அப்படி ஒன்றும் நடக்கவில்லை-டோனி

பிரிஸ்பேனில் 2வது டெஸ்ட் போட்டியின் போது அறையில் கோஹ்லியும், தவானும் மோதிக்கொண்டதாக வெளியான தகவல் தவறானது என டோனி மறுப்பு தெரிவித்துள்ளார்.

இந்திய- அவுஸ்திரேலிய அணிகளுக்கு இடையே நடந்த 2வது டெஸ்ட் போட்டியின் 4வது நாள் ஆட்டத்தில் இந்திய துணை அணித்தலைவர் கோஹ்லிக்கும், சக வீரர் தவானுக்கும் இடையே மோதல் ஏற்பட்டதாக செய்திகள் வெளிவந்தவாறு இருந்தன.

இந்நிலையில் இது குறித்து பத்திரிக்கையாளர் ஒருவர் டோனியிடம் கேட்டதற்கு, அது மோதல் கிடையாது. அது ஒரு குற்றம். அதாவது கோஹ்லி தவானை கோபத்தில் கத்தியால் குத்திவிட்டார். அதனால் தான் நாங்கள் கோஹ்லியை முதலில் களமிறங்க சொன்னோம். இது எல்லாம் கதை தான். இதை வைத்து படமே எடுக்கலாம்.

அதேபோல் தான் இந்திய சுற்றுப்பயணத்தின் போது ஊடகங்கள் தங்கள் இஷ்டத்திற்கு கதைகளை பரப்புகின்றனர். அவர்களுக்கு சிந்திக்கும் திறமை அதிகமாக இருக்கிறது.

அதனால் அவர்கள் திரைப்பட நிறுவனத்தில் வேலை பார்க்கலாம். உங்கள் திறமையை காட்ட உடைமாற்றும் அறையில் ஒன்றும் நடக்கவில்லை என்று கோபமாக கூறியுள்ளார்.