் கீழான விசேட குழு­வொன்­றிடம் கைய­ளிக்­கப்­பட்­டது. அது முதல் விசா­ர­ணை­களை நடத்தி வரும் அந்த விசேட பொலிஸ் குழு நேற்று வரை இது தொடர்­பி­லான விசா­ர­ணை­களில் பெரும் பகு­தியை நிறைவு செய்­தி­ருந்­தது.

சோமா­லிய கடற்­கொள்­ளை­யர்­களின் அச்­சு­றுத்­தல்­க­ளி­லி­ருந்து பாது­காத்துக் கொள்ள உலக நாடுகள் ஒரு உபா­ய­மாக சமுத்­திர பாது­காப்பு தொடர்­பி­லான நிறு­வ­னங்­களை உரு­வாக்­கின. இந்­நி­லை­யி­லேயே ஐக்­கிய நாடுகள் சபையின் சமுத்­திர சட்­டங்­க­ளுக்கு அமை­வாக கடற்­பா­து­காப்பின் பொருட்டு உரு­வாக்­கப்­பட்ட நிறு­வ­ன­மாக எவன்கார்ட் நிறு­வனம் அடை­யா­ளப்­ப­டுத்­தப்­ப­டு­கின்­றது.

இந்த நிறு­வனம் இந்து சமுத்­தி­ரத்தின் ஆழ் கடல் பகு­தியில் சோமா­லிய கடற்­கொள்­ளை­யர்­களின் பிடி­யி­லி­ருந்து கப்­பல்­களை பாது­காக்கும் பணியில் ஈடு­பட்­ட­தாக அறிய முடி­கி­றது.

எனினும் இவ்­வாறு கடமை ஒன்றை முன்­ னெ­டுக்கும் மிதக்கும் ஆயுத களஞ்­சி­ய­சா­லை­யொன்றை கொண்ட கப்பல் எரி­பொருள் உண­வுத்­தே­வையை தவிர்த்து வேறு எந்­த­வொரு தேவைக்­கா­கவும் துறை­மு­கத்­துக்கு வர­மு­டி­யாது என்­பது சட்­ட­மாகும். இந்­நி­லையில் மிதக்கும் ஆயுத களஞ்­சி­ய­சா­லையை கொண்ட கப்பல் காலி துறை­மு­கத்­துக்கு வந்து நங்­கூ­ர­மி­டப்­பட்­டி­ருந்த போது பொலி­ஸா­ரிடம் சிக்­கி­யது எனலாம்.

இந்த எவன்கார்ட் நிறு­வனம் அதை அரச பங்­குள்ள நிறு­வ­ன­மான ரக்ன லங்கா நிறு­வ­னத்தின் ஊடா­கவே தனது நட­வ­டிக்­கை­களை முன்­னெ­டுத்து வந்­துள்­ளது. எவன்கார்ட் நிறு­வ­னத்தை பொறுத்த வரை­யிலோ அல்­லது ரக்ன லங்கா நிறு­வ­னத் தைப் பொறுத்தவரையோ அதன் நியா­யா­திக்க நிலைமை குறித்தே பிரச்­சி­னை­யுள்­ளது.

ஏனெனில் இது தொடர்பில் குற்றப்புல­னாய்வுப் பிரிவின் விசேட குழு முன்­னெ டுத்த ஆரம்­பக்­கட்ட விசா­ர­ணை­களில் ரக்ன லங்கா நிறு­வ­னத்தின் அதி­கா­ரி­களும் எவன் கார்ட்டின் முகா­மைத்­துவ பணிப்­பாளர் நிஸ ங்க சேனா­தி­பதி உள்­ளிட்­டோரும் தாம் பாது­காப்பு அமைச்சின் கீழ் சட்ட திட்­டங்­க­ளுக்கு உட்­பட்டே நட­வ­டிக்­கை­களை முன்­னெ­டுத்­த­தாக குறிப்­பிட்­டனர்.

எவன்கார்ட் நிறு­வ­னத்தை கடற்­பா­து­காப்பு பணியில் ஈடு­ப­டுத்த ஏற்­றுக்­கொள்­ளப்­பட்ட விலை­மனு கோரலை ஒத்த எந்த ஒரு படி­மு­றையும் இடம்­பெற்­றி­ருக்­க­வில்லை. இப்­ப­ணியில் ஈடு­ப­டத்­தக்க பல தனியார் நிறு­வ­னங்கள் இருக்கும் போது ஏக உரிமை எவ்­வித முறை­யான படி­மு­றை­களும் இன்றி எவன் கார்ட்­டுக்கு வழங்­கப்­பட்­டமை சிக்­க­லுக்கு குரி­யதே.

இதனை விட இந்த நட­வ­டிக்­கை­யா­னது பல கோடி ரூபா வரு­மா­னத்தை ஈட்டத்­தக்க செயற்­பா­டாகும். அப்­ப­டி­யானால் அந்த வரு­மா­னத்­துக்கு என்ன நடந்­தது? எவ்­வ­ளவு வரு­மானம் ஈட்­டப்­பட்­டது போன்ற அனைத்தும் சிக்­கலை தோற்­று­விக்கும் வினாக்­களே. எவன்கார்ட் மிதக்கும் ஆயுத களஞ்­சி­ய­சாலை விவ­காரம் இப்­படி இருக்க ரக்ன லங்கா நிறு­வ­னத்தின் கதையும் இடி­யப்பச் சிக்கல் நிறைந்­தது தான்.

ரக்ன லங்கா பாது­காப்பு நிறு­வனம் வங்கி, விமான நிலையம் துறைமுகம் போன்ற முக்­கி­ய­மான இடங்­க­ளுக்கு பாது­காப்பு சேவையை வழங்கும் ஒரு சாதா­ரண நிறு­வ­ன­மா­கவே அறி­யப்­பட்­டது. எனினும் அந் நிறு­வ­னத்தின் ஆயுத களஞ்­சி­ய­சா­லையில் இருந்து மீட்­கப்­பட்ட ஆயு­தங்­களும் ஆவ­ணங்­களில் குறிப்­பி­டப்­பட்­டி­ருந்த ஆயு­தங்­களும் யுத்த களங்­களில் பயன்­ப­டுத்­தப்­படும் ஆயு­தங்­க­ளுக்கு சமாந்­த­ர­மா­னவை. ஒரு தனியார் பாது­காப்பு நிறு­வ­னத்­துக்கு இத்­த­கைய பாரிய ஆயு­தங்­களை பயன்­ப­டுத்த முடி­யுமா என்­பது மிகப் பெரும் கேள்­வியே.

இதனை விட இந்த ஆயு­தங்கள் அனைத்தும் அரச படை­க­ளுக்கு சொந்­த­மா­னவை. வாடகை அடிப்­ப­டை­யி­லேயே அந்த ஆயு­தங்கள் பெறப்­பட்­டுள்­ளன. அப்­ப­டி­யானால் அந்த ஆயு­தங்­க­ளுக்­கு­ரிய வாடகைப் பணம் முற்­றாக செலுத்­தப்­பட்­டுள்­ளதா? அவ்­வாறு செலுத்­தப்­பட்­டி­ருப்பின் அந்த வரு­மானம் அர­சாங்க வரு­மா­னத்தில் காட்­டப்­பட்­டுள்­ளதா போன்ற கேள்­வி­க­ளுக்கு விடை தெரிந்­தாக வேண்டும்.

இவ்­வா­றா­ன­தொரு பின்­ன­ணி­யில்தான் எவன்கார்ட் மிதக்கும் ஆயுத களஞ்­சியம் ரக்ன லங்கா ஆயுத களஞ்­சியம் தொடர்பில் பொறுப்புக் கூறத்­தக்க முன்னாள் பாது­காப்பு செய­லாளர் கோத்தபாய ராஜ­பக் ஷ குற்றப் புல­னாய்வுப் பிரிவின் உயர் அதி­கா­ரி­களைக் கொண்ட குழு­வி­னரால் விசா­ர­ணைக்கு உட்­ப­டுத்­தப்­பட்டு வாக்குமூலம் ஒன்றும் பதிவு செய்­யப்­பட்­டுள்­ளது.

இந்த விவ­கா­ரத்தில் கோத்த­பாய ராஜ­ப­க் ஷவை விசா­ர­ணைக்கு உட்­ப­டுத்த முன்னர் அப்­போ­தைய பாது­காப்பு அமைச்சின் பொறு ப்புக் கூறத்­தக்க மேலும் பல அதி­கா­ரிகள் தொடர்பில் விசா­ர­ணைகள் நடத்­தப்­பட்­டுள்­ளன.

கோத்தபாய ராஜ­பக்ஷ தமக்கு வழங்­கிய நேரடி ஆலோ­சனை வேண்­டு­கோ­ளு க்கு அமை­யவே அவ்­விரு நிறு­வன நட­வ­டிக்­கை­க­ளுக்கும் அனு­மதி வழங்­கி­ய­தாக அவர்கள் குறிப்­பிட்­டுள்ள நிலை­யி­லேயே கோத்தாவிடம் விசா­ரணை முன்­னெ­டுக்­கப்­பட்­டது.

இந்த விசா­ர­ணை­களில் எவன் கார்ட் ரக்ன லங்கா ஆகிய இரு பாது­காப்பு தனியார் நிறு­வ­னங்­க­ளுக்கும் தானே அனு­மதி வழங்­கி­யதை கோத்­தபாய ராஜ­பக்ஷ ஒப்புக் கொண்­டுள்ளார்.இந்­நி­லையில் குற்­றப்­பு­ல­னாய்வுப் பிரிவின் அதி­கா­ரிகள் பிர­தா­ன­மாக ஒரு விட­யத்தை கருத்திற் கொண்­டுள்­ளனர்.

அதா­வது அமைச்­ச­ரவை அனு­ம­தி­யின்றி அல்­லது பாரா­ளு­மன்­றத்­துக்கு தெரி­யாமல் இவ்­வா­றான நிறு­வ­னங்­க­ளுக்கு பாது­காப்பு செய­லா­ள­ருக்கு அனு­மதி வழங்க முடி­யுமா என்ற சட்ட நியா­யா­திக்க தன்மை குறித்தே பிர­தான விசா­ரணை அமைந்­துள்­ளது. ஏனைய விட­யங்கள் தொடர்பில் சட்ட பூர்­வத்­தன்­மைக்கு பின்­னரே அவ­தானம் செலுத்­தப்­பட்­டுள்­ளது.

இந்­நி­லையில் கடற்­கொள்­ளை­ய­ரிடம் இருந்து பாது­காப்­புக்கு எனக் கூறிக்­கொண்டு ஆயுத விற்­பனை நட­வ­டிக்கை ஒன்று முன்­னெ­டுக்­கப்­பட்­டுள்­ள­தாக இணைய ஊட­கங்கள் ஊடாக பர­வ­லாக தக­வல்கள் வெளி­யி­டப்­பட்­டுள்­ளன.

வெளி­நா­டு­களில் இயங்கும் தீவி­ர­வாத கிளர்ச்சிக் குழுக்­க­ளுக்கு இத­னூ­டாக ஆயுதம் விற்­பனை செய்­யப்­பட்டு பெரு­ம­ளவு பணம் பெறப்­பட்­டுள்­ள­தாக அந்த செய்­திகள் ஊடாக குறிப்­பி­டப்­ப­டு­கின்­றன.

ஐ.எஸ். ஐ.எஸ். ,போகோ ஹராம் உள்­ளிட்ட தீவி­ர­வா­தி­க­ளுக்கும் சிரியா, லிபியா உள்­ளிட்ட நாடு­களில் கிளர்ச்­சி­யா­ளர்­க­ளுக்கும் இவ்­வாறு ஆயுத விற்­பனை செய்­யப்­பட்­டுள்­ள­தா­கவும் இதன் பொருட்டு சிலர் ஆபி­ரிக்க நாடுகள் பல­வற்­றுக்கும் சிரியா உள்­ளிட்ட நாடு­க­ளுக்கும் சென்று வந்­துள்­ள­தாக கூறப்­ப­டு­கின்­றது.

இது ஒரு பார­தூ­ர­மான நிலை­மை­யாகும். இந்­நி­லையில் தனியார் நிறுவனம் ஒன்றின் கீழ் பயங்கர ஆயுதங்கள் காணப்படும் போது அல்லது அதன் பாவனைக்கு களஞ்சியப்படுத்தலுக்கு அனுமதி வழங்கப்படும் போது இவ்வாறான சந்தேகங்கள் அல்லது குற்றச்சாட்டுக்கள் யதார்த்தமானவையே. எனவே அது தொடர்பில் விசாரணைகளில் மிகுந்த அவதானம் தேவை. ஏனெனில் அப்படி இடம்பெற்றிருப்பின் அது உலகின் முதன்மை குற்றமாக கருதப்படும். பாரிய பயங்கரவாத செயற்பாடாகவே கொள்ளப்படும்.

எவன்கார்ட் மற்றும் ரக்ன லங்கா விவ கார விசாரணைகள் இறுதிக் கட்டத்தில் இருப்பதாக குறிப்பிடும் பொலிஸ் மா அதிபர் என்.கே. இலங்ககோன் அடுத்த கட்ட நடவடிக்கைகள் சட்டமா அதிபரின் ஆலோசனைக்கு அமைவாக முன்னெடுக் கப்படும் என்றார்.

அப்படியாயின் இந்த விவகாரங்கள் தொடர்பில் முன்னாள் பாதுகாப்பு செயலாளர் கோத்தபாய ராஜபக்ஷ உள்ளிட்ட பொறுப்புக் கூறத்தக்கவர்களை கைது செய்வதா? இல்லையா? அவர்களுக்கு எதிராக எவ்வாறு நடவடிக்கைகளை முன்னெடுக்க வேண்டும் என சட்டமா அதிபர் வழங்கும் ஆலோசனையிலேயே இவ்விவகாரம் தற்போது தங்கியுள்ளது.